1 Firs, I tell da peopo fo pray fo erybody, fo eryting dey need. Dis wat I tell um: Go aks God fo wateva you guys need. Make shua you guys pray to him wit respeck. Aks him fo do good tings fo odda peopo. Tell God, “Mahalo plenny!” 2 Pray lidat fo da kings an all da odda leada guys, fo us stay good erytime, an fo notting bodda us. Den goin be mo easy fo do stuff da way God like, fo be solid kine peopo, an fo da odda peopo get respeck fo us guys. 3 Dat stay good, an dass wat God like. He da One dat take us outa da bad kine stuff. 4 He like take all da peopo outa da bad kine stuff dey stay do, an he like dem come fo know da true stuff.

7 ✡2:7: 2Tim 1:11Dass why God wen pick me, an sen me all ova da place fo tell da Good Stuff to all da diffren peopos dass not Jew guys. He like me teach dem fo dem trus da true stuff. Eh, I no bulai. Wat I stay telling you stay true.

8 I like da peopo all ova da place fo pray. Wen dey pray, dey gotta be good an spesho fo God, an no make argue o stay mad at da odda guy. Den az okay fo dem put dea hands in da air fo pray.

9 ✡2:9: 1Pet 3:3An I like da wahines fo ack da right way too. I like um dress good, an show respeck fo who dem wen dey put on clotheses. Da good looks no come from fancy kine hairdo, o from put on fancy kine gold o pearl kine jewelry, o da kine clotheses dat cost plenny money. 10 Mo betta dey do good kine stuff fo odda peopo. Dass wat stay right fo da wahines dat stay tell peopo dat dey get respeck fo God. 11 Wen da teachas stay teach, mo betta da wahines ony lissen an no talk. 12 Wen get one guy, I no let da wahines teach o ack jalike one boss. Dey gotta ony lissen an no talk. 13 ✡2:13 a: Start 2:7; b: Start 2:21-22Cuz God wen make Adam firs, an den he wen make Eve. 14 ✡2:14: Start 3:1-6Satan neva trick Adam, but he wen go trick Eve big time. She da one wen broke da Rules From God. 15 But wen da wahines born bebes, dey goin come out okay, if dey stay trus God, an show love an aloha fo erybody, an stay good an spesho fo God, an tink da right way.