1 የሱሲ አሳስ ዛሪድ ሀይሳዳ ያግድ ሌምሶ ኦድስ። 2 “ፆሳ ካዎተꬃይ ባ ናኣስ ያጋኖ ጊግስዳ ካዋ ዳኔስ። 3 ሄ ካዎይ ያጋኖ ያና መላ ኦድ ዎꬅዳ አሳታ ፄጋናዉ ባ አይለታ ኪትስ። ሽን አሳት ያናዉ ኮይቦኮና። 4 ቃስ ሀራ አይለታ ፄግድ፥ ፄገትዳ አሳታኮ ብድ፥ ‘ታኒ ታ ሳንጋታነ ሞꬍዳ ጋታርመንꬆታ ሹካስ፤ ኡባባይ ጊግስ። ታ ያጋኑዋ ሃ ዪተ ያግተ’ ያግድ ኪትስ። 5 ሽን ፄገትዳይሳት ፄሳ እፅድ፥ ባንታ ኦሶስ ኦሶስ ብዶሶና። እሶይ ባ ጎሻስ፥ ሀንኮይ ባ ዛልእያስ ብስ። 6 ሀራት ቃስ ካዋ አይለታ ኦይክድ፥ ካዉሽ ዋꬍድ ዎꬍዶሶና።

7 “ካዎይ ዳሮ ይሎትድ፥ ባ ዎታዳረታ የድድ ሸምፖ ዎꬍዳይሳታ ዎꬍስስ፥ ኤንታ ካታማካ ፁግስ። 8 ሄሳፈ ጉየ፥ ባ አይለታኮ፥ ‘ያጋኖይ ጊግስ፥ ሽን ፄገትዳይሳት ያጋኑዋስ በሲያ አስ ግዶኮና። 9 ሄሳ ግሾ፥ ዎጋ ኦገታ ብድ፥ ደምዳ አስ ኡባ ያጋኑዋ ያና መላ ፄግተ’ ያግስ። 10 አይለት ኦግያ ቦላ ብድ ባንታ ደምዳ አስ ኡባ ሎኦታነ ኢታታ ኤህድ ያጋኖ ሻቃራ ገልስድ ኩንꬅዶሶና።

11 “ሽን ካዎይ ካꬃ ማናዉ ኡትዳ አሳ በአናዉ ገልዳ ዎደ ያጋኖ ማኦ ማእቦና እስ አስ ደምስ። 12 እያኮ፥ ‘ላ፥ ነ ያጋኖ ማኦ ማኦና ዋናዳ ሀይሳ ገላዲ?’ ያግስ። ሽን ኡራይ ስእ ግስ።

13 “ካዎይ ባ አይለታኮ፥ ‘ሀ ኡራ ኩሽያነ ቶሁዋ ቃችድ፥ ካረ ꬉማ ከስ የግተ። ያን እያዉ ዬሆነ አቻ ጋርጨꬅ ግዳና’ ያግስ። ማቶ 8:12፤ 25:30፤ ሉቃ 13:28.

14 “ሄሳዳካ፥ ፆሳ ካዎተꬃስ ፄገትዳይሳት ዳሮ ሽን ዶረትዳይሳት ጉꬃ” ያግስ።

15 ሄሳፈ ጉየ፥ ፋርሳወት ብድ፥ የሱሳ ዋት ኦዳን ኦይካኔኮ ዞረትዶሶና። 16 ባንታ ታማረታነ ሄሮዲሳ ባጋታፐ እሶታ እሶታ ኪትዶሶና። ኤንትካ፥ “አስታማርያዉ፥ ነ ቱማ ኦደይሳ ኑ ኤሮስ። ኔኒ አሳፐ አሰ ሻካካ፥ አሳ ዎይጋንደስ ጋዳ አይኮካ ኦꬃካ፥ ፆሳ ኦገ ቱማተꬃን ታማርሳሳ። 17 አነ ኑስ ኦዳ፥ ኑኒ ሮመ ካዋስ ጊራ ጊራናዉ በሲ በሰኔ?” ያግዶሶና።

18 ሽን የሱሲ ኤንታ ኢታ ቆፋ ኤርድ፥ “ሀ ጩቦቶ፥ ታና አይስ ፓጨቲ? 19 ጊራ ጊርያ ሚሽያ ታና በስተ” ያግስ። ኤንትካ እያዉ ሳንትመ ኤህዶሶና። 20 እ፥ “ሀ ሱንꬃይነ ምስለይ ኦደባዬ?” ያግስ።

