1 Yesuusi tammanne nam7u tamaareta baako xeegidi, tuna ayyaanata kessana melanne harge ubbaa pathana mela entaw maata immis.

2 Yesuusi kiitida tammanne nam7u hawaareta sunthay: koyroy Phexroosa geetetiya Simoonanne iya ishaa Indiriyasa, Zabdiyoosa na7aa Yayqoobanne iya ishaa Yohaanisa, 3 Filphoosanne Bartelemoosa, Toomasanne qaraxa qanxisiya Maatosa, Ilfiyoosa na7aa Yayqooba, Taadiyosa, 4 ba biittas mishetiya Simoonanne Yesuusa aathidi immida Asqoroota Yihuda.

5 He tammanne nam7ata Yesuusi kiittidi yeddishe, “Ayhude gidonna deriyako boopite, qassi Samaareta katamaka gelopite. 6 Shin Isra7eele keethaafe gidida hini dhayida dorsatako biite. 7 Yaa bidi, ‘Salo kawotethay matatis’ gidi odite.Luqa 10:4-12. 8 Harganchota pathite, hayqidaysata hayqope denthite, baro harganchota geeshshi pathite, tuna ayyaanata kessite. Hinte coo ekidaysa coo immite. 9 Hinte kiisen worqa, woyko bira santime oykofite. 10 Hinte ogiyas karxiito, nam7u afila, woyko caamma woyko xam7a oykofite; oosanchuwas gallasa kathi koshshees.2 Qoro 9:14; 1 Ximo 5:18.

11 “Hinte issi katamaa woyko gutaa geliya wode hintena mokidi ekanaw ufaytiya uraa koyidi iya son shempite; hinte baana gakanaw yan gam7ite. 12 Qassi oodde sooka gelishe sarothite. 13 He keethay hintena mokiko hinte sarothida saroy entana gako, shin enti mokonna ixiko hinte sarothida saroy hintew guye simmo. 14 Oonika hintena mokonnanne hinte odiyaba si7onna ixiko he keethaafe woyko he katamaape keyishe hinte tohuwan de7iya baana pitidi keyite.Hawa 13:51. 15 Ta hintew tuma odayis; Xoossaa pirda gallasan he katamaape Soodomesinne Gamoora katamatas pirday kawuyana.Maato 11:24; Medhe 19:24.

16 “Ta hintena dorsatada suudhumeta giddo yeddana. Hessa gisho, shooshada cincata, holleda aadata gidite.Luqa 10:3. 17 Asay hintena pirda daynnatas aathidi immana, qassi ayhude woosa keethan hintena garaafana. Hessa gisho, entafe naagetite.Mar 13:9-11; Luqa 12:11-12; 21:12-15. 18 Ta gisho gidi hintena deriya haareyisata sinthenne kawota sinthe efana. Enta sinthaninne Ayhude gidonna deriya sinthan eqidi hinte tabaa markatana. 19 Shin hintena pirdas aathidi immiya wode, woygidi zaarino gidi un7etofite; he saatiyan hinte gaanaba Xoossay hintew immana. 20 Ayis giiko, hintenan odetey hinte Aawa Geeshsha Ayyaanape attishin, hintena gideketa.

21 “Ishay ba isha, aaway ba na7a, hayqos aathidi immana, nayti bantana yelidaysata bolla dendidi enta wodhisana.Mar 13:12; Luqa 21:16. 22 Ta gisho gidi asa ubbay hintena ixana, shin wursethi gakanaw minniday attana.Maato 24:9; Mar 13:13; Luqa 21:17; Maato 24:13; Mar 13:13. 23 Issi heerape hintena enti gooddiko hara katama baqatite. Taani hintew tuma odayis; Asa Na7ay yaana gakanaw, hinte Isra7eele katama ubbaa kantheketa.

24 “Tamaarey ba astamaariyape, aylley ba godaape aadhenna.Luqa 6:40; Yoha 13:16; 15:20. 25 Tamaarey ba astamaariya, aylley ba godaa daaniko iyaw gidana. Keetha goda Bi7eel-Zebuula giiko iya soo asaa waatidi iissidi xeegenee?Maato 9:34; 12:24; Mar 3:22; Luqa 11:15.

26 “Hiza, asas yayyofite. Kametidabay qonconna, qosetidabay geeshshi keyonna attenna.Mar 4:22; Luqa 8:17. 27 Taani hintew dhuman odiyaba hinte poo7on odite; ta hintew haythan kalkashidaba dabaaban awaajite. 28 Ashope attishin, shempo wodhanaw danda7onaysatas yayyofite. Shin shempuwanne ashuwa gaannamen dhaysanaw danda7iya Xoossaas yayyite. 29 Nam7u buubeti issi santimen bayzetokonayee? Hanope attishin, entafe issinnaka hinte Xoossay goonna de7ishin sa7an wodhuku. 30 Hari attoshin, hinte huuphe binaanayka paydetidi de7ees. 31 Hiza, daro buubetape hinte aadhiya gisho yayyofite.

32 “Asa sinthan taw markatiya ubbaas taanika salon de7iya ta aawa sinthan markatana. 33 Shin asa sinthan tana kaddeysa taanika salon de7iya ta aawa sinthan kaddana.2 Ximo 2:12.

34 “Taani sa7an saro ehanaw yida hintew daanopo. Taani toorape attishin, sarotethi ehanaw yabiike. 35 Taani yiday,

37 “Taape aathidi ba aawa woyko ba aayiw dosey, tabaa gidanaw bessenna. Ba adde na7a woyko ba macca na7iw taape aathidi dosey, tabaa gidanaw bessenna. 38 Ba masqaliya tookidi tana kaallonna oonika tabaa gidanaw bessenna.Maato 16:24; Mar 8:34; Luqa 9:23. 39 Ba shempuwa ashshanaw koyey dhaysana, shin ba shempuwa ta gisho aathidi immey ashshana.Maato 16:25; Mar 8:35; Luqa 9:24; 17:33; Yoha 12:25.

40 “Hintena mokey tana mokees, tana mokey qassi tana kiittidaysa mokees.Luqa 10:16; Yoha 13:20; Mar 9:37; Luqa 9:48. 41 Nabiya nabe sunthan mokey, nabiyatho woytetana; qassi xilluwa xillo sunthan mokey, xilluwatho woytetana. 42 Ta hintew tuma odayis; ha ta tamaaretape guuxiya issuwas tana kaalliya gisho hari attoshin guutha irxa haathi immiko iya woytoy dhayenna” yaagis.