45
Baarokas Odetida Tinbite
Iyosyaasa na7ay Iyo7aqeemi Yihudan kawotida oyddantho laythan, Neera na7ay Baaroki ha qaalata Ermiyaasi odin, si7idi, maxaafan xaafis. He wode Ermiyaasi iyaw odida qaalay haysa: “Baaroka, Goday, Isra7eele Xoossay neeko haysada yaagees: Neeni, ‘Goday ta sakuwa bolla azzano gujida gisho tanooshsho! Taani un7an daaburada shempo dhayas’ ” yaagadasa.
Baaroka, Goday neeko haysada yaagees: “Ta keexidaysa ta laallana; ta tokidaysa ta shoddana. Ta haysa biitta ubban oothana. Yaatin, ne new gitaba koyayee? Hessa koyopa. Asa ubbaa bolla ta dhayo ehana. Shin ne bida bessa ubban ta ne shempuwa ashshana” yaagees Goday.