1 የሱሳራነ እያ ታማረታራ የሩሳላመ ማትድ፥ ሻማሆ ዙማ ቦላ ደእያ ቤተፋገ ጌተትያ ጉታ ጋክሸ፥ የሱሲ ባ ታማረታፐ ናምአታ ባፐ ስን ያግድ ኪትስ፦ 2 “ህንተፈ ስንꬃን ደእያ ጉታ ቢተ። ያን እስ ሀረይ ቃሾን ደእያሮ እ ማራራ ህንተ ደማና። ኤንታ ብልድ ሃ ኤክ ዪተ። 3 ኦንካ ህንተና ኦይችኮ፥ ‘ጎዳይ ኤንታና ኮዬስ’ ያግተ። እ ኤንታና ኢራካ የድ አጋና” ያግስ።

4 ሄስካ ናበይ፥

6 እያ ታማረት ብድ የሱሲ ኤንታ ኪትዳይሳዳ ኦꬅዶሶና። 7 ሃሪውነ ሀረ ማራ ኤህድ ቦላራ ማእዳ ባንታ ማኡዋ ኤንታ ዞኮን የግዶሶና። የሱሲ ማኦታ ቦላ ኡትስ። 8 ዳሮ አሳይ ባንታ ማኡዋ ኦግያን ሂፅዶሶና። ሀራት ቦንጮ ታሽድ ኦገ ቦላ የግዶሶና። 9 የሱሳፐ ስንꬃራ ሄመተይሳትነ እያፐ ጉየራ ካልያ ዳሮ አሳይ፥

10 የሱሲ የሩሳላመ ካታማ ገልዳ ዎደ ሄ ካታማን ደእያ አሳ ኡባይ፥ “ሀይስ ኦኔ?” ያግድ ያርክዶሶና።

11 አሳይ፥ “ሀይስ ጋልላን ደእያ ናዝረተ ካታማፐ ይዳ ናብያ የሱሳ” ያግዶሶና።

12 የሱሲ ፆሳ ኬꬅ ገልድ፥ ያን ባይዘይሳታነ ሻመይሳታ ኡባ ካረ ጎድስ። ሚሸ ላመይሳታ ፃርጴዛታነ ሆለታ ባይዝያ ኦይደታ ሽር የግስ። 13 እካ ኤንታኮ፥ “ፆሳ ቃላን፥ ‘ታ ኬꬃይ ፆሳ ዎስያ ኬꬅ ጌተታና’ ጌተትድ ፃፈትስ። ሽን ህንተ ፓንጋት ቆሰትያ ጎንጎሎ ኦꬅደታ” ያግስ። እሳ 56:7፤ ኤርም 7:11.

14 የሱሲ ፆሳ ኬꬃን ደእሽን ቆቀትነ ጉንዳት እያኮ ይን ኤንታ ፓꬅስ። 15 ሽን ካህነ ሀላቃትነ ህገ አስታማረት የሱሲ ኦꬅዳ ማላልስያባታ በእዳይሳስነ ጉꬃ ናይት ፆሳ ኬꬃን፥ “ዳዊታ ናአይ፥ ጋላተቶ” ያግድ ዋሰይሳ ስእድ ሀንቀትዶሶና። 16 ኤንቲ የሱሳኮ፥ “ሀይሳቲ ገይሳ ነ ስአይ?” ያግዶሶና።

የሱሲ፥ “ኤ ስአይስ፥ ፆሳ ቃላን፥ ‘ጉꬃ ናይታ ዶናንነ ꬋምያ ናይታ ዶናን ጋላታ ዎꬃዳሳ’ ጌተትድ ፃፈትዳይሳ ህንተ ናባብበከቲ?” ያግስ። 17 ኤንታና ያን አግድ ብታነ ካታማ ብድ አቅስ።

