1 Yisaaqi cimin iya ayfey xeelo ixida wode ba bayra na7a Eesawe xeegidi, “Ta na7aw” yaagis.

Ika, “Yee” gidi koyis.

2 Yisaaqi, “Heko, ha7i taani cimas, taani awude hayqaneko erike. 3 Yaaniya gisho, ha7i ne shanka dongiya ekada bazzo bada do7a shankatada asho ekada ya. 4 Mal7o kathi ta doseysatho ootha kathada taw eha. Taani hayqanaape sinthe ma simmada nena anjana” yaagis.

5 Yisaaqi ba na7a Eesawes odiya wode Irbiqa si7awusu. Eesawey do7a shankatidi ehanaw bazzo bidaape guye, 6 Irbiqa ba na7a Yayqooba, “Ne aaway ne isha Eesawe, 7 ‘Do7a shankata ehada taw mal7o kathi ta maanaw katha. Taani hayqanaape sinthe ma simmada Godaa sinthan nena anjana’ yaagishin taani si7as. 8 Ta na7aw, ha7i taani new odeysa loytha si7a. 9 Wudiya giddo bada nam7u modho deesha marata taw ekada ya. Taani ne aawas mal7o kathi I doseysada oothada kathana. 10 Ne aaway hayqanaape sinthe midi nena anjana mela iyaw aatha” yaagasu.

11 Shin Yayqoobi ba aayiw, “Ta isha Eesawe bolla ikisey de7ees shin ta bollay liiqo. 12 Ta aaway tana oyki be7idi taani iya cimmidaba daaniko, taani anjuwa gisho baadethi ta bolla ehanaysa erikii?” yaagis.

13 Iya aayiya, “Ta na7aw, he baadethay tana gako. Taani new odeysa ootha, bada deesha marata taw ekada ya” yaagasu.

14 Ehidi ba aayes immin iya aayiya mal7o kathi iya aaway doseysada oothada kathasu. 15 Hessafe guye, Irbiqa bayra na7a Eesawe ma7o lo77uwa ehada Yayqooba mayzasu. 16 Qassi he deeshata itiya iya kushiyanne iya liiqo qoodhiya mayzasu. 17 Ba kathida mal7o kathaanne uythaa ba na7a Yayqoobas immasu.

18 Yaatin, I ba aawako gelidi, “Ta aawaw” yaagis.

Ika, “Yee, ta na7aw, neeni oonee?” yaagis.

19 Yayqoobi ba aawa, “Taani ne bayra na7a Eesawe. Neeni tana kiitidaysada taani oothas; ha77i denda uttada, taani shankata ehidaysafe mada, tana anja” yaagis.

20 Yisaaqi ba na7a, “Ta na7aw, waata ellesada demmadii?” yaagidi oychis.

Yayqoobi, “Goday, ne Xoossay taw giigisis” yaagis.

21 Yisaaqi Yayqooba, “Ta na7aw, neeni tuma ta na7a Eesaweko ta nena oyka be7ana ane ha shiiqa” yaagis. 22 Yayqoobi ba aawako shiiqin oyki be7idi, “Ne qaalay Yayqooba qaala shin kushey Eesawe kushiya daanees” yaagis. 23 Iya kushey iya isha Eesawe kushiyada ikisera de7iya gisho, shaakidi eriboona iya anjis. 24 Iya, “Tuma neeni ta na7a Eesawee?” yaagidi zaari oychis.

Ika, “Ee, tana” yaagis.

25 Yaatin I, “Ta na7aw, taani ne shankata ehidabaape mada nena anjana mela ane ha aatha” yaagis. Yayqoobi aathin mis, qassi iyaw woyne ehin uyis.

26 Hessafe guye, iya aawa Yisaaqi, “Ta na7aw, ha shiiqada tana yeera” yaagis.

27 Yayqoobi shiiqidi iya yeeris. Yisaaqi iya ma77uwa singi si7idi,

30 Yisaaqi Yayqooba anjidi ongidaape guye, Yayqoobi ba aawa sinthafe buroo keyiya wode Eesawey shankafe puttu gis. 31 Ika qassi mal7o kathi kathidi ba aawas aathidi, “Ta aawaw, danda uttada ta shankatidabaape ma, yaatada tana anja” yaagis.

32 Yisaaqi, “Ne oonee?” yaagidi oychis.

Ika, “Taani ne bayra na7a Eesawe” yaagis.

33 Yisaaqi dagammidi kokorishe, “Yaatin do7a shankatidaysafe taw aathiday oonee? Taani ha7i neeni yaana sinthan mada, iya anjas. Ika tuma anjetidaysa gidana” yaagis.

34 Eesawey ba aawa qaala si7ida wode ba qaala dhoqu oothidi, daro iita yeeho yeekishe, “Ta aawaw, tanaka anja” yaagis.

35 Shin I, “Ne ishay cimmidi ne anjuwa eki diggis” yaagis.

36 Eesawey, “I eridi Yayqooba (Cimmeysa) gidi sunthetis. I tana cimmishin haysi nam7antho, kase ta bayratetha ekis, ha7i qassi ta anjuwa ekis” yaagis. Yaatin, “Neeni taw anjuwafe aykoka ashshabikii?” yaagidi oychis.

37 Yisaaqi Eesawe, “Taani iya new godaa oothas. Iya ishata ubbataka iyaw aylle oothas. Qassi taani kathaninne woynen iya minthas. Yaatin, ta na7aw, new ta ay ootho?” yaagis.

38 Eesawey ba aawa, “Ta aawaw, new issi anjo xalaali de7ii? Ta aawaw, tanaka qassi anja” yaagis. Hessafe guye, Eesawey ba qaala dhoqu oothidi yeekis.

39 Iya aawa Yisaaqi zaaridi,

41 Yayqooba iya aaway anjida gisho, Eesawey ba ulon iya morkis. I ba wozanan, “Ta aaway hayqanaw matis. I hayqida mela ta isha Yayqooba wodhana” yaagis.

42 Shin Irbiqa he ba bayra na7a Eesawe qaala si7ida gisho, ba kaalo na7a Yayqooba xeegisa ehada, “Ne isha Eesawey nena wodhidi haluwa kessanaw halchees. 43 Hayyana ta na7aw, taani new odeysa ootha. Dendada Kaaranen de7iya ta isha Laabako baqata. 44 Ne isha hanqoy irxana gakanaw guutha wode iyara de7aasha. 45 Ne ishaa yiloy wodhiya wodenne neeni iya bolla oothidaba I dogiya wode taani kiittada nena ehana. Taani issi gallas hinte nam7aafeka mela atanaw koyke” yaagasu.

46 Hessafe guye, Irbiqa Yisaaqako, “Eesawey ekida Hiteta macca nayta gaason taani ta de7uwa shaatetas. Qassi Yayqoobika haysatho Hiteta macca naytape macho ekiko, taw hayqoy lo77o” yaagasu.