1 Iyyasuy Iyaarko katamaa oli dhaysidi, iya kawa wodhidaysada, Gayee katamaa oli dhaysidi, iya kawa wodhidaysa Yerusalaame kawoy Adooni-Xedeqi si7is. Qassi Gaba7oona asay Isra7eele asaara saro daanaw caaqetidaysa si7is. 2 Gaba7ooni hanko kawo katamatada gita katama; he katamay Gaye katamaape aadhees; iyan de7iya addetika mino olancho gideysa eriya gisho, Adooni-Xedeqinne iya asay daro yayyidosona. 3 Hessa gisho, Yerusalaame kawoy Adooni-Xedeqi, Kebroona kawa Hoohamas, Yarmuta kawa Piraamas, Laakiso kawa Yafi7asinne, Egloona kawa Dabiras haysada yaagidi kiittis; 4 “Gaba7oona asay Iyyasuranne Isra7eele asaara saro de7anaw caaqida gisho, enta olanaw yidi tana maaddite” yaagis. 5 Ha ichashu Amoore kawoti banta olanchota issife gathidi, Gaba7oona olidosona.

6 Gaba7oona asay Galgalan dunkaanida Iyyasuko, “Nuna ne aylleta aggofa; ellesa yada nuna ashsha. Derey dariya biittan de7iya Amoore kawoti ubbay nuna olanaw banta olanchota issino oothida gisho, ne nuna maadda” yaagidi kiittidosona.

7 Hessa gisho, Iyyasuy, baara de7iya olanchotanne mino asata ubbaa, Galgalape ekidi bis. 8 Goday Iyyasuko, “Entaw babofa; taani enta ne kushen aathada immas. Entafe issi asika neera eqetanaw danda7enna” yaagis. 9 Iyyasuy Galgalape qamma kumethi hemetishe aqidi, Gaba7oone asay qoponna de7ishin enta bolla ola denthis. 10 Goday Isra7eele asa sinthan entaw wozana kaha dhaysis. Isra7eele asay enta Gaba7oonan wodhidosona. Isra7eeleti enta Beet-Horona efiya ogiya oythidi goodishe, Azeeqanne Maqeda gakanaw goodidosona. 11 Enti Beet-Horonape duge Azeeqa efiya ogiyara Isra7eele asaa sinthafe baqatishin, Goday gita shacha shuchu salope enta bolla bukisis. Isra7eele asay wodhida asape, shachay wodhida asay daro.

12 Goday Isra7eele asaas Amooreta, aathidi immida gallas, Isra7eele asay si7ishin, Iyyasuy,

13 Isra7eele asay banta morketa xoonana gakanaw, away wullonna eqis; ageenayka ba de7iya bessaafe qaaxibeenna.

Hessi Yaashara maxaafan xaafetis. Away salos giddon qaaxonna eqis; issi gallas kumethi away wullonna gam7is. 14 Goday asa qaala si7ida he gallasa mela gallas haysafe kaseka haysafe sinthanka deenna. Tumaka Goday Isra7eele asaas oletis. 15 Hessafe guye, Iyyasuynne iya olanchoti banta dunkaanida guta Galgala simmidosona.

16 He ichashu Amoore kawoti baqatidi, Maqeda gongoluwan qosetidosona. 17 Ichashu kawoti, Maqeda gongoluwan qosetidi de7ishin demmidaysa Iyyasus odidosona.

18 Iyyasuy zaaridi, “Gita shuchata gondorsidi, gongoluwa doona gordite; enta naagana mela ase yan wothite. 19 Shin hinte yan gam7ofite; enti banta katamaa gelidi attona mela hinte morketa gooddidi enta wodhite. Goday hinte Xoossay enta hinte kushen aathidi immis” yaagis. 20 Guutha asati baqatidi banta gimbetida katamaa gelidi attikoka, Iyyasuynne Isra7eele asay asa ubbaa wodhidosona. 21 Hessafe guye, Isra7eele asa ubbay saron simmidi, Iyyasuy dunkaanidi de7iya guta Maqeda yidosona. He wodepe doomidi oonika Isra7eele asaa bolla issi qaalaka odetanaw xaalida asi baawa.

