1 ✡26:1: Census 1:1-46Afta da real bad kine sick pau, Da One In Charge tell Moses an Eleazar, Aaron boy, 2 “Count all da Israel peopo by dea faddah ohanas, all da guys twenny year ol o mo dat can fight inside da army fo da Israel peopo.” 3 So on top da flat place Moab side, nex to da Jordan Riva wea get Jericho on da odda side, Moses an Eleazar da pries guy tell da Israel peopo, 4 “Count all da guys twenny year ol o moa, jalike Da One In Charge tell Moses fo do.”

Dese da Israel peopo dat wen come outa Egypt.

5 Da firs boy fo born from Israel, az Reuben. From da Reuben ohana: from Hanok come da Hanok line, from Pallu come da Pallu line, 6 from Hezron come da Hezron line, from Karmi come da Karmi line. 7 Dese da count from all da Reuben blood lines. Get 43,730 guys dat can fight.

8 Eliab, he Pallu boy. 9 Eliab boys Nemuel, Datan, an Abiram. Datan an Abiram, dey da same leada guys dat wen go agains Moses an Aaron. Dey stay tight wit Korah, da time dey go agains Da One In Charge. 10 Den jalike da earth open up his mout swallow dem. Dass Korah an da guys dat stay tight wit him, da time da fire kill 250 guys. Dose guys wen come jalike one sign fo da Israel peopo fo no go agains Da One In Charge. 11 But not all da Korah line mahke dat time.

12 From Israel, da Simeon ohana by dea blood lines was: from Nemuel come da Nemuel line, from Jamin come da Jamin line, from Jakin come da Jakin line, 13 from Zerah come da Zerah line, from Shaul come da Shaul line. 14 Dese all da Simeon blood lines. Get 22,200 guys dat can fight.

15 From Israel, da Gad ohana by dea blood lines was: from Zefon come da Zefon line, from Haggi come da Haggi line, from Shuni come da Shuni line, 16 from Ozni come da Ozni line, from Eri, come da Eri line, 17 from Arodi come da Arodi line, from Areli come da Areli line. 18 Dese all da Gad blood lines. Get 40,500 guys dat can fight.

19 From Israel, da Judah ohana: Er an Onan, dey Judah boys, but dey wen mahke Canaan side. 20 Da Judah ohana by dea blood lines was: from Shelah come da Shelah line, from Perez come da Perez line, from Zerah, come da Zerah line. 21 Da Perez ohana get Hezron, an from him come da Hezron line, from Hamul come da Hamul line. 22 Dese all da Judah blood lines. Get 76,500 guys dat can fight.

23 From Israel, da Issakar ohana by dea blood lines was: from Tola come da Tola line, from Puah come da Puah line, 24 from Jashub come da Jashub line, from Shimron come da Shimron line. 25 Dese all da Issakar blood lines. Get 64,300 guys dat can fight.

26 From Israel, da Zebulun ohana by dea blood lines was: from Sered come da Sered line, from Elon come da Elon line, from Jahleel come da Jahleel line. 27 Dese all da Zebulun blood lines. Get 60,500 guys dat can fight.

28 From Israel, da Joseph ohana by dea blood lines from Manasseh an Efraim was: 29 Da Manasseh ohana: from Makir come da Makir line. Makir, he da faddah fo Gilead, an da Gilead ohana come from Gilead. 30 Dese ohana come from Gilead: from Jezer come da Jezer line, from Helek come da Helek line, 31 from Asriel come da Asriel line, from Shekem come da Shekem line, 32 from Shemida come da Shemida line, from Hefer come da Hefer line. 33 (Zelofehad, Hefer boy, no mo boys, ony girls. Dea names, Mahlah, Noah, Hoglah, Micah, an Tirzah.) 34 Dese all da Manasseh blood lines. Get 52,700 guys dat can fight.

35 From Joseph, dese da Efraim ohana by dea blood lines: from Shutelah come da Shutelah line, from Beker come da Beker line, from Tahan come da Tahan line. 36 Dis da Shutelah line: from Eran come da Eran line. 37 Dese all da Efraim blood lines. Get 32,500 guys dat can fight.

Dese all da Joseph ohana by dea blood lines.

38 From Israel, da Benjamin ohana by dea blood lines was: from Bela come da Bela line, from Ashbel come da Ashbel line, from Ahiram come da Ahiram line, 39 from Shuwfam come da Shuwfam line, from Huwfam come da Huwfam line. 40 Da Bela line from his boys Ard an Naaman was: from Ard come da Ard line, from Naaman come da Naaman line. 41 Dese all da Benjamin blood lines. Get 45,600 guys dat can fight.

42 From Israel, dese da Dan ohana by dea blood lines: from Shuham come da Shuham line, dey da Dan family. 43 All a dem from da Shuham blood line. Get 64,400 guys dat can fight.

44 From Israel, da Asher ohana by dea blood lines was: from Imnah come da Imnah line, from Ishvi come da Ishvi line, from Beriah come da Beriah line. 45 An from Beriah come Heber an da Heber line, an from Malkiel come da Malkiel line. 46 (Asher get one girl Serah.) 47 Dese all da Asher blood lines. Get 53,400 guys dat can fight.

48 From Israel, da Naftali ohana by dea blood lines was: from Jahzeel come da Jahzeel line, from Guni come da Guni line, 49 from Jezer come da Jezer line, from Shillem come da Shillem line. 50 Dese all da Naftali blood lines. Get 45,400 guys dat can fight.

51 All da guys dat can fight, togedda from da Israel peopo, was 601,730 guys.

52 ✡26:52: Census 34:13; Josh 14:1-2Da One In Charge tell Moses, 53 “Ery ohana goin get property fo how many names dey get. 54 Fo one big ohana, give dem mo land fo dea property. Fo one small ohana, give dem one small land. 55 Make shua dey pull straw fo get dea land. Ery ohana goin get dea land fo how many names dey get inside da count. 56 Ery ohana goin pull straw fo find out who get wat land, fo da one dat get big ohanas, an da one dat get small ohanas.”

57 From Israel, dese da Levi ohana blood lines: from Gershon come da Gershon line, from Kohat come da Kohat line, from Merari come da Merari line. 58 An get dese odda Levi blood lines: da Libna line, da Hebron line, da Mahli line, da Mushi line, da Korah line.

Kohat, he da ancesta fo Amram. 59 Amram wife, she Jokebed, from da Levi ohana too. She wen born inside Egypt. Fo Amram she born Aaron, Moses, an dea sistah Miriam. 60 ✡26:60: Census 3:2Aaron da faddah fo Nadab, Abihu, Eleazar, an Itamar. 61 ✡26:61: Pries 10:1-2; Census 3:4But Nadab an Abihu wen mahke wen dey make one sacrifice in front Da One In Charge wit da kine fire he no like.

62 All da Levi boys one month ol o mo was 23,000. Dey no count da Levi guys wit da odda Israel guys, cuz dey no goin get land wit dem.

63 Dese da count dat Moses an Eleazar da pries guy count wen dey make da census on top da flat place Moab side nea da Jordan Riva, wea get Jericho da odda side. 64 No mo nobody from dem get count, da time Moses an Aaron wen make da firs count inside da Sinai Boonies. 65 ✡26:65: Census 14:26-35Cuz Da One In Charge wen tell da Israel guys in da firs census, dat dey goin mahke fo shua inside da boonies. No mo nobody from dem stay alive still yet, ony Jefunneh boy Caleb an Nun boy Joshua.