10
ታማነ ናምኡ ሀዋረታ
(ማር 3:13-19፤ ሉቃ 6:12-16)
1 የሱሲ ታማነ ናምኡ ታማረታ ባኮ ፄግድ፥ ቱና አያናታ ከሳና መላነ ሀርገ ኡባ ፓꬃና መላ ኤንታዉ ማታ እሚስ።
2 የሱሲ ኪትዳ ታማነ ናምኡ ሀዋረታ ሱንꬃይ፦ ኮይሮይ ጰፅሮሳ ጌተትያ ስሞናነ እያ እሻ እንድርያሳ፥ ዛብድዮሳ ናኣ ያይቆባነ እያ እሻ ዮሃንሳ፥ 3 ፍልጶሳነ ባርተለሞሳ፥ ቶማሳነ ቃራፃ ቃንፅስያ ማቶሳ፥ እልፍዮሳ ናኣ ያይቆባ፥ ታድዮሳ፥ 4 ባ ቢታስ ምሸትያ ስሞናነ የሱሳ አꬅድ እምዳ አስቆሮታ ይሁዳ።
5 ሄ ታማነ ናምአታ የሱሲ ኪትድ የድሸ፥ “አይሁደ ግዶና ደርያኮ ቦፕተ፥ ቃስ ሳማረታ ካታማካ ገሎፕተ። 6 ሽን እስራኤለ ኬꬃፈ ግድዳ ህን ꬋይዳ ዶርሳታኮ ቢተ። 7 ያ ብድ፥ ‘ሳሎ ካዎተꬃይ ማታትስ’ ግድ ኦድተ። ሉቃ 10:4-12. 8 ሀርጋንቾታ ፓꬅተ፥ ሀይቅዳይሳታ ሀይቆፐ ደንꬅተ፥ ባሮ ሀርጋንቾታ ጌሽ ፓꬅተ፥ ቱና አያናታ ከስተ። ህንተ ጮ ኤክዳይሳ ጮ እምተ። 9 ህንተ ኪሰን ዎርቃ፥ ዎይኮ ብራ ሳንትመ ኦይኮፍተ። 10 ህንተ ኦግያስ ካርፂቶ፥ ናምኡ አፍላ፥ ዎይኮ ጫማ ዎይኮ ፃምአ ኦይኮፍተ፤ ኦሳንቹዋስ ጋላሳ ካꬅ ኮሼስ። 2 ቆሮ 9:14፤ 1 ፅሞ 5:18.
11 “ህንተ እስ ካታማ ዎይኮ ጉታ ገልያ ዎደ ህንተና ሞክድ ኤካናዉ ኡፋይትያ ኡራ ኮይድ እያ ሶን ሸምፕተ፤ ህንተ ባና ጋካናዉ ያን ጋምእተ። 12 ቃስ ኦደ ሶካ ገልሸ ሳሮꬅተ። 13 ሄ ኬꬃይ ህንተና ሞክኮ ህንተ ሳሮꬅዳ ሳሮይ ኤንታና ጋኮ፥ ሽን ኤንቲ ሞኮና እፅኮ ህንተ ሳሮꬅዳ ሳሮይ ህንተዉ ጉየ ስሞ። 14 ኦንካ ህንተና ሞኮናነ ህንተ ኦድያባ ስኦና እፅኮ ሄ ኬꬃፈ ዎይኮ ሄ ካታማፐ ከይሸ ህንተ ቶሁዋን ደእያ ባና ፕትድ ከይተ። ሀዋ 13:51. 15 ታ ህንተዉ ቱማ ኦዳይስ፤ ፆሳ ፕርዳ ጋላሳን ሄ ካታማፐ ሶዶመስነ ጋሞራ ካታማታስ ፕርዳይ ካዉያና። ማቶ 11:24፤ መ 19:24.
