24
How Dey Split Da Aaron Ohana Guys
1 Dis how dey split da Aaron ohana guys:
Aaron boys was Nadab, Abihu, Eleazar, an Itamar. 2 ✡24:2: Pries 10:1-2But Nadab an Abihu wen mahke befo dea faddah mahke, an dey no mo boys. So Eleazar an Itamar was da pries guys. 3 Zadok come from Eleazar, an Ahimelek come from Itamar. Wit Zadok an Ahimelek fo help him, David split da pries guys fo do wat dey suppose to do. 4 Get mo guys inside da Eleazar line den inside da Itamar line. So dey split um lidis: sixteen main guys fo da Eleazar blood lines, an eight main guys fo da Itamar blood lines. 5 Dey pull straw fo split um. Az how dey no make um mo betta fo da Eleazar blood line den fo da Itamar blood line. Cuz get leadas fo da Place Dat Stay Spesho Fo God, an leadas dat God wen pick inside da Eleazar blood lines an inside da Itamar blood lines.
6 Da secretary Shemaiah, Netanel boy, from da Levi ohana, write dea names in front da king an da leadas: Zadok da pries guy, Ahimelek Abiatar boy, an da main guys fo da pries guy line an da Levi guy line. Dey take one line from Eleazar, den one line from Itamar.
7 Da firs time dey pull straw dey pick Jehoiarib, numba two Jedaiah, 8 numba three Harim, numba four Seorim, 9 numba five Malkijah, numba six Mijamin, 10 numba seven Hakkoz, numba eight Abijah, 11 numba nine Jeshua, numba ten Shekaniah, 12 numba eleven Eliashib, numba twelve Jakim, 13 numba thirteen Huppah, numba fourteen Jeshebeab, 14 numba fifteen Bilgah, numba sixteen Immer, 15 numba seventeen Hezir, numba eighteen to Happizzez, 16 numba nineteen Petahiah, numba twenny Jehezkel, 17 numba twenny-one Jakin, numba twenny-two Gamul, 18 numba twenny-three Delaiah, an numba twenny-four Maaziah.
19 Az how dey split da work wen dey go inside da Temple Fo Da One In Charge, jalike da rules from dea ancesta guy Aaron tell, an jalike Da One In Charge, da God fo da Israel peopo, wen tell Aaron fo do.
Da Odda Levi Ohana Guys
20 From da odda Levi ohana guys:
From Amram boys: Shubael.
From Shubael boys: Jehdeiah.
21 From Rehabiah boys: Isshiah numba one.
22 From Izhar boys: Shelomot. From Shelomot boys: Jahat.
23 From Hebron boys: Jeriah numba one, Amariah numba two, Jahaziel numba three, an Jekameam numba four.
24 Uzziel boy: Micah. Micah boy: Shamir.
25 Micah braddah: Isshiah. From da ones dat come from Isshiah: Zekariah.
26 From Merari boys: Mahli, Mushi, an Jaaziah: Jaaziah boy: Beno.
27 Merari boys: From Jaaziah: Beno, Shoham, Zakkur, an Ibri.
28 From Mahli: Eleazar, dat no mo boys.
29 From Kish, his boy: Jerahmeel.
30 An Mushi boys: Mahil, Eder, an Jerimot.
Dese da Levi guys inside dea blood lines. 31 An dey pull straw jalike fo dea braddahs, da Aaron ohana guys. Dey do um in front King David, an Zadok, Ahimelek, an da main guys fo da pries an Levi blood lines. Dey no make diffren to da mos ol braddahs an da mos young braddahs, dey all same same fo pull straw.