Η Καινή Διαθήκη ΚΟΡΙΝΘΙΟΥΣ Β 1

ΠΡΟΣ ΚΟΡΙΝΘΙΟΥΣ Β΄

1 Παῦλος ἀπόστολος *⸉Ἰησοῦ χριστοῦ⸊ διὰ θελήματος θεοῦ, καὶ Τιμόθεος ὁ ἀδελφός, τῇ ἐκκλησίᾳ τοῦ θεοῦ τῇ οὔσῃ ἐν Κορίνθῳ, σὺν τοῖς ἁγίοις πᾶσιν τοῖς οὖσιν ἐν ὅλῃ τῇ Ἀχαΐᾳ· 2 χάρις ὑμῖν καὶ εἰρήνη ἀπὸ θεοῦ πατρὸς ἡμῶν καὶ κυρίου Ἰησοῦ χριστοῦ. 3 Εὐλογητὸς ὁ θεὸς καὶ πατὴρ τοῦ κυρίου ἡμῶν Ἰησοῦ χριστοῦ, ὁ πατὴρ τῶν οἰκτιρμῶν καὶ θεὸς πάσης παρακλήσεως, 4 ὁ παρακαλῶν ἡμᾶς ἐπὶ πάσῃ τῇ θλίψει ἡμῶν, εἰς τὸ δύνασθαι ἡμᾶς παρακαλεῖν τοὺς ἐν πάσῃ θλίψει, διὰ τῆς παρακλήσεως ἧς παρακαλούμεθα αὐτοὶ ὑπὸ τοῦ θεοῦ. 5 Ὅτι καθὼς περισσεύει τὰ παθήματα τοῦ χριστοῦ εἰς ἡμᾶς, οὕτως διὰ *⸋τοῦ⸌ χριστοῦ περισσεύει καὶ ἡ παράκλησις ἡμῶν. 6 Εἴτε δὲ θλιβόμεθα, ὑπὲρ τῆς ὑμῶν παρακλήσεως καὶ σωτηρίας, *⸂τῆς ἐνεργουμένης ἐν ὑπομονῇ τῶν αὐτῶν παθημάτων ὧν καὶ ἡμεῖς πάσχομεν· καὶ ἡ ἐλπὶς ἡμῶν βεβαία ὑπὲρ ὑμῶν· εἴτε παρακαλούμεθα, ὑπὲρ τῆς ὑμῶν παρακλήσεως καὶ σωτηρίας·⸃ 7 εἰδότες ὅτι *⸂ὥσπερ⸃ κοινωνοί ἐστε τῶν παθημάτων, οὕτως καὶ τῆς παρακλήσεως. 8 Οὐ γὰρ θέλομεν ὑμᾶς ἀγνοεῖν, ἀδελφοί, *⸂ὑπὲρ⸃ τῆς θλίψεως ἡμῶν τῆς γενομένης *⸋ἡμῖν⸌ ἐν τῇ Ἀσίᾳ, ὅτι καθ᾽ ὑπερβολὴν *⸉ἐβαρήθημεν ὑπὲρ δύναμιν,⸊ ὥστε ἐξαπορηθῆναι ἡμᾶς καὶ τοῦ ζῇν. 9 Ἀλλὰ αὐτοὶ ἐν ἑαυτοῖς τὸ ἀπόκριμα τοῦ θανάτου ἐσχήκαμεν, ἵνα μὴ πεποιθότες ὦμεν ἐφ᾽ ἑαυτοῖς ἀλλ᾽ ἐπὶ τῷ θεῷ τῷ ἐγείροντι τοὺς νεκρούς· 10 ὃς ἐκ τηλικούτου θανάτου *⸂ἐρρύσατο ἡμᾶς καὶ ῥύεται, εἰς ὃν ἠλπίκαμεν ὅτι καὶ ἔτι ῥύσεται,⸃ 11 συνυπουργούντων καὶ ὑμῶν ὑπὲρ ἡμῶν τῇ δεήσει, ἵνα ἐκ πολλῶν προσώπων τὸ εἰς ἡμᾶς χάρισμα διὰ πολλῶν εὐχαριστηθῇ ὑπὲρ *⸂ὑμῶν.⸃

