1 Zelofehad get ony girls. Zelofehad was Hefer boy, Hefer was Gilead boy, Gilead was Makir boy, Makir was Manasseh boy, dey from da Manasseh ohana, Joseph boy. Da names fo Zelofehad girls was Mahlah, Noah, Hoglah, Milkah, an Tirzah. 2 Da girls come by da place fo go inside da Tent Wea Da Peopo Meet God, an dey stan in front Moses, Eleazar da pries, da leadas, an all da peopo. Dey tell, 3 “Oua faddah wen mahke inside da boonies. He neva stay tight wit Korah, da guy dat bring some a da peopo togedda fo go agains Da One In Charge. But oua faddah mahke fo da bad kine stuff he wen do, an he no mo boys. 4 You guys tink az good, dat oua faddah name no goin stay no mo inside his ohana, jus cuz he no mo boys? Give us land from oua faddah ohana!”
5 So Moses aks Da One In Charge wat fo do bout dem. 6 An Da One In Charge tell Moses, 7 ✡ 27:7: Census 36:2“Wat Zelofehad girls tell stay right. You gotta give dem land fo dea property from me, jalike da odda guys from dea faddah ohana. Give dem dea faddah land.
8 “Tell da Israel peopo, ‘If one guy mahke, an he no mo boys, give his land to his girls. 9 If he no mo girl, give his land to his braddahs. 10 If he no mo braddahs, give his land to his faddah braddahs. 11 If his faddah no mo braddahs, give his land to his ohana dat stay close, fo him get da property. Dis wat da Israel peopo gotta do, jalike Da One In Charge wen tell Moses fo do.’ ”
Joshua Goin Come Da Leada Afta Moses
12 ✡ 27:12: Rules2 3:23-27; 32:48-52Den Da One In Charge tell Moses, “Go up dis mountain inside da Abarim Range. Look da land I wen give da Israel peopo. 13 Afta you see da land, you goin mahke an go by yoa mahke peopo, jalike yoa braddah Aaron. 14 Cuz da time da peopo wen come togedda agains me inside da Zin Boonies, you an Aaron wen go agains me too. You guys neva do how I wen tell you fo get watta, wea all dem can see um, fo show dat I good an spesho.” (Az was da Meribah watta, Kadesh side, inside da Zin Boonies.)
15 Moses tell Da One In Charge, 16 “I like fo you, Da One In Charge, da God fo all da spirits fo all da peopo inside da world, pick one guy fo take ova dese peopo, 17 ✡ 27:17: 1Kings 22:17; Ezek 34:5; Matt 9:36; Mark 6:34fo him go out an come back in front dem fo lead dem fo war. Az how da peopo a Da One In Charge no goin be jalike da sheeps dat no mo sheep guys fo take kea dem.”
18 ✡ 27:18: Outa 24:13So Da One In Charge tell Moses, “Take Joshua, Nun boy. He one guy dat get my Spirit. Go put yoa hands on top him fo show he da guy. 19 Tell him fo go stan in front Eleazar da pries guy, an all da peopo, an give him his kuleana in front dem. 20 Give him some a yoa powa fo all da Israel peopo lissen him. 21 ✡ 27:21: Outa 28:30; 1Sam 14:41; 28:6Joshua goin stan in front Eleazar da pries guy. Eleazar goin use da Urim in front me, Da One In Charge, fo aks me wat I tell Joshua gotta do. Wen Joshua tell dem, him an all da Israel peopo goin go outside togedda, an wen Joshua tell dem, dey all goin come back inside togedda.”
22 Moses do wat Da One In Charge tell him fo do. He take Joshua an tell him fo stan in front Eleazar da pries guy, an all da peopo. 23 ✡ 27:23: Rules2 31:23Den Moses put his hands on top Joshua, an give him da kuleana, jalike Da One In Charge wen tell Moses fo do.
✡27:7 27:7: Census 36:2
✡27:12 27:12: Rules2 3:23-27; 32:48-52
✡27:17 27:17: 1Kings 22:17; Ezek 34:5; Matt 9:36; Mark 6:34
✡27:18 27:18: Outa 24:13
✡27:21 27:21: Outa 28:30; 1Sam 14:41; 28:6
✡27:23 27:23: Rules2 31:23