7
1 Laytas, afta da town wall pau an I put up da big doors fo da town gates, an I pick da security guards fo watch da gates, an da music guys, an da Levi ohana guys dat help da prieses, 2 I put my braddah Hanani in charge a Jerusalem town, him an Hananiah dat was da officer ova da army guys inside da strong wall. I know I can trus Hananiah, an he get awesome respeck fo God, mo den plenny odda guys. 3 I tell da peopo, “No open da Jerusalem town gates early. Ony open um wen da sun come hot. Shut da gates evening time, an put bars across da big doors. Make shua dat da guys dat suppose to watch da gates stay stan right dea wen you lock da gates. Pick Jerusalem peopo fo be da security guards fo da town. Put some a dem on top da spesho place fo da security guards, an put some a dem in front dea houses.” 4 I tell um fo do dat cuz da town big an get plenny room, but ony get litto bit peopo live inside dea, an dey no build houses yet.
Da Peopo Dat Come Back From Babylon Side
5 Den my God make me tink fo do anodda ting. I tell all da alii guys an da govmen guys an all da odda peopo fo come togedda fo dem write down all da ohana name. I wen awready find da ohana book wit da name fo da peopo dat wen come wit da firs ones dat come back from Babylon side, an dis wat stay write inside dea:
6 “Dis, da peopo inside dis districk dat come back from Babylon, da ones dat King Nebukadnezzar wen take away Babylon side befo time. Dey come back Jerusalem side, cuz dey all like go live inside da town wea dea ohana come from, Jerusalem town an da odda towns inside da Judah land.
7 “Dis da leadas dat wen come back da firs time: Zerubbabel, Jeshua, da odda Nehemiah, Azariah, Raamiah, Nahamani, Mordecai, Bilshan, Mispereth, Bigvai, Nehum, an Baanah.
“Dis how many Israel peopo wen come back:
8 Da Parosh ohana, 2,172.
9 Da Shefatiah ohana, 372.
10 Da Arah ohana, 652.
11 Da Pahat-Moab ohana, dat wen come from Jeshua an Joab, 2,818.
12 Da Elam ohana, 1,254.
13 Da Zattu ohana, 845.
14 Da Zakkai ohana, 760.
15 Da Binnui ohana, 648.
16 Da Bebai ohana, 628.
17 Da Azgad ohana, 2,322.
18 Da Adonikam ohana, 667.
19 Da Bigvai ohana, 2,067.
20 Da Adin ohana, 655.
21 Da Ater ohana, dass from Hezekiah, 98.
22 Da Hashum ohana, 328.
23 Da Bezai ohana, 324.
24 Da Harif ohana, 112,
25 Da Gibeon ohana, 95.
26 From Betlehem an Netofah, 188.
27 From Anatot town, 128.
28 From Bet-Azmavet, 42.
29 From Kiriat-Jearim, Kefirah, an Beerot, 743.
30 From Ramah an Geba, 621.
31 From Mikmas, 122.
32 From Bethel an Ai, 123.
33 From Nebo town (not Mount Nebo), 52.
34 Da odda Elam ohana, 1,254.
35 Da Harim ohana, 320.
36 Da Jericho ohana, 345.
37 Da Lod, Hadid, an Ono ohana, 721.
38 Da Senaah ohana, 3,930.”
Da Pries Guys An Dea Helpas
39 “Da pries guys, get da Jediah ohana dat come from da Jeshua ohana, 973.
40 Da Immer ohana, 1,052.
41 Da Pash-hur ohana, 1,247.
42 Da Harim ohana, 1,017.”
Da Levi Ohana Guys
43 “Da guys from da Levi ohana dat help da prieses, come from Jeshua, an afta him dey come from Hodaviah, an afta him dey come from Kadmiel, 74.”
44 “Da music guys dat come from Asaf ohana, 148.”
45 “Da guys dat guard da Temple gates, dey come from Shallum, Ater, Talmon, Akkub, Hatita, an Shobai ohana, 138.”
46 “Da guys dat work inside da Temple, dea ohanas come from Ziha, Hasufa, Tabbaot, 47 Keros, Siaha, Padon, 48 Lebana, Hagabah, Shalmai, 49 Hanan, Giddel, Gahar, 50 Reaiah, Rezin, Nekoda, 51 Gazzan, Uzza, Paseah, 52 Besai, Meunim, Nefushesim, 53 Bakbuk, Hakufa, Harhur, 54 Bazlit (some call um Bazlut), Mehida, Harsha, 55 Barkos, Sisera, Temah, 56 Neziah, an Hatifa.”
57 “Da guys dat come from da peopo dat wen work fo King Solomon befo time, dea ohana come from Sotai, Soferet, Perida, 58 Jaala, Darkon, Giddel, 59 Shefatiah, Hattil, Pokeret-Hazzabaim, an Amon. 60 All da guys dat work fo da Temple, an da ones dat come from da guys dat wen work fo King Solomon, all dem 392 guys.”
Da Peopo Dat No Can Show Proof Wat Ohana Dey Come From
61 Odda peopo come from Tel-Melah, Tel-Harsha, Kerub, Addon, an Immer towns, but dey no can show proof wat ohana dey come from, so dey donno if dey Israel peopo, o not. 62 Da ones dat come from da Delaiah, Tobiah, an Nekoda ohana, 642 peopo.
63 Da pries guys dat no can show proof too, dey da ones dat come from Hobaiah, Hakkoz, an Barzillai. (Barzillai, he take his ohana name from da Barzillai dat live Gilead side befo time, cuz he wen marry one a da Gilead guy daughtahs.) 64 Dose pries guys wen look fo dea name inside da ohana books, but dey no can find um. Az why dey no can do pries guys work, cuz dey no can show proof.
65 ✡7:65: Outa 28:30; Rules2 33:8I was da govna guy, az why I tell um dat dey no can eat da food dass spesho fo God yet, dey gotta wait till get one pries dat know how fo use da Urim an da Tumim fo aks God wat fo do.
66 So erybody togedda was 42,360 guys. 67 We neva count dea slave guys an slave wahines wit da Israel peopo. Had 7,337 slaves. Da music guys, had 245 a dem, guys an wahines.
68 Da peopo get 736 horse, 245 mule, 69 435 camel, an 6,720 donkey.
70 Some a da leada guys from da main ohanas wen give gifs fo help do da work. Me, da govna guy, I wen give da govmen guys dat take kea da money tousan gold coin, 50 gold bowl, 530 robe fo da pries guys. 71 Da odda ohana leada guys wen give da govmen guys dat take kea da money 20,000 gold coin an 2,750 poun silva fo da work. 72 Da odda peopo give 20,000 gold coin, 2,500 poun silva, an 67 robe fo da pries guys.
73 ✡7:73: 1Rec 9:2; Neh 11:3Den all da Israel peopo—da pries guys, da Levi ohana guys, da guys dat watch da town gates, da music guys, da worka guys fo da Temple, an some a da odda peopo—dey all go home an live inside dea home town.
Ezra Read Da Rules From God
Fo Da Peopo
Fo Da Peopo
Octoba time, all da Israel peopo stay live inside dea home town now.