1 Issi gallas Samsooni Timina wodhis; yan issi Filisxeeme geela7iw be7is. 2 I Soo simmidi ba aawanne ba aayiw, “Taani Timinan issi Filisxeeme geela7iw be7as; ha77i iyo taw oychidi immite” yaagis.

3 Shin iya aawanne aayiya, “Macho oychanaw ha qaxaretiboona Filisxeemetako baanaw nena ay koshshidee? Nu kochaa giddon woyko nu asa ubbaa giddon new haniya macca na7a demmanaw danda7abikii?” yaagidi oychidosona.

Shin Samsooni ba aawako, “Taani iyo dosida gisho, iyo oychada taw imma” yaagis. 4 Filisxeemeta olanaw Goday gaaso koyidi, hessa enta bolla ootheysa Samsoona aawaynne aayiya eribookona. He wode Filisxeemeti Isra7eeleta haaroosona.

5 Samsooni ba aawaranne ba aayera Timina wodhis. Enti Timina woyne gade matara kanthidi aadhiya wode issi wodala gaammoy gudishe iya bolla keyis. 6 He wode Godaa Ayyaanay Samsoona bolla wolqan wodhis; I deesha mari duuseretheysada ba kushen aykoka oykonna gaammuwa duuserethi yeggis. Ba oothidaysa ba aawasinne ba aayes odibeenna. 7 Hessafe guye, bidi geela7iw odisis; iyo dosis.

8 Guutha wodepe guye iyo ekanaw yaa simmidi bis. Ogiya bishe ba wodhida gaammo bawuta be7anaw ogepe gaxa keyidi biya wode gaammo bawuta giddon mathi eessi eessidaysa be7is. 9 He eessaafe guuthara qanxi ekidi mishe ogiya bis. Ba aawanne ba aayiw gakidi, ba oykida eessaafe guuthara immin, entika midosona. Shin Samsooni he eessa gaammo bawuta giddofe ekidaysa entaw odibeenna.

10 Iya aaway geela7iw be7anaw I soo bin, Samsooni yan gibira giigisis. Hessa mela gibiray yaaganon na7atethati oothiya meezetida woga. 11 Filisxeeme asay iya be7ida wode iyara gam7ana mela hastamu na7atethata dooridi yeddidosona. 12 Samsooni enta, “Ane hinte eriyako issi qan77ishe ta hintena oychana. Yaaganoy bonchetiya laapun gallasa giddon ha qan7ishiya birshethaa taw hinte odiyaba gidiko taani hintew hastamu liino afilanne hastamu kumetha ma7o immana. 13 Shin hinte taw birshethaa odanaw danda7onna ixiko hinte taw hastamu liino afilanne hastamu kumetha ma7o immeeta” yaagidi oychis.

Enti, “Ero, ne qan7ishiya nuus oda” yaagidosona.

14 I,

15 Oyddantho gallas enti Samsoona machiw, “Ne azinaa cimmada qan7ishiya birshethaa I nuus odana mela ootha. Hessi hanonna ixiko, nuuni nenanne ne aawa keethaa taman xuuggana. Hinte nuna xeegiday nuna manqisanaasee?” yaagidosona.

16 Yaatin, Samsoona machiya yeekashe iyako shiiqada, “Neeni tana dosaka; ne tana daro ixaasa. Neeni ta biitta asaa qan7ishe oychada birshethaa taw odabaaka” yaagasu.

I zaaridi, “Hessa taani ta aawasinne ta aayes odabike. Yaatin, new ayis odo?” yaagis. 17 Yaaganoy bonchetiya laapun gallasa ubban yeekada shempo diggasu. Laapuntha gallas qan7ishiya birshethaa iw odis; iya bada ba biitta asaas odasu.

18 Yaatin, laapuntha gallas awi wullanaape sinthe katamaa asay,

Samsooni entako, “Hinte ta ussen goyonnaba gidiyako, ta qan7ishiya birshethaa ereketashin” yaagis.

19 Hessafe guye, Godaa Ayyaanay iya bolla wolqan wodhin, Asqaloona wodhidi, hastamu asi wodhis. Enta ma7uwa qaari ekidi qan7ishiya birshida asaas immis. Hanidaba ubban daro shenetidi ba aawa soo simmis. 20 Samsoona machiya waanna laazanthi gidida iya laggiyas imetasu.