8
ያሽያ ፆሳ ቦንቹዋ
ዛማረታ ሀላቃስ ፃፈትዳ ዳዊታ ማዝሙረ
ሱሱልኤን የፀትያ ማዝሙረ
1 አቤት ጎዳዉ ኑ ፆሳዉ፥
ነ ሱንꬃይ ቢታ ኡባን ዋንድ ቦንቸትደ!
ኔኒ ነ ቦንቹዋ ሳሎፐ ቦላራ
ꬎቁ ꬎቁ ኦꬃዳሳ።
2 ኔኒ ነ ሞርከታ ግሾ
ነ ሞርክያነ ነና ማንደይሳ ስእ ኦꬃናዉ፥
ጉꬃ ናይታ ዶናን
ꬋምያ ናይታ ዶናን ጋላታ *ጋላታ፦ እብራወꬆ ዶናን ጉꬃ ናይታ ጋላታን ምኖተꬅ ሺሻሳ ጉሱ። ኩንꬃዳሳ።
3 ኔኒ ነ ብራን መꬍዳ ነ ሳሎታ፥
እያ በሳን በሳን ኔኒ ዎꬅዳ አጌናነ
ፆልንቶታ ታኒ በእያ ዎደ፥
4 ኔኒ አሳባ ቆፓናዉ አስ አይቤ?
ዎይኮ ኔኒ እያ ፆሞሳናዉ እ አይቤ?
5 እያ ነ ኔፐ ጉꬃራ ጉꬃዳሳ፤
ቦንቾነ ግታተꬃ ካላቻ
እያ ሁጰን ዎꬃዳሳ።
6 ነ መꬍዳ መተꬃ ኡባ፥
ሃራና መላ ነ እያ ሹማዳሳ፤
ኡባ እያ ቶሁዋፐ ጋርሳራ ዎꬃዳሳ።
7 ዶርሳታነ መሄታ፥
ዎራ ዶአታ ኡባ፥
8 ሳሎ ካፎታ፥ አባ ሞሎታነ
ሃꬃ ጋርሳን ቃፅያ ኡባ
እያዉ ሃርሳዳሳ።
9 አቤት ጎዳዉ ኑ ፆሳዉ፥
ነ ሱንꬃይ ቢታ ኡባን ዋንድ ቦንቸትደ!