ታ ሲቁዋ ደማናዉ አሞታስ፤

ምንꬃዳ ኮያስ፤ ሽን ደማብከ።

ፁንꬃ ኦገታ ኡባን ዩያስ።

ታ ሲቁዋ ደማናዉ ኮያስ፤

ምንꬃዳ ኮያስ፤ ሽን ደማናዉ ዳንዳአብከ።

ታኒ፥ “ታ ሲቁዋ በእደቲ?” ያጋዳ ኦይቻስ።

እ ታፐ ከስ ኤኮናዳ ምንꬃዳ ኦይካስ።

ታ የለትዳ ክፍልያ ገልሳስ።

ሲቆይ ባዉ ዶስድ ደንዳና ጋካናዉ፥

እያ ህንተ ባርክሶና መላ

ታኒ ህንተና ገንኤንነ ዎሽኤን አማታይስ።

ጩያ ቱሱ ዳንያራ፥

ሀና መላ ቢታፈ ያራ እያ ኦኔ?

ሄ ፓራ ጋርዉ እስራኤለፐ ዶረትዳ፥

ኡሱፑን ታሙ ዎልቃማ ቶራንቾት አጃብዶሶና።

ኦላንካ ፓጨትዶሶና።

ኤንቲ ማሸ ዳንጭድ ጊግዶሶና።

ባዉ ኡትያ አራታ ጊግስስ፤

እያ አራታይ ልባኖሰፐ ይዳ ምꬃን ኦሰትስ።

ዘምፖይ ዎርቃን አሌቀትስ።

ጋꬃይ የሩሳላመ ጌላኦታ ሲቆን አሌቀትስ።

ካዋ ሶሎሞነ በአናዉ ሃይተ።

እያ አይያ እያ ሁጰን ዎꬅዳ ካላቻ ዎꬅስ።