12 Ἡ γὰρ καύχησις ἡμῶν αὕτη ἐστίν, τὸ μαρτύριον τῆς συνειδήσεως ἡμῶν, ὅτι ἐν *⸂ἁπλότητι⸃ καὶ εἰλικρινείᾳ *⸆ θεοῦ, *⸆2 οὐκ ἐν σοφίᾳ σαρκικῇ ἀλλ᾽ ἐν χάριτι θεοῦ, ἀνεστράφημεν ἐν τῷ κόσμῳ, περισσοτέρως δὲ πρὸς ὑμᾶς. 13 Οὐ γὰρ ἄλλα γράφομεν ὑμῖν, ἀλλ᾽ ἢ ἃ ἀναγινώσκετε ἢ καὶ ἐπιγινώσκετε, ἐλπίζω δὲ ὅτι *⸋καὶ⸌ ἕως τέλους ἐπιγνώσεσθε· 14 καθὼς καὶ ἐπέγνωτε ἡμᾶς ἀπὸ μέρους, ὅτι καύχημα ὑμῶν ἐσμέν, καθάπερ καὶ ὑμεῖς ἡμῶν, ἐν τῇ ἡμέρᾳ *⸂τοῦ κυρίου Ἰησοῦ.⸃

15 Καὶ ταύτῃ τῇ πεποιθήσει ἐβουλόμην *⸂ἐλθεῖν πρὸς ὑμᾶς τὸ πρότερον,⸃ ἵνα δευτέραν *⸂2χάριν⸃ *⸂3ἔχητε·⸃ 16 καὶ δι᾽ ὑμῶν διελθεῖν εἰς Μακεδονίαν, καὶ πάλιν ἀπὸ Μακεδονίας ἐλθεῖν πρὸς ὑμᾶς, καὶ ὑφ᾽ ὑμῶν προπεμφθῆναι εἰς τὴν Ἰουδαίαν. 17 Τοῦτο οὖν βουλευόμενος, μή τι ἄρα τῇ ἐλαφρίᾳ ἐχρησάμην; Ἢ ἃ βουλεύομαι, κατὰ σάρκα βουλεύομαι, ἵνα ᾖ παρ᾽ ἐμοὶ τὸ Ναί, ναὶ καὶ τὸ Οὔ, οὔ; 18 Πιστὸς δὲ ὁ θεός, ὅτι ὁ λόγος ἡμῶν ὁ πρὸς ὑμᾶς οὐκ *⸂ἐγένετο⸃ Ναὶ καὶ οὔ. 19 Ὁ *⸉γὰρ τοῦ θεοῦ⸊ υἱὸς *⸉2Ἰησοῦς χριστὸς⸊ ὁ ἐν ὑμῖν δι᾽ ἡμῶν κηρυχθείς, δι᾽ ἐμοῦ καὶ Σιλουανοῦ καὶ Τιμοθέου, οὐκ ἐγένετο Ναὶ καὶ Οὔ, ἀλλὰ Ναὶ ἐν αὐτῷ γέγονεν. 20 Ὅσαι γὰρ ἐπαγγελίαι θεοῦ, ἐν αὐτῷ τὸ Ναί, *⸆ καὶ *⸂ἐν αὐτῷ⸃ τὸ Ἀμήν, τῷ θεῷ πρὸς δόξαν δι᾽ ἡμῶν. 21 Ὁ δὲ βεβαιῶν ἡμᾶς σὺν ὑμῖν εἰς χριστόν, καὶ χρίσας ἡμᾶς, θεός· 22 ὁ καὶ σφραγισάμενος ἡμᾶς, καὶ δοὺς τὸν ἀρραβῶνα τοῦ πνεύματος ἐν ταῖς καρδίαις ἡμῶν.

23 Ἐγὼ δὲ μάρτυρα τὸν θεὸν ἐπικαλοῦμαι ἐπὶ τὴν ἐμὴν ψυχήν, ὅτι φειδόμενος ὑμῶν οὐκέτι ἦλθον εἰς Κόρινθον. 24 Οὐχ ὅτι κυριεύομεν ὑμῶν τῆς πίστεως, ἀλλὰ συνεργοί ἐσμεν τῆς χαρᾶς ὑμῶν· τῇ γὰρ πίστει ἑστήκατε.