16 “ታ ህንተና ዶርሳታዳ ሱꬉመታ ግዶ የዳና። ሄሳ ግሾ፥ ሾሻዳ ጭንጫታ፥ ሆለዳ አዳታ ግድተ። ሉቃ 10:3. 17 አሳይ ህንተና ፕርዳ ዳይናታስ አꬅድ እማና፥ ቃስ አይሁደ ዎሳ ኬꬃን ህንተና ጋራፋና። ሄሳ ግሾ፥ ኤንታፈ ናገትተ። ማር 13:9-11፤ ሉቃ 12:11-12፤ 21:12-15. 18 ታ ግሾ ግድ ህንተና ደርያ ሃረይሳታ ስንነ ካዎታ ስን ኤፋና። ኤንታ ስንꬃንነ አይሁደ ግዶና ደርያ ስንꬃን ኤቅድ ህንተ ታባ ማርካታና። 19 ሽን ህንተና ፕርዳስ አꬅድ እምያ ዎደ፥ ዎይግድ ዛርኖ ግድ ኡንኤቶፍተ፤ ሄ ሳትያን ህንተ ጋናባ ፆሳይ ህንተዉ እማና። 20 አይስ ጊኮ፥ ህንተናን ኦደተይ ህንተ አዋ ጌሻ አያናፐ አትሽን፥ ህንተና ግደከታ።
21 “እሻይ ባ እሻ፥ አዋይ ባ ናአ፥ ሀይቆስ አꬅድ እማና፥ ናይት ባንታና የልዳይሳታ ቦላ ደንድድ ኤንታ ዎꬍሳና።ማር 13:12፤ ሉቃ 21:16. 22 ታ ግሾ ግድ አሳ ኡባይ ህንተና እፃና፥ ሽን ዉርሰꬅ ጋካናዉ ምንዳይ አታና። ማቶ 24:9፤ ማር 13:13፤ ሉቃ 21:17፤ ማቶ 24:13፤ ማር 13:13. 23 እስ ሄራፐ ህንተና ኤንቲ ጎድኮ ሀራ ካታማ ባቃትተ። ታኒ ህንተዉ ቱማ ኦዳይስ፤ አሳ ናአይ ያና ጋካናዉ፥ ህንተ እስራኤለ ካታማ ኡባ ካንከታ።
24 “ታማረይ ባ አስታማርያፐ፥ አይለይ ባ ጎዳፐ አና።ሉቃ 6:40፤ ዮሀ 13:16፤ 15:20. 25 ታማረይ ባ አስታማርያ፥ አይለይ ባ ጎዳ ዳንኮ እያዉ ግዳና። ኬꬃ ጎዳ ብኤል-ዘቡላ ጊኮ እያ ሶ አሳ ዋትድ ኢስድ ፄገኔ?ማቶ 9:34፤ 12:24፤ ማር 3:22፤ ሉቃ 11:15.
26 “ህዛ፥ አሳስ ያዮፍተ። ካመትዳባይ ቆንጮና፥ ቆሰትዳባይ ጌሽ ከዮና አተና። ማር 4:22፤ ሉቃ 8:17. 27 ታኒ ህንተዉ ꬉማን ኦድያባ ህንተ ፖኦን ኦድተ፤ ታ ህንተዉ ሀይꬃን ካልካሽዳባ ዳባባን አዋጅተ። 28 አሾፐ አትሽን፥ ሸምፖ ዎꬋናዉ ዳንዳኦናይሳታስ ያዮፍተ። ሽን ሸምፑዋነ አሹዋ ጋናመን ꬋይሳናዉ ዳንዳእያ ፆሳስ ያይተ። 29 ናምኡ ቡበት እስ ሳንትመን ባይዘቶኮናዬ? ሀኖፐ አትሽን፥ ኤንታፈ እስናካ ህንተ ፆሳይ ጎና ደእሽን ሳአን ዎꬉኩ። 30 ሀር አቶሽን፥ ህንተ ሁጰ ብናናይካ ፓይደትድ ደኤስ። 31 ህዛ፥ ዳሮ ቡበታፐ ህንተ አꬍያ ግሾ ያዮፍተ።
32 “አሳ ስንꬃን ታዉ ማርካትያ ኡባስ ታንካ ሳሎን ደእያ ታ አዋ ስንꬃን ማርካታና። 33 ሽን አሳ ስንꬃን ታና ካደይሳ ታንካ ሳሎን ደእያ ታ አዋ ስንꬃን ካዳና። 2 ፅሞ 2:12.
