ኑ ኔራ ኮያና መላ እ ብዳ ግና ኑስ ኦዳ።

ሎኦ ጪሻ ሺሻናዉ፥

ሽቶ ማታይ ደእያ አታክልትያ ግዶ ብስ።

እ ሱፈ ጪሻ ግዶን ዉደ ሄሜስ።

የሩሳላመዳ ዳሮ ሎኣሳ።

ኦላንቾዳ ያሻሳ።

ሀያና ነ አይፍያ ታፐ ደንꬃ።

ዴሻ ዉደ ዳኔስ።

ኡባይ መንተ የልያ፥

ኤንታ ግዶን አዉጫየይ ባይና ዶርሳ ዉደ መላ።

ናምኡ ከስድ ጳልቅዳ ኦሮማነ ዳኖሶና።

ሆስፑን ታሙ ላገꬆት፥

ታይቦይ ባይና ጌላኦት ደኦሶና።

እያ ባ አየስ እስኖ።

ጌላኦት እዮ በእድ፥ “ሀና አንጀትዳሮ” ያጎሶና፤

ማጫ ካዎትነ ላገꬆት እዮ ሳቦሶና።

አጌናዳ ፖእያራ፥ ፃልቀዳ ጫድያራ፥

ባንድራ ኦይክድ ሳልፐ ከይዳ፥

ኦላንቾዳ ያሽያራ ሀና ኦኔ?

ዎይነይ አጭዳኮ ኦሮማነይ አይፍዳኮ ፄላናዉ፥

ዱገ ኦቾሎነ ጋደ ዎꬋስ።

ካዋ አሳ ፓራ ጋረታ ግዶን ታና ኡትስስ።

ኑ ነና ሎይꬅድ ፄላና መላ ሃ ስማ።

ታና አይስ ፄሌቲ?