22 Hessafe guye, Iyyasuy, “Gongoluwa doona dooyidi, he ichashu kawota kessidi, taw ha ekidi yiite” yaagis. 23 Gongoluwa doona dooyidi, Yerusalaame kawa, Kebroona kawa, Yarmuta kawa, Laakiso kawanne Egloona kawa iyako ehidosona. 24 Enti he kawota iyako ehida wode, Iyyasuy Isra7eele asa ubbaa baako xeegidi, baara bida toora moconatako, “Haa yidi, hinte tohuwa ha kawota qoodhiyan wothite” yaagis. Enti yidi kiitetidaysada oothidosona. 25 Iyyasuy entako, “Hinte oletiya hinte morketa bolla Goday haysada oothana gisho, aykoy baawa yayyofite; minnite” yaagis.

26 Iyyasuy he ichashu kawota wodhidi, ichashu mitha bolla kaqis; enta ahay omarsi gakanaw yan pee7is. 27 Awi wulliya wode Iyyasuy, “Aha wodhisidi, enti kase qosetida gongoluwan holite. Yaatidi, he gongoluwa doona gita shuchan gordite” yaagidi kiittis. He shuchati hachi gakanaw yan de7oosona.

28 He gallas Iyyasuy Maqeda katamaa oykis; katamaa kawaka wodhis; kataman de7iya asa ubbaa issi asika ashshona dhaysis. Iyaarko katamaa kawa bolla oothidaysada, Maqeda katamaa kawa bolla oothis.

29 Yaape simmidi, Iyyasuynne iya olanchoti ubbay Maqedape bidi Libina katamaa olidosona. 30 Goday he katamaanne katamaa kawa enta kushen aathidi immis. Iyyasuy kataman de7iya asaape issuwaka ashshona mashshan wodhis. Iyaarko katamaa kawa bolla oothidaysada Libina katamaa kawa bolla oothis.

31 Iyyasuynne iya olanchoti Libina katamaape Laakiso katama bidi, he katama olidosona. 32 Goday Laakiso katama Isra7eele asa kushen aathidi immin, Iyyasuy he katamaa yuushuwa teqidi nam7antho gallasan oykis. Libina kataman oothidaysada Laakiso kataman de7iya asa ubbaa mashshan wodhis. 33 He wode, Gezera kawoy Horami, Laakiso kawa maaddanaw yis, shin Iyyasuy iyanne iya olanchota dhaysis; entafe issi asika attibeenna.

34 Hessafe simmidi, Iyyasuynne iya olanchoti ubbay Laakiso katamaape Egloona katamaa bidi, he katama yuushuwa teqidi olidosona. 35 He gallas Egloona katamaa oykidi, Laakiso kataman oothidaysada mashshan ase ubbaa wodhidosona.

36 Yaati simmidi, Iyyasuynne iya olanchoti Egloonape Kebroona yidi, olidosona. 37 He katamaanne iya yuushuwan de7iya guutha katamata oykidi iyan de7iya asaanne kawa wodhidosona. Iyyasuy Egloonan oothidaysada he katamaa bollaka oothis.

38 Hessafe guye, Iyyasuynne iyara de7iya Isra7eele olanchoti guye simmidi Dabira katamaa olidosona. 39 He katamaanne iya yuushuwan de7iya guutha gutata oykidi, iyan de7iya asaanne kawa wodhidosona. Iyyasuy Kebroonanne Libina katamata bolla oothidaysada Dabira bolla oothis.

40 Iyyasuy he biittan de7iya katamata ubbaa oykis. Derey dariya biittan, Negebe gadhan, loobuwanne enta kawota ubbaa oykis. Goday Isra7eele Xoossay iya kiitidaysada, biitta bolla de7iya asi issuwaka ashshona ubbaa wodhidi dhaysis. 41 Iyyasuy Qaades-Barnefe bidi Gaaza gakanaw qassi Goshena biittafe bidi Gaba7oona gakanaw de7iya ubbaa olidi xoonis. 42 Goday, Isra7eele Xoossay, Isra7eeletas oletida gisho Iyyasuy ha kawotanne enta biitta ubbaa olidi oykis. 43 Hessafe guye, Iyyasuynne Isra7eele olanchoti banta dunkaanida gutaa Galgala simmidosona.