34 “ታኒ ሳአን ሳሮ ኤሀናዉ ይዳ ህንተዉ ዳኖፖ። ታኒ ቶራፐ አትሽን፥ ሳሮተꬅ ኤሀናዉ ያቢከ። 35 ታኒ ይዳይ፥
“ ‘ናኣ አዋፐ
ማጫ ናእዉ አየፐ
ናኣ ማችዉ አዝና አየፐ ሻካናሳ። ምክ 7:6.
36 አሳስ ሞርከት እያ ሶ አሳታ ግዳና።’
37 “ታፐ አꬅድ ባ አዋ ዎይኮ ባ አይዉ ዶሰይ፥ ታባ ግዳናዉ በሰና። ባ አደ ናአ ዎይኮ ባ ማጫ ናእዉ ታፐ አꬅድ ዶሰይ፥ ታባ ግዳናዉ በሰና። 38 ባ ማስቃልያ ቶክድ ታና ካሎና ኦንካ ታባ ግዳናዉ በሰና። ማቶ 16:24፤ ማር 8:34፤ ሉቃ 9:23. 39 ባ ሸምፑዋ አሻናዉ ኮየይ ꬋይሳና፥ ሽን ባ ሸምፑዋ ታ ግሾ አꬅድ እመይ አሻና። ማቶ 16:25፤ ማር 8:35፤ ሉቃ 9:24፤ 17:33፤ ዮሀ 12:25.
40 “ህንተና ሞከይ ታና ሞኬስ፥ ታና ሞከይ ቃስ ታና ኪትዳይሳ ሞኬስ። ሉቃ 10:16፤ ዮሀ 13:20፤ ማር 9:37፤ ሉቃ 9:48. 41 ናብያ ናበ ሱንꬃን ሞከይ፥ ናብያꬆ ዎይተታና፤ ቃስ ፅሉዋ ፅሎ ሱንꬃን ሞከይ፥ ፅሉዋꬆ ዎይተታና። 42 ታ ህንተዉ ቱማ ኦዳይስ፤ ሀ ታ ታማረታፐ ጉፅያ እሱዋስ ታና ካልያ ግሾ ሀር አቶሽን ጉꬃ እርፃ ሃꬅ እምኮ እያ ዎይቶይ ꬋየና” ያግስ።
10:7 ሉቃ 10:4-12.
10:10 2 ቆሮ 9:14፤ 1 ፅሞ 5:18.
10:14 ሀዋ 13:51.
10:15 ማቶ 11:24፤ መ 19:24.
10:16 ሉቃ 10:3.
10:17 ማር 13:9-11፤ ሉቃ 12:11-12፤ 21:12-15.
10:21 ማር 13:12፤ ሉቃ 21:16.
10:22 ማቶ 24:9፤ ማር 13:13፤ ሉቃ 21:17፤ ማቶ 24:13፤ ማር 13:13.
10:24 ሉቃ 6:40፤ ዮሀ 13:16፤ 15:20.
10:25 ማቶ 9:34፤ 12:24፤ ማር 3:22፤ ሉቃ 11:15.
10:26 ማር 4:22፤ ሉቃ 8:17.
10:33 2 ፅሞ 2:12.
10:35 ምክ 7:6.
10:38 ማቶ 16:24፤ ማር 8:34፤ ሉቃ 9:23.
10:39 ማቶ 16:25፤ ማር 8:35፤ ሉቃ 9:24፤ 17:33፤ ዮሀ 12:25.
10:40 ሉቃ 10:16፤ ዮሀ 13:20፤ ማር 9:37፤ ሉቃ 9:48.