2
Kiristoosan hayqope de7o pinethi
Haysafe kase hinte, hinte nagaraanne hinte qohuwa gaason hayqidaysata.Qola 2:13. He wode hinte ha alamiya iita ogiya kaallideta. Carkuwa bolla de7iya ayyaana wolqata halaqaasinne ha77ika Xoossaas kiitetonna asaa haariya ayyaanas kiitetideta. Nu ubbayka kase he asata giddon nu asho amuwanne nu wozanaa sheniya kaallidi de7ida. Nuka harata mela nu medhetethan Xoossaa hanquwa ekanaw de7eyisata.
Shin Xoossaa gita maarotethaafenne nuus de7iya gita siiquwape dendidaysan, hari attoshin nuuni nu qohuwan hayqidi de7ishin Kiristoosa baggara nuus de7o immis. Hinteka attiday Xoossaa aadho keehatethaana. Xoossay nuna Kiristoosara issife hayqope denthidi salon iyara issife wothis. I hessa oothiday, Kiristoos Yesuusa baggara nuus qoncisida ba keehatethaanne zawi bayna ba aadho keehatetha duretetha yaana laythan nuna bessanaasa. Hinte aadho keehatethan ammanon attideta. Hessika, Xoossaa imotape attishin, hinte ooson bentidaba gidenna. Oonika ceeqetonna mela atotethay bentiday ooson gidenna. 10 Nuuni Xoossaa medhetethi; I nuus kasetidi giigisi wothida lo77o oosota oothana mela Kiristoos Yesuusa baggara oorathi medhetida.
Kiristoosara de7iya issifetetha
11 Hessa gisho, hinteno yeletan Ayhude gidonaysato, Ayhudeti bantaw asa kushen qaxaretidi, hintena qassi qaxaretiboonayisata gidi xeegeysa akeekite. 12 He wode hinte Kiristoosape shaaketi de7idaysa, Isra7eele asaas allaga gididi de7idaysa, Xoossaa ufaysa qaalape haakidi de7idaysanne ha alamiyan ufaysinne Xoossi bayna de7idaysa akeekite. 13 Shin hinte kase haakidi de7idaysati, ha77i Kiristoos Yesuusan de7idi Kiristoosa suuthan mata shiiqideta.
14 Kiristoosi nu sarotethaa; I Ayhudenne Ayhude gidonna asaa timidi, nam7aa shaaki wothida morketetha godaa laallis. 15 I banan ha nam7u kochatape issi ooratha ase medhidi, higgiya iya kiitaranne wogatara issife ba asatethan dhaysidi sarotethi immis.Qola 2:14. 16 Kiristoosi masqaliya bolla hayqidi morketetha dhaysis; qassi nam7u kochata issi asatethi oothidi Xoossara sigethis.Qola 1:20. 17 Kiristoosi yidi, Xoossaafe haakidi de7iya hintew, qassi matidi de7iya entaw sarotetha Wongela odis.Isa 57:19. 18 Nu ubbay iya baggara issi Ayyaanan Aawa sinthe shiiqanaw danda7oos.
19 Hizape hinte allaga woyko imathe gideketa, shin hinte ha77i geeshshata biitta asinne Xoossaa soo asi. 20 Hinte hawaaretinne nabeti baasida baasuwa bolla keexetideta. Godaa xaphuwa minthiya shuchay Kiristoos Yesuusa. 21 Iyan keetha ubbay issife oyketidi Godan geeshsha Xoossa keethi gidanaw diccees. 22 Hinte qassi Xoossay ba Ayyaanan de7iya keethi gidanaw Kiristoosan issife keexeteta.

2:1 Qola 2:13.

2:15 Qola 2:14.

2:16 Qola 1:20.

2:17 Isa 57:19.