100
1 Dìq ca crŏng taneh ôi! Dèch bàu dêh calêu manè Chuaq beq!
2 Phai patìh bìac Haq xam manoh dìq jaq lem bùi,
calêu manè jò yòng enh ngìa ca Haq.
3 Bèn phai loq Chuaq Haq Boc Plình,
Haq khoi broq loh bèn, ùh xài cla bèn broq loh dađeh;
bèn ŏi ta gêh tì Haq, bèn cô jàn Haq, con trìu ŏi ta đùng nhat Haq.
4 Phai yŏc manoh manè wa bàu calêu jò mùt ta 'mang wa xàn Haq,
phai calêu manè padèch hiniq Haq.
5 Ma jah 'màng aih Chuaq dìq jaq lem lình,
can xa-ŏch xam manoh loq waq da Haq ùh jòq leq dìq,
bìac loq wèq dèh bàu da Haq trùh hloi dìq ca 'nhòng.