21 ኤንቲ፥ “ሮመ ካዎይሳ” ያግዶሶና።

ያትን የሱሲ ኤንታኮ፥ “ህዛ፥ ካዋስ በሰይሳ ካዋስ፥ ፆሳስ በሰይሳ ፆሳስ እምተ” ያግስ።

22 ኤንቲ ሄሳ ስእዳ ዎደ ማላለትድ እያ ማታፐ አግድ ብዶሶና።

23 ሄ ጋላስ ሀይቆፐ ደንዶይ ባዋ ግያ ሳዱቃወት የሱሳኮ ይድ፥ ያግድ እያ ኦይችዶሶና። ሀዋ 23:8. 24 “አስታማርያዉ፥ ‘ሙሰይ፥ እስ አስ ናአ የሎና ሀይቅኮ፥ ሄ ሀይቅዳይሳ እሻይ እያ ማችዉ ኤክድ፥ ባ እሻስ ናአ የሎ’ ያግድ ኪትስ። ዛረ 25:5. 25 ኑ ኤርያ ላፑን እሻት ደኦሶና። ባይራይ ማቾ ኤክድ ናአ የሎና ሀይቅስ። እያ ማችዉ እያ ካሎ እሻይ ኤክስ። 26 ሄሳዳካ፥ ሄ ማጫስዉ ኤክዳ ናምአንꬆይካ፥ ሄꬓንꬆይካ፥ ብድ ላፑናት ዉራና ጋካናዉ ኡባይ ሀይቅዶሶና። 27 ኡባፈ ጉየ ሄ ማጫስያ ሀይቃሱ። 28 ያትን፥ ላፑናት ኡባይ እዮ ኤክዳ ግሾ፥ ሀይቆፐ ደንድያ ጋላስ፥ ሄ ማጫስያ ላፑናታፐ አዉሳስ ማቾ ግዳኔ?” ያግዶሶና።

29 የሱሲ ዛሪድ፥ “ህንተ ፆሳ ቃላይ ታማርስያባ ዎይኮ እያ ዎልቃ ኤሮና ግሾ ባሌታ። 30 አሳይ ሀይቆፐ ደንድያ ዎደ ሳሎን ደእያ ኪታንቾታ መላ ግዳናፐ አትሽን፥ ኤኮኮና ገሎኮና። 31 ቃስ ሀይቅዳ አሳት ሀይቆፐ ደንዳናባ ፆሳይ ህንተዉ ኦድዳይሳ ናባብበከቲ? 32 ፆሳይ፥ ‘ታኒ አብራሃመ ፆሳ፥ ይሳቃ ፆሳ፥ ያይቆባ ፆሳ’ ያግስ። ሄሳ ግሾ፥ ፆሳይ ፓፃ ደኤይሳታ ፆሳፈ አትሽን፥ ሀይቅዳይሳታ ፆሳ ግደና”*ፆሳይ ፓፃ ደኤይሳታ ፆሳፈ አትሽን፥ ሀይቅዳይሳታ ፆሳ ግደና፦ የሱሲ ሀ በሳን ኦደይ ፆሳይ ሀ ሀይቅዳ ሄꬓታስ ፆሰ ግድኮ ኤንቲ ደኦን ደኦሶና ያገይሳ። ያግስ። ከሳ 3:6.

33 ዳሮ አሳይ ሄሳ ስእድ፥ እያ ትምርትያን ማላለትዶሶና።

34 የሱሲ ሳዱቃወታስ ጋናባ ꬋይስዳይሳ ፋርሳወት ስእዳ ዎደ እስፈ ሺቅዶሶና። 35 ኤንታ ግዶፈ እስ ህገ አስታማረይ የሱሳ ፓጨ ኦይሾ ኦይችስ። 36 “አስታማርያዉ፥ ህገ ኡባፈ አይስ አዉሴ?” ያግድ ኦይችስ።

37 የሱሲ ዛሪድ፥ “ ‘ነ ጎዳ፥ ነ ፆሳ፥ ነ ኩመꬃ ዎዛናፐ፥ ነ ኩመꬃ ሸምፑዋፈ፥ ነ ኩመꬃ ቆፋፐ ዶሳ። ዛረ 6:5. 38 ኡባፈ አይስነ ባይራ ኪታይ ሀይሳ። 39 ናምአንꬆ ኡባፈ አꬍያ ኪታይ፥ አሰ ኡባ ነ ሁጵያ ነ ዶሰይሳዳ ዶሳ’ ያገይሳ። ሌወ 19:18. 40 ሙሰ ህገይነ ናበታ ትምርተይ ኡባይ ሀ ኪታታ ቦላ ካቶሶና” ያግስ። ሉቃ 10:25-28.

41 ፋርሳወት እስ ቦላ ሺቅድ ደእሽን፥ የሱሲ ኤንታና፥ 42 “ክርስቶሳባ ህንተ ዎይገቲ? እ ኦደ ናኤ?” ያግድ ኦይችስ።

ኤንቲ፥ “እ ካዋ ዳዊታ ናአ” ያግድ ዛርዶሶና።

43 የሱሲ ኤንታኮ፥ “ያትን፥ ዳዊቲ ጌሻ አያናን ግድድ ዋትድ ክርስቶሳ፥ ‘ጎዳ’ ግድ ፄጊ? ዳዊታ ግሸ፥

46 የሱሳስ እስ ቃላ ዛራናዉ ዳንዳእዳ አስ ኦንካ ባዋ። ቃስ ሄ ጋላሳፐ ዶምድ ሀራ ኦይሻ ኦይቻናዉ ኦንካ ዳንዳእቤና።