6
1 Hiza, Kiristoosaba tamaarsiya koyro timirtiya aggidi Kiristoosan kahaamatethako boos. Hayqo oosope simobaanne Xoossaa ammanoba koyro timirtiyako guye simmoko. 2 Hessadaka, xinqatetaba,*Xinqatetaba: Ha bessan xinqatetaba geetetiday dumma dumma geeshsho wogataba odanaasa. kushe wosobaa, hayqope dendobaanne merina pirdaba zaari tamaaroko. 3 Xoossay giiko nu hessa oothana.
4 Issi toho poo7oy poo7idaysata, salo imota ekidaysata, Geeshsha Ayyaanan shaaketidaysata, 5 lo77o Xoossaa qaalanne sinthafe yaana alamiya wolqaa be7idaysata, 6 guyepe kaddidaysata nagaraape nam7antho zaaranaw danda7etenna. Ayis giiko, enti banta dhayuwas Xoossaa Na7aa zaari kaqiya mela masqaliya bolla iya kaqosonanne asa sinthan kawushoosona.
7 Ubba wode I bolla bukiya ira uyada, goyida uraa maaddiya kathi immiya biittiya Xoossan anjetidaaro. 8 Shin agunthinne kinchote doliya biittiya aybibaaka maadduku; iw baadethay matatis; wursethan xuugetana.Medhe 3:17-18.
9 Nu siiqo ishato, nuuni haysada odiyaba gidikoka, hintena atotethako kaalethiya lo77obay hintew de7eysa eroos. 10 Xoossay suure pirdeysa. Xoossay, hinte oothida oosuwanne kase gidin ha77ika ammaneyisata maaddidi, iyaw de7iya siiquwa bessidaysa dogenna. 11 Hinte ubbay ufaysan naageysa demmana gakanaw ha minotethaa wursethi gakanaw bessaana mela nu amottoos. 12 Hinte ammanoninne danda7an naagiya ufaysaa laattiya asaa daanana melape attishin, azalla gidana mela koyoko.
Xoossa Ufaysa Qaalay Sidhisena
13 Xoossay Abrahaames immana gidi caaqida wode baape aadhiya hari giti bayna gisho ba huuphen caaqis. 14 Iyako, “Taani nena anjana; ne zerethaaka darsana” yaagis.Medhe 22:16-17. 15 Abrahaamey danda7an naagidi Xoossay immana gida ufaysaa ekis.
16 Asi caaqishe baape gitatiya uran caaqees; he caaqoy geetetidaba minthidi, palama ubbaa teqees. 17 Hessa gisho, Xoossay ba laametonna qofaa ufaysa qaala laatteysatas qoncisanaw koyida gisho caaqon minthis. 18 Xoossay wordotenna. Iya ufaysa qaalaynne caaqoy, nam7ayka laametokona. Ha nam7ubatan nu sinthan de7iya ufaysaa oykanaw danda7ana mela geshe demmanaw iyako baqatida nuuni, wolqaama minthetho demmana.
19 Ha ufaysay nu shempuwa, markabey qaaxonnaada minthi oykiya birata mela. He ufaysay magarajuwafe guye baggan de7iya geeshsha bessaa gelis.Leewe 16:2. 20 Yesuusi Malkexaadeqa shuumatethaada merinaw kahine halaqa gididi, nu gisho nuupe sinthatidi he bessaa gelis.Maz 110:4.