4
Waiq Khàn Daxèq: Canòm Chuaq!
Đawit Achìh
Ôi Boc Plình, Ìh can ta-atoq da au,
xìn tèo bàu jò au dang creo ca Ìh,
am au jah padài ta bìac xa nan da au.
Xìn Ìh xa-ŏch wa tamàng bàu jò au waiq khàn.
 
Ôi con mangai, pì broq bìac 'ngah 'ngai da au loh ca bìac camaih dùnh dàng leq hòm?
Pì enh loq waq ca bàu dech 'ngwan wa bìac alùan 'nùt dùnh dàng leq?
Khòh loq Chuaq khoi đòiq crài mangai leq loq iu tiaq Haq.
Jò au dang creo ca Haq, joq 'nàng Haq tamàng bàu au.
 
Pì khòh loq yùq crè, wa paq broq tôiq.
jò ca'nùng ta jùang,
phai ŏi hatenh hèm haboq ta manoh.
Dèch am bìac ta-atoq broq ngè tadreo,
èh canòm nhò ca Chuaq beq.
 
Bàc ngai ŏi raq bòch: “Cabô jah patô ca nhèn bìac lem?”
Chuaq ôi, xìn am can 'ngah hadròih da Ìh xreo ŏi ti nhèn.
Ìh khoi broq ca manoh au bình halùih bìac lem bùi,
yi hnao ca bìac lem bùi da wì jò gat 'mau wa jò alac nho da wì haq i bàc.
 
Au jah ca'nùng cùi catèm,
taiq toq Ìh raq Chuaq ôi,
jah broq ca au jah hanình.