18 የሱሲ ዎንታ ጉራ ካታማ ስሚድ ይሸ ኮሻትስ። 19 ኦገ ጋፃን እስ ባላሰ ምꬅ በእድ ኢኮ ብስ። ሽን ሀይꬃፈ አትሽን፥ ሀራ አይኮካ ደምቤና። ሄሳ ግሾ፥ እዮ፥ “ህዛፐ ናምአንꬆ አይፈ አይፎፓ!” ያግስ። ሄ ባላሰ ምꬅያ ኤለሳዳ መላ አጋሱ።

20 እያ ታማረት ሄሳ በእድ፥ “ሀ ባላስያ ዋናዳ ኤለሳ መላዴ?” ያግድ ማላለትዶሶና።

21 የሱሲ ዛሪድ፥ “ታኒ ህንተዉ ቱማ ኦዳይስ፤ ህንተዉ አማኖይ ደእኮ፥ ቃስ ህንተ ስꬎና እፅኮ ባላሰ ቦላ ታኒ ኦꬅዳይሳ መላ ፃላላ ኦከታ፥ ሽን ‘ሀ ዙማ ሾደታዳ አባን ዎꬋ’ ያግኮ ሀናና። ማቶ 17:20፤ 2 ቆሮ 13:2. 22 አማንድ ህንተ ዎስያባ አይብባ ግድኮካ ህንተ ኤካና” ያግስ።

23 የሱሲ ፆሳ ኬꬃ ገልድ ታማርስሽን፥ ካህነ ሀላቃትነ አይሁደ ጭማት እያኮ ይድ፥ “ኔኒ ሀይሳ ኦꬃና መላ ነዉ አይ ማት ደኢ? ነዉ ሀ ማታ እምዳይ ኦኔ?” ያግድ ኦይችዶሶና።

24 የሱሲ ኤንታኮ፥ “ታንካ ህንተና እስባ ኦይቻይስ፤ ህንተ ታዉ ሄሳ ዛርኮ፥ ታኒ አይ ማታን ኦꬅያኮ ህንተዉ ኦዳና። 25 ዮሃንስ ፃማቃና መላ ማታይ አዉፐ እመትዴ? ፆሳፈየ አሳፔ?” ያግስ።

ኤንቲ ባንታ ግዶን ዞረትድ፥ “ኑኒ፥ ‘ፆሳፈ’ ጊኮ፥ እ ኑና፥ ‘ያትን አይስ አማንበከቲ?’ ያጋና። 26 ኑኒ፥ ‘አሳፐ’ ጊኮ፥ አሳ ኡባይ ዮሃንሳ ናበ ኦꬅ ፄልያ ግሾ፥ አሳ ያዮስ” ያግዶሶና። 27 ሄሳ ግሾ፥ “ኑኒ ኤሮኮ” ያግድ ዛርዶሶና።

እካ፥ “ህዛ፥ ታንካ ሀይሳ አይ ማታን ኦꬅያኮ ህንተዉ ኦድከ” ያግስ።

28 “የሱሲ ካልድካ ሀይሳዳ ያግስ፦ ናምኡ አደ ናይት ደእያ እስ ኡራይ ደኤስ። ሄ ኡራይ ባይራ ናኣኮ ብድ፥ ‘ታ ናአዉ፥ ሀች ዎይነ ግዶ ባዳ ኦꬃ’ ያግስ። 29 ናአይ ዛሪድ፥ ‘አቶ ቢከ’ ያግስ። ሽን ጉየፐ ባ ዎዛናን ቆፕ ኤክድ ኦꬃናዉ ብስ። 30 አዋይ ባ ካሎ ናኣኮ ብድ፥ ባ ባይራ ናኣኮ ግዳይሳዳ ኪትስ። እካ፥ ‘ኤሮ፥ ታ አዋዉ’ ያግስ። ሽን ብቤና። 31 ሀ ናምኡ ናይታፐ ባ አዋስ ኪተትዳይስ አዉሴ?” ያግስ።

ኤንትካ፥ “ባይራ” ያግዶሶና።

የሱሲ ኤንታኮ፥ “ታ ህንተዉ ቱማ ኦዳይስ፤ ቃራፃ ቃንፅሰይሳትነ ላይማተይሳት ህንተፈ ስንꬃትድ ፆሳ ካዎተꬃ ገላና። 32 ፃማቅያ ዮሃንስ ሱረ ኦግያ ታማርስሸ ይን እ ገይሳ አማንበከታ። ሽን ቃራፃ ቃንፅሰይሳትነ ላይማተይሳት አማንዶሶና። ህንተ ሀር አቶሽን፥ ኤንታ በእድካ ህንተ ናጋራፐ ስሚድ አማንበከታ” ያግስ። ሉቃ 3:12፤ 7:29-30.

