ኡሻን ባለትያ አስ ጭንጫ ግዳናዉ ዳንዳኤና።

እያ ይሎይያ አስ ባ ሸምፑዋ ቦላ ፕርዴስ።

ሽን ኤያ አስ ኦየታናዉ ኤለሴስ።

ካꬅ ጫክያ ዎደ እ ዎሳናዉ ኮዬስ፤

ሽን አይባካ ደመና።

ሽን ዎዛናማ አስ ዱቅድ ከሴስ።

ሽን ቱማ አማነትያ አስ ደማናይ ኦኔ?

እያ ካልያ እያ ናይት አንጀትዳይሳታ።

ኢታ ኡባ ባ አይፈን ሀርቅድ ከሴስ።

ጋናዉ ዳንዳእያ አስ ዳነሻ?

ግና ግዶና ማካ ሚሸን ጎኤተይሳታ እፄስ።

እ ኦꬅያ ኦሶን ኤረቴስ።

ጎዳይ መꬍስ።

ምናዳ ኦꬅኮ ነ ካꬅ ካላና።

ሽን ብዳፐ ጉየ፥ “ገላን ሻማስ” ያግድ ጬቀቴስ።

ሽን ኤር ኩምዳ እንፃርስ ኡባፈ አꬍዳ አሌቆ።

እማꬃ አሳስ ዋሰ ገልያ ኡራ ማኦ ኦይክተ።

ሽን አቅድ ፔእሸ ዶናን አጨዳ ሀኔስ።

ዞረ ኤኮና ደአሸ ኦላ ቦፓ።

ሄሳ ግሾ ጮ ሃሳያ አሳፐ ሃካ።

ደኦ ፆምፐይ ሳካና ꬉማን ቶአና።

ዉርሰꬃን አንጀተና።

ጎዳን አማነታ፤ እ ነና አሻና።

ዎርዶ ምዛነይ እያ ኡፋይሰና።

ያትን፥ አስ ባ ደኦን ባና ኦግያ

ዋትድ አኬካናዉ ዳንዳኢ?

ጉየፐ ቂሮተꬅ አሳስ ፅሄ።

እ ኤንታ ቃቶና ሴሬስ።

እያ ጋꬃ አሳተꬃ ኡባ ፕልግድ ፄሌስ።

እያ አራታይ ቱማ ፕርዳን ምኔስ።

ጭማታ ቦንቾይ ኤንታ ፑሉንꬃ።

ዋꬎይ ኢታ ዎዛና ላሜስ።