ታ ኪታ ነ ዎዛናን ዎꬃ።

ታ ትምርትያ ነ አይፈ ናኤዳ ናጋ።

3 ነ ኩሸን ኤንታ ቃቻ፤

ነ ዎዛናን ኤንታ ፃፋ።

አኬካ ነ ማታ ዳቦዳ ፄላ።

ባ ቃላን ጭምያ ሀራ ማጫሳፐ ናጋና።

ኤንታ ግዶፈ እሶይ ዳሮ ኤያ።

እስ ላይማ ማጫሰ ኬꬃ ማታራ አꬌስ፤

እ ሶ ኤፍያ ኦግያ ስሚድ እ ሶኮ ብስ።

እያ ላይማ ግደይሳ እ ማኦይ ኤርሴስ፤

እያ አሳ ጭማናዉ ሀልቻዳ ከያሱ።

ሶን ዎፑ ጋዳ ኡቱኩ።

እስ ቶሆ ዳባባን ኤቃዳ ናጋዉሱ።

እያ ትሽ ኦꬃዳ ፄላሸ ሀይሳዳ ያጋሱ፤

ታ ቃንገꬃ ሀች ጋꬃስ።

ነና ዳሮ ኮያስ፤ ህዛ ነና ደማስ።

አሌቀትዳ አፍላ ሂፃስ።

ካርበፈ፥ አልሙነፐነ ቃራፋፐ፥

ኦሰትዳ ሽቱዋ ፑካስ።

ቆመትድ ኡፋይቶስ።

ሃሆ ቢታ ብስ።

አጌና ኩሞና ሶ ስመና” ያጋሱ።

ባ ሊቆ እንፃርሳን እያ ጭማሱ።

ጋር ኤሶትድ ፅሄን ገለይሳዳ፥

እ እዮ ካልድ ብስ።

ግተ ግዶ ገልዳ ካፎ ዳንስ፤

ሄስ ኡባይ እያ ሸምፑዋ ꬋይሳናዉ ሀነይሳ ኤርቤና።

ታ ዶናፐ ከይያ ቃላ ሀይዛ።

25 ነ ዎዛናይ ማጫሳ ጌዶ ቦፖ፤

እ ኦግያን ገላዳ ꬋዮፓ።

እያ ዎꬍዳይሳት ጉꬃ ግዶኮና።

ሀይቆኮ ካለꬅያ ሆሮጋ።