1 झाइले म्रुँ अहासूरसइ चए ताँन् ह्‍युल तिगों नेरो मा ङ्युँए रे-रेमैंर मुँबै नाँसथेंमैंलाइ बालि फोबर ल्हैदिइ। 2 म्रुँ अहासूरसए शक्ति, चए छ्याँबै केमैं, नेरो मोर्दकैलाइ थेबै मान पिंसि चए बयन्, चु ताँन् ताँमैं मादी नेरो फारस ह्‍युलर्बै म्रुँमैंए इतिहासए कितबर प्ह्रिइमुँ 3 यहूदी मोर्दकै म्रुँ अहासूरस भन्दा न्होंर्बै ताँन् भन्दा चिब मुँल। च यहूदीमैंए थेबै म्हि मुँल। धै चइ ह्रोंसए यहूदी म्हिमैंए ल्हागिर बेल्‍ले छ्याँबै के लसि खातोनोइ खोबै म्हि तइ। मोर्दकैइ ह्रोंसए ह्रेंर्बै म्हिमैंए ताँन् सन्तानमैंए ल्हागिर शन्तिए ताँमैं मत्‍त्रे लइ।