ሽን ልከ ዛሮይ ጎዳፐ በንቴስ።

ሽን ጎዳይ ደንዶ ቆፋ በኤስ።

ኔኒ ቆፕዳባይ ፖለታና።

ሀንኮካ፥ ማካላንቾታ ዉርሰꬃይ ꬋዮ።

ኤንቲ ሴረቶና አቶኮና።

ጎዳስ ያይድ አስ ኢታባፐ አቴስ።

እ ባ ሞርከታራ ሳሮ ዳናዳ ኦꬄስ።

ዎርዶን ደምያ ዳሮ ዎፐ ሎኦ።

ሽን ሀልቾይ ጎዳ ማደን ፖለቴስ።

እያ እንፃርሳይ ሱረ ፕርዴስ።

ባይዝያባ ኡባን ገነይ ዶና መላ ጎዳይ ኮዬስ።

ኤንታ አራታይ ፅሎተꬃን ኤቄስ።

ቱማ ሃሳያ ኡራ ዶሶሶና።

ሽን ጭንጫ አስ ሀንቁዋ እርፅሴስ።

እያ ሎኦተꬃይ እራ ኤህያ ሻራ መላ።

አኬካ ደሞይ ብራ ደሞፐ ሎኦ።

ባ ሄመꬃ ናግያ ኡራይ ባ ሸምፑዋ ናጌስ።

ጬቀተꬅ ኩንደꬅ ኤሄስ።

አሽከ ግድድ ማንቅድ ደኤይስ ሎኦ።

ጎዳን አማነትያ ኡራይ አንጀታና።

ሎኦ ቃል ኤራተꬅ ጉጄስ።

ሽን ኤያታ ሴሮይ ጮ ዎደ ዉርሴስ።

እያ መተርሻይ ኤራተꬅ ጉጄስ።

ሸምፖስ ማልኦ፤ መቀꬃስ ፓፆ ግዴስ።

ሽን ዉርሰꬃን ሀይቆኮ ጋꬄስ።

ኮሽ ምንድ ኦꬃና መላ ደንꬄስ።

እያ ኦዳይ ታማዳ ፁጌስ።

ዝግርስ አማነትያ ላገታ ሻኬስ።

ሎኦ ግዶና ኦገ ካለꬄስ።

ባ መተርሻ ሳፅድ ማንድያ አስ ኢታባ ኦꬄስ።

ሄስካ በንተይ ፅሎ ደኦ ደእና።

ዳሮ ካታማታ ኦልድ ኦይካናፐ ባና ሃሮይ አꬌስ።

ሽን ዉርሰꬃ ዛሮይ ጎዳፐ በንቴስ።