1 ክርስቶሳን ህንተ ደእያ ደኦይ ህንተና ምንꬄስ፤ ቃስ እያ ሲቆይካ ህንተና ምንꬄስ። ጌሻ አያናራ ህንተዉ እስፈተꬅ ደኤስ፤ ህንተ ሀራታስ ኬሄታነ ቃተታ። 2 ህዛ፥ ህንተ እስ ቆፋን፥ ሲቆን፥ እስ ዎዛናንነ አያናን እስኖ ግድድ ታና ፖሎ ኡፋይስተ። 3 ህንተና ዶሶን ዎይኮ ጬቀትያ ሀዳ አሞን እስባካ ኦꬆፍተ። ሽን ህንተ እሶይ እሱዋፈ ግታታይስ ያግድ ቆፖና ህንተና ካዉሽተ። 4 ህንተ እሶይ እሶይ፥ ሀራ አስ ማድያባ ኮይተፐ አትሽን፥ ህንተና ማድያባ ፃላላ ኮዮፕተ።

5 ክርስቶስ የሱሳን ደእያ ቆፋይ ህንተናን ዳናዉ በሴስ።

12 ታ እሻቶ፥ ታኒ ህንተራ ደእያ ዎደ ኡባን ህንተ ኪተትዳይሳዳ፥ ሀእ ታኒ ህንተ ማታፐ ሃክንካ፥ ካሰይሳፈ አꬅድ፥ ኪተታናዉ በሴስ። ፆሳስ ያሻንነ ኮኮርሳን ህንተ አቶተꬃ ፖላናዉ ኦꬅተ። 13 ፆሳይ፥ ህንተ እያዉ ኤሮ ግድ ኪተታና መላ ኡባ ዎደ ህንተ ግዶን ኦꬄስ።

14 አይ ኦሶ ኦꬅሸካ ዙዙሞና ዎይኮ ፓላሞና ኦꬅተ። 15 ጌላነ ናጋራንቾ አሳ ግዶን ቦረቶናይሳታ፥ ጌሻታነ ፖኮይ ባይና ፆሳ ናይታዳ ግድተ። ህንተ ኤንታ ግዶን ሳሎ ፆልንቶዳ ፖእሸ፥ ዛረ 32:5. 16 ደኦ እምያ ኪታ ኤንታዉ ኦድተ። ሄ ዎደ ታ ዳቡርሳይነ ታ ኦሶይ መላ አትቦና ግሾ፥ ክርስቶስ ያ ጋላስ ታ ህንተናን ጬቀታና።

17 ህንተ ፆሳስ እምያ አማኖ እሞታ ቦላ ታ ሱꬃይ ኡሻ ያርሾዳ *ታ ሱꬃይ ኡሻ ያርሾዳ፦ እስ እስ ዎደ ያርሾ በሳን ያርሸትያ መሄ ያርሹዋ ቦላ ሃ ዎይኮ ዎይነ ኡሻይ ጉኬስ። ጉክኮካ ታና ኡፋይሴስ። ህንተካ ታራ ኡፋይታና። 18 ሄሳዳ ህንተካ ኡፋይትድ ታናካ ኡፋይሳናዉ በሴስ።

19 ታኒ ህንተ ደኡዋባ ስአዳ ኡፋይታናዉ ፅሞትዮሳ ህንተኮ ኤለሳዳ የዳና መላ ጎዳ የሱሲ ታና ማዳናይሳ አማነታይስ። 20 ህንተ ደኡዋስ ዎዛናፐ ቆፕያ እያ መላ አስ ሀር ኦንካ ባዋ። 21 ሀራት ባንታና ጎእያባ ኮዮሶናፐ አትሽን፥ የሱስ ክርስቶሲ ኮያባ ኦꬆኮና። 22 እ ታራ እስፈ ግድድ ናእ ባ አዋስ ኦይሳዳ ዎንገላ ኦሶ ኦꬅዳይሳነ አማነትያ አስ ግደይሳ ህንተ ኤሬታ። 23 ሄሳ ግሾ፥ ታባይ ሀንያባ በአዳ ኤለሳዳ እያ ህንተኮ የዳና ጋዳ ቆፓይስ። 24 ታኒ፥ ታ ሁጰን ማታ ዎደን ህንተኮ ባናይሳ ጎዳን አማነታይስ።

25 ሄሳዳካ፥ ታኒ፥ ታ እሻ ኤጳፍራድቱሳ፥ ታራ እስፈ ታ ባጋ ግድድ ኦꬅዳይሳ፥ ኦለትዳይሳነ፥ ታና ማዳናዉ ህንተዉ ኪተትዳይሳ፥ ህንተኮ ኪታናዉ ቆፓስ። 26 እ ህንተና ኡባ በአናዉ ዳሮ ላሞቴስ። ቃስ እ ሀርገትዳይሳ ህንተ ስእዳ ግሾ፥ ባ ዎዛናን ዳሮ ኡንኤትስ። 27 እ ቱማ ሀርገትድ፥ ሀይቅ ክችድ አትስ። ሽን ፆሳይ እያዉ ቃትስ። እያ ፃላላስ ግዶናሽን፥ አዛኖይ አዛኖ ቦላ ጉዠቶናዳ ታዉካ ቃትስ።

28 ህዛ፥ ህንተ እያ ዛር በእድ ኡፋይታናዳ ታዉካ ታ ዎዛና ሴላይ እርፃናዳ ታኒ እያ ኤለሳዳ ህንተኮ የዳናዉ አሞታይስ። 29 ጎዳስ ሀጋዝያ አሳዳ እያ ኩመꬃ ኡፋይሳን ሞክተ። ቃስ እያ መላ አሳ ኡባ ቦንችተ። 30 ህንተ ታ ማታን ግድድ ኦꬃናዉ ዳንዳኦና ማድያ ማድድ ክርስቶሳ ኦሱዋ ግሾ፥ ባ ሸምፑዋስ ምሸቶና እፅድ ሀይቅ ክችድ አትስ።