‘Taabu kononōina kidi Totuyoyowo yaidi be nakae kidi da Samériya idi kasa goi, 6 go sem kōna sedao Isileli tubunao yaidi. Tauyadi sipi sulaaigidi nakae. 7 E kōna kotalavāita yaidi kami,

Go neta toni vadayana geya iuyaonemita, e imi kaodedevinayana ikaluvilamna yaimi. 14 Avatauwa neta geya siuyaonemita o imi livala geya sinovedita, e vada amo o asa amo kokalāve go, tutayana kosowóduwo, e asayana kaukauna aemi goi kokatumaumāui.†Gui 13:51. Moe imi katumátala tauyadi yaidi bego Yaubada itavileiyedi. 15 U, moe nakae koguinūwe go, ame alatuuwokoimi konōve: Takínona ana tuta tomota amo asayana goi adi liuna gagaina bei sibabane†aMad 11:24; Luk 10:12. namliyeta kidi da Sodoma be nakae da Gamora.’†bAbv 19:24-28.

‘Konovēgu. Komi sipi nakae aetunemi kona guna kaleyayao yaidi goi; tauyadi weiniya woliwoli sasasaidi nakae.†Luk 10:3; Iyo 13:16, 15:20. Tauna mami nuwosinapu moteta nakae go, imi sinapu maavadaidi bunabuna nakae. 17 E ami dodōkana imi kaleyayao goi. Maniyemi bei siyoisimi, siekotuyemi be nakae idi kaba tugúguna goi bei sidabimi. 18 Go maniyemi bei sinavemi adi gavanayao be adi tolovinayao matadi goi siekotuyemi imi numisa yau yaigu pasina, bei tauyadi yaidi be nakae Totuyoyowo yaidi Vala Dedevina kotalavaite. 19 Ego tutayana siyoisimi bei siekotuyemi, taabu konuwokuubukūbu manakaemi bei kobóbwara o kaga kobobore. Moitamo. Kaga Yaubada latuwona kotalavaite, e moe tutayana Balomaina bei nukotomi isanayatoidi manakaemi kobóbwara. 20 Moitamo. Moe geya komi imi livala geya, go sem kina Tamada Balomaina sopami goi ibobóbwara. 21 E tomota maniyedi geya sinumiseguta toinidi sediyao tonumisa bei sinuwotuluyedi tolovina yaidi bego sikaumatedi. Tamadiyao nakae bei siguinuwe natudiyao yaidi. Gogómana nakae bei siguinuwe tamadiyao be sinadiyao yaidi. 22 Tomota liliudi bei sikaolilivemi unana yau yoigu ikaaiyaka yaimi.†Mad 24:9. Go avatauwa neta sitaoyakavata ana kadókana tuta ana kaba lukavava goi, e adi yava bei sibabane. 23 E imi vanibitayana goi tutayana asa tayamo toni kasa siyogedegedemi imi talavaita pasina, e kosīya kōna ituli ta kasa goi kotalavāita. U, moe nakae koguinūwe go, ame alatuuwokoimi konōve: Asa liliuna Isileli sinaena geya kolukavavedita gobe Tomalatomota ikaluvilamna ima.

24 Tovatotówana ina tovatulúkwana geya itobusaveyeta.†aLuk 6:40. Aiyuwoina tomota paakonina ina tomoya geya itobusaveyeta.†bIyo 13:16, 15:20. 25 Neta tovatotowanayana ina sinapu be tovatulúkwana ina sinapu sivavasa o tomota paakonina ina tomoya taiyao idi sinapu sivavasa, e tuwo dedevina. Tauna kita nakae bego tavavasa. Neta yau toni vada sitagiwoigu kadi, “Kom Beyelisebuli”, e komi yau guna bodao nakae bei sitagiwoimi gagaina toina.†Mad 9:34, 12:24; Mak 3:22; Luk 11:15.