*1:1 ⸉ Ἰησοῦ χριστοῦ RP f 35 TR ¦ χριστοῦ Ἰησοῦ TNT2 WH NA NIV SBL

*1:5 ⸋ τοῦ RP f 35 TNT2 WH NA NIV SBL ¦ – TR

*1:6 ⸂ τῆς ἐνεργουμένης … πάσχομεν· καὶ ἡ ἐλπὶς … ὑπὲρ ὑμῶν· εἴτε παρακαλούμεθα … παρακλήσεως καὶ σωτηρίας· RP f 35 TNT2 ¦ τῆς ἐνεργουμένης … πάσχομεν· εἴτε παρακαλούμεθα … παρακλήσεως καὶ σωτηρίας· καὶ ἡ ἐλπὶς … ὑπὲρ ὑμῶν· TR ¦ εἴτε παρακαλούμεθα … παρακλήσεως τῆς ἐνεργουμένης … πάσχομεν· καὶ ἡ ἐλπὶς … ὑπὲρ ὑμῶν· WH NA NIV SBL

*1:7 ⸂ ὥσπερ RP f 35 TR ¦ ὡς TNT2 WH NA NIV SBL

*1:8 ⸂ ὑπὲρ RP f 35 TR WH NA NIV SBL ¦ περὶ TNT2

*1:8 ⸋ ἡμῖν RP f 35 TR ¦ – TNT2 WH NA NIV SBL

*1:8 ⸉ ἐβαρήθημεν ὑπὲρ δύναμιν RP f 35 TR ¦ ὑπὲρ δύναμιν ἐβαρήθημεν TNT2 WH NA NIV SBL

*1:10 ⸂ ἐρρύσατο … ῥύεται … ῥύσεται RP f 35 TR ¦ ἐρύσατο … ῥύσεται … ῥύσεται TNT2 WH ¦ ἐρρύσατο … ῥύσεται … ῥύσεται NA NIV SBL

*1:11 ⸂ ὑμῶν RP f 35 ¦ ἡμῶν TR TNT2 WH NA NIV SBL

*1:12 ⸂ ἁπλότητι RP f 35 TR NA27+28 NIV11 ¦ ἁγιότητι TNT2 WH NA25 NIV73 SBL

*1:12 ⸆ – RP f 35 TR ¦ τοῦ TNT2 WH NA NIV SBL

*1:12 ⸆2 – RP f 35 TR TNT2 NA25 NIV SBL ¦ καὶ WH NA27+28

*1:13 ⸋ καὶ RP f 35 TR ¦ – TNT2 WH NA NIV SBL

*1:14 ⸂ τοῦ κυρίου Ἰησοῦ RP f 35 TR TNT2 NIV ¦ τοῦ κυρίου ἡμῶν Ἰησοῦ WH NA SBL

*1:15 ⸂ ἐλθεῖν πρὸς ὑμᾶς τὸ πρότερον RP ¦ πρὸς ὑμᾶς ἐλθεῖν τὸ πρότερον f 35 ¦ πρὸς ὑμᾶς ἐλθεῖν πρότερον TR ¦ πρότερον πρὸς ὑμᾶς ἐλθεῖν TNT2 WH NA NIV SBL

*1:15 ⸂2 χάριν RP f 35 TR TNT2 NA NIV SBL ¦ χαρὰν WH

*1:15 ⸂3 ἔχητε RP f 35 TR ¦ σχῆτε TNT2 WH NA NIV SBL

*1:18 ⸂ ἐγένετο RP f 35 TR ¦ ἔστιν TNT2 WH NA NIV SBL

*1:19 ⸉ γὰρ τοῦ θεοῦ RP f 35 TR ¦ τοῦ θεοῦ γὰρ TNT2 WH NA NIV SBL

*1:19 ⸉2 Ἰησοῦς χριστὸς RP f 35 TR TNT2 NA27+28 NIV SBL ¦ χριστὸς Ἰησοῦς WH NA25

*1:20 ⸆ – RP f 35 TR ¦ διὸ TNT2 WH NA NIV SBL

*1:20 ⸂ ἐν αὐτῷ RP f 35 TR ¦ δι᾽ αὐτοῦ TNT2 WH NA NIV SBL

Public Domain