ናጋራ ኦይሳታ ቃናቶፓ።

ቦንጮዳ ሹልድ ቆቆፈታና።

ቢታ ቦላ ኡታ፤ ፓላህን ደአ።

እ ነ ዎዛና አሙዋ እማና።

እያን አማነታ፤ እ ነዉ ኦꬃና።

ነ ፕርዳ ሴታ ጋላሳ አዋዳ ፖእሳና።

ዳንዳአን ናጋ፤

ኢታ አሳታ ሀልቾይ ፖለትን በአዳ ይሎቶፓ።

ሄስ መቶን የጌስ።

ሽን ጎዳን ኡፋይስ ዎይሳት ቢታ ላታና።

ነ ኤንታ ኮያዳ ደማካ።

ሳሮተꬃን ኡፋይትድ ዳና።

ባ አቻ ኤንታ ቦላ ጋርጬስ።

ኤንታዉ ꬋዮ ጋላስ የይሳ ኤሬስ።

ሱረ ሄመተይሳታ ሹካናዉ፥

ባንታ ማሻ ሾዶሶና፤

ባንታ ዶንግያ ዋፆሶና።

ኤንታ ዶንገይ መቃና።

ኢታ አሳስ ደእያ ዳሮባፐ ሎኦ።

ሽን ጎዳይ ፅሎታ ዘምፕሴስ።

ኤንታ ላታይ መርናዉ ኤንታባ ግዳና።

ኮሻ ዎደ ኤንቲ ካልድ ማና።

ጎዳ ሞርከት ጪሻዳ ቆቆፈታና፤

ጩያዳ አይፈፐ ጌማና።

ሽን ፅሎ አስ ኬሀተꬃን እሜስ።

ሽን እ ባድዳይሳት ꬋያና።

ጎዳይ እያ ታንጉዋ ካለꬄስ፤ ምንꬄስ።

ጎዳይ እያ ኩሽያ ኦይክድ ካትሴስ።

ሽን ፅሎ አስ የገትን፥

እያ ናይት ካꬅ ዎስሽን በአብከ።

ጮ ታልኤስ፤

እያ ናይት ሀራታስ አንጆ ግዳና።

ነ አዱሳ ላይꬅ ዳና።

አማነተይሳታ እ የገና።

ሽን ኢታታ ኮቻይ ꬋያና።

ያን መርናዉ ዳና።

እያ እንፃርሳይ ፅሎ ኦደቴስ።

እያ ቶሆይ ꬉበተና።

እያ ዎꬋናዉ ኮዬስ።

ፕርደታናዉ ኤቅያ ዎደ እያ ቦላ ፕርድሰና።

ነና ቢታ ላትስድ ግታያና፤

ኢታ አሳት ꬋይሽን ነ በአና።

ድጭድ ꬎቁ ꬎቁ ግን ታ በአስ።

ኮይንካ በንትቤና።

ሱረ አስ አኬካ፤

ሳሮ አሳስ ዉርሰꬃይ ሎኦ ግዳና።

ኤንታ ዉርሰꬃይ ꬎኦማና።

እ መቶ ዎደ ኤንቲ ናገትድ አትያ በሰ።

ኤንቲ እያኮ ባቃትዳ ግሾ፥

እ ኤንታ ኢታታፐ አሼስ፤ ናጌስ።