26 Tauna tomotayadi taabu komatooitēdi. Moitamo. Kaga vamoounina, nava Yaubada bei ikaiwoduwe, e tomota liliudi sigite. Kaga tomota sikamomouye, nava bei Yaubada italavaite, e tomota liliudi sinove.‡Ame tomwana ana yagoina nakona aiyuwo. Tayamo ana yagoina ame nakae: Kaga vatuumnidi moe Yeisu ina vatulúkwana Yaubada ina lovina dedevina manuna go, ina tovatotowanayao bei sitalavaite tomota yaidi. Ago tayamo ana yagoina moe tomota idi goyo sivamoudi go, niga Yaubada ikaiwoduwedi.†Mak 4:22; Luk 8:17. 27 Kaga mamaníwana goi akanasiinamoe, e mavada goi kotalavāite tomota yaidi. Aiyuwoina kaga nakae aakului yaimi goi, e vada yatadi‡Vada yatadi: Kidi Diyuu idi vada átava geya, go sem idi vada yatadi paaevaidi. Tauna tomota itoboinedi simwera yatana goi sikaaiyaka. Go idi sinapu nakae neta tomota latuwona livala tayamo italavaite, e ina vada yatana imwera iduduwo bei tomota sinove. goi kotalavāite, bei tomota liliudi sinove. 28 Ago imi talavaitayana goi tauyadi itoboinedi wowomi sikauumatedi taabu komatooitēdi. Nakona wowomi sikaumatedi go, geya itoboinedita balomaimi sibisikone. Tauna taabu komatooitēdi. Go sem avatau neta itoboine wowomi be balomaimi taiyao asagabugabu goi imtulidi, e amo Tauyana koomatōite. 29 Aba gita tamo aguinuwe bei koyagoi itoboinemi geya komatoitedita. Sine aiyuwo maisadi giyaina ae? Go Yaubada iiyagoi neta tayamo ikámasa isou poyapoya goi. 30 E komi nakae iyagoimi. Nakae kunumi liliuna dabami goi adi badabada bogina iyagoidi. 31 Tauna taabu koomatōita. Komi Yaubada konana nakae gagaina namliyeta sine.

32 Tauna avatauwa neta tomota matadi goi sikamoitamoegu, yau nakae Tamada guma yábana matana goi bei akamoitamoedi. 33 Go avatauwa neta tomota matadi goi silawoiwoiyegu, e yau nakae Tamada guma yábana matana goi bei alawoiwoiyedi.’†2Ti 2:12.

‘Taabu konuuwonūwana bego ama poyapoya ame goi bei tuboina ame. Geya. Ama tuboina geya ameyeta geya, go sem yaviya ame. 35 Moitamo. Yau pasigu livisi isowóduwo boda tayamo goi unana maniyedi tomota sinumisegu go, maniyedi geya. Tauna yau pasigu koroto tamana ivakaleye, vavina sinana ivakaleye be nakae vavina yaona vavina ivakaleye. 36 Tauna koroto ina kaleyayao moe toinina ina bodao.†Mik 7:6.

37 Avatauwa neta idi matakoi tamadiyao o sinadiyao o natudiyao yaidi ivakaigaga namliyeta yau yaigu, geya itoboinedita bego yau guna bodao. 38 Avatauwa neta geya sitagoneta bei toinidi idi kerose siikavale‡Idi kerose siikavale: Ame ana yagoina moe tomota toinina ikasale bego ikámasa ina numisa pasina. be nakae sisabokuuliyegu,†Mad 16:24; Mak 8:34; Luk 9:23. geya itoboinedita bei yau guna bodao. 39 Avatauwa neta sipoikiki bego yawoidi sibabane, e nava yawoidi vata bei sitagau. Go avatauwa neta yau pasigu yawoidi sitagau, e nava yawoidi vau bei sibabane.†Mad 16:25; Mak 8:35; Luk 9:24, 14:34-35, 17:33; Iyo 12:25. 40 Avatauwa neta siuyaaonemi, e yau nakae siuyaaonegu. Go avatauwa neta yau siuyaaonegu, agu toetuna nakae siiuyaone.†Mak 9:37; Luk 9:48, 10:16; Iyo 13:20. 41 Avatauwa neta Yaubada ina tokabivalavala siiuyaone unana tauyana moitamo Yaubada ina tokabivalavala, e nava bei tokabivalavala ana vaiwówana kidi nakae sibabane. Aiyuwoina avatauwa neta tokibóbwata siiuyaone unana tauyana moitamo tokibóbwata, e nava bei tokibobwata ana vaiwówana kidi nakae sibabane. 42 Avatauwa neta you tovatotówana ikaaiyaka yaidi, e bwae tuulaina toosobuna tayamo sivanim go, neta ame tauna siguinuwe, ame alatuuwokoimi konōve: Adi vaiwówana bei sibabane.’†Mak 9:41.