ላፃና ጫማ አꬅዳ ነ ቶሆት ዋን ሎእ!

አሌቅስዳ አልኦ ሹቹ ዳኔስ።

ነ ፄሳ ዩሾይ ጪሻን ቃሸትዳ ግስተ ምርቀ ዳኔስ።

ገንኤ ማር ዳኖሶና።

አሌቀትዳ አዱሳ ሻኮ መላ።

ደእያ ዜሮ ሃꬃ ዳኔስ።

ልባኖሰ ግምብያ ዳኔስ።

ነ ብናናይ ቃጭና ፃꬅ ዳኔስ፤

ነ ሁጵያ ዳꬃይ ካዋ ኡፋይሴስ።

ነ ዋንዳ የገልሰ!

ነ ሲቆይ ታና ዋን ኡፋይስ!

ነ ꬋንꬃይ ዛምባ ሞርኤ ዳኔስ።

እያ አይፍያ ማፃና” ያጋስ።

ነ ሲꬍያራ ከያ ፔኖይ አፕለዳ ሳዌስ።

ሎኦ ዎይነ መላ።

ነ ሲቀ መተርሻፈነ አቻፈ ግዶራ፥

ለፕ ግድ ጎጎ።

ካታማፐ ከይድ ጋፃረ ቦስ፤

ናምአይ ቃማ ያን አꬃና።

ዎይነይ ጪይዳኮ፥ አይፈ አꬅዳኮ፥

ኦሮማነይ አይፍዳኮ አነ በኦስ።

ዱማ ዱማ ኡፋይስያ አታክልተ አይፈይ

ኑ ካረን ኩምስ።

ኦራꬅ ማፅዳይሳ ነዉ ዎꬃስ።