18
Bàu Anoi ca Diac Ê-thi-ô-bi
1 Nan xa ca Taneh Diac tau tep dèh panan wòa wòa,
aih taneh Diac ŏi pah tau 'bài cròng diac da Ê-thi-ô-bi;
2 Thê mangai 'ràng bàu tŏc bong
broq xam blùm glài roc cròng diac beq!
Ô 'bài mangai 'ràng bàu ma darenh tau,
lam trùh ta Diac i mangai ca'nhòng wa akia nhang lem,
trùh ta jàn ma rìm ngai hangai haten dìq yùq crè
ca wì haq enh jò baxèm i taneh Diac,
trùh ta jàn ma loq lam tablah ca diac 'noiq,
ta taneh diac ma yi dêh, ta gùng i bàc toq cròng diac talah taneh.
3 Ô dìq dŏng ca pì,
'bài jàn ŏi ta crŏng taneh,
bu pa'nàng cò ta bôi wang,
pì ngan beq;
bu i bàu hlôi ken,
pì tàng beq!
4 Ma jah 'màng aih Chuaq khoi doi ca au 'màng cô:
“Au ŏi hatenh, wa enh nòi Au ma ŏi,
Au ha'mrìh ngan, tìah ca 'ngah enh mat mahì xreo,
tìah ca yùc jò padrang mùa gat 'mau.”
5 Ma jah 'mang aih adroi ca hì gat,
riang loh plì wa plì bu dùm,
èh Haq yŏc haiq pŏt đac 'bài hamenh ma nga
wa coh đac 'bài hamenh hla ma cràm.
6 'Bài mangai lình tanuq khoi 'bìq đòiq hlài ca chìm caq jam ta bôi wang,
wa ca 'bài ngè rôm ta crŏng taneh;
'bài chìm jah caq jam aih cwa mùa padrang,
wa 'bài ngè rôm jah caq jam aih cwa mùa ralìm.
7 Jò aih, jàn mangai i ca'nhòng akia nhang tau,
aih jàn ma rìm ngai hangai haten dìq yùq crè ca wì haq enh jò baxèm i Taneh Diac,
jàn ma loq tablah ca Diac 'noiq,
jàn ma yi càn dŏng, i bàc toq diac cròng ta taneh diac wì haq,
jàn aih raq 'ràng trùh ngè tadreo dèch am ca Chuaq ma wèq dìq ca 'bình plình ma ŏi, aih ta wang Siôn.