33 ቃስካ የሱሲ ሀይሳዳ ያግስ፤ “ሀራ ሌምሶ ስእተ፥ ዎይነ ቶክዳ እስ ኡራይ ደኤስ። ሄ ዎይንያ ዩሹዋ ድርስ። ዎይነ ጉምእያ ኦላ ቦክስ። ዎይንያ ናጋናዉ ሻኮ ሻክስ። ሄሳፈ ጉየ፥ ጋድያ ኮ እምድ ሀራ ቢታ ብስ። እሳ 5:1-2. 34 ዎይነ አይፍያ ማፅያ ዎደይ ጋክን ባና ጋክያ ባጋ ኤክድ ያና መላ ባ አይለታ ኤንታኮ የድስ። 35 ኮ አዋት እያ አይለታ ኦይክድ እሱዋ ዋꬍዶሶና፥ ሀንኩዋ ዎꬍዶሶና ቃስ አትዳይሳ ሹቻን ጫድዶሶና። 36 ዎይነ አታክልትያ ጎዳይ ካሰይሳታፐ ዳርያ ሀራ አይለታ ኪትስ። ኮ አዋት ኤንታ ቦላካ ሀንኮይሳታ ቦላ ኦꬅዳይሳዳ ኦꬅዶሶና። 37 ዉርሰꬃን እ፥ ‘ታ ናኣ ኤንቲ ቦንቻና!’ ያግድ ባ ናኣ ኤንታኮ ኪትስ።

38 “ሽን ኮ አዋት ናኣ በእድ ባንታ ግዶን ‘ጋድያ ላታናይስ ሀይሳ፥ እያ ዎꬍድ ጋድያ ኑኒ ላቶስ!’ ያግዶሶና። 39 ናአ ኦይክድ ዎይነ ጋድያ ግዶፈ ጋፃ ከስድ ዎꬍዶሶና።

40 “ህዛ፥ ዎይነ ጋድያ ጎዳይ ያ ዎደ ሄ ኮ አዋታ ዋታኔ?” ያግድ ኦይችስ።

41 ኤንቲ ዛሪድ፥ “እ ሄ ኢታ አሳታ ኢታ ዎꬎ ዎꬍድ፥ ዎይነይ አይፍያ ዎደ እያ ጋክያ ባጋ ዎደን ዎደን እምያ ሀራ ኮ አዋታስ እማና” ያግዶሶና።

42 የሱሲ ዛሪድ ኤንታኮ፥ ፆሳ ቃላን፥

43 “ሄሳ ግሾ፥ ታኒ ህንተዉ ኦዳይስ፤ ፆሳ ካዎተꬃይ ህንተፈ ኤከትድ ሎኦ አይፈ አይፍያ አሳታስ እመታና። 44 [ሀ ሹቻ ቦላ ኩንድያ ኦንካ መቀረታና። ቃስ ሀ ሹቻይ እያ ቦላ ዎꬍያ ኡራይካ ጋጨታና”]†እስ እስ በን ማፃፋት ፓይዶ 44 ጉጆሶና። (ሉቃ 20:18 ፄልተ) ያግስ።

45 ካህነ ሀላቃትነ ፋርሳወት የሱሲ ኦድዳ ሌምሱዋን ባንታና ኦድዳይሳ ኤርዶሶና። 46 ኤንቲ የሱሳ ኦይካናዉ ኮይዶሶና፥ ሽን አሳይ የሱሳ ናበ ኦꬅድ ፄልያ ግሾ፥ አሳስ ያይዶሶና።