ሽን ዶምኤꬅያ ቃል ሀንቆ ደንꬄስ።

ሽን ኤያታ ዶናይ ኤያተꬅ ፑልትሴስ።

ኢታታነ ሎኦታ ሻክድ በኦሶና።

ሽን ጌላ ኦድ አያና መንꬄስ።

ሽን ባ አዋ ሴራ ኤክያ አስ ጭንጫ።

ሽን ኢታታ ሶ ገልያ ሚሸይ መቶ ኤሄስ።

ሽን ኤያታ ዎዛናይ ሄሳ መላ ግደና።

ሽን ሱረታ ዎሳን እ ኡፋይቴስ።

ሽን ፅሎተꬅ ካለይሳታ እ ዶሴስ።

ሴራ እፅያ አስ ሀይቄስ።

ያትን፥ አሳ ዎዛና ቆፋይ ዋን እያፐ ጌማኔ?

ጭንጫታፐ ዞረ ኦይቸና።

ሽን ዎዛን አዛንኮ፥ አያን መቄስ።

ሽን ኤያት ባንታ ኤያተꬃን ኡፋይቶሶና።

ሽን ኡፋይትያ አስ ኡባ ዎደ አለስ።

ጎዳ ያሻራ ደእያ ጉꬃባይ ኬሀ።

ሲቆይ ደእያ በሳን ሳንꬅ ኬሀ።

ሽን ዳንዳእ ኦሽ እርፅሴስ።

ሽን ሱረ አሳ ኦገይ ጊጋ።

ሽን ኤያ ናእ ባ አይዉ ካꬌስ።

ሽን ዎዛናማ አስ በሲያ ባ ኦꬄስ።

ዳሮ ዞረይ ደእያ በሳን ቆፕዳባይ ፖለቴስ።

ባ ዎደን ኦደትያ ኦድ አይ መላ ኡፋይስ!

ደኦ ኦገይ አኬካ ኡራ ፑደ ካለꬄስ።

ሽን አምኤ ዛዋ ናጌስ።

ሽን ጌሻ ቃላን እ ኡፋይቴስ።

ባ ሶ አሳ ቦላ መቶ ኤሄስ፤

ሽን ዎꬋፈ እፅያ አስ ደኦን ዳና።

ሽን ኢታታ እንፃርሳፐ ኢታባይ ፑልቴስ።

ሽን ፅሎታ ዎሳ ስኤስ።

ምሽራቾይ መቀꬅ ምንꬄስ።

ጭንጫተꬃራ እስፈ ዳና።

ሽን ሴራ ኤክያ አስ አኬካ ደሜስ።

አሽከተꬅ ቦንቾፈ ስንꬃቴስ።