70
Luwaluh Pun'adawan hi Badang Apo Dios
Heten psalm ya luwalun intudo' David, ya hay intud'ana ya nan ap'apun di muntudtuduh kanta.
(Psa. 40:13-17)
1 Apo Dios, punnaudom ni' ta baliwana',
at badangana' ni' ahan.*Psa. 40:13.
2 Ya hana ni' an adi manghop an mamatoy ay ha"in ya ma'abakda,
ya guluwom dida ta mid poto' di nomnomonda,
ya dane ni' han umamlong hi punligata' ya diday a'atana ta mabainanda,†Psa. 40:14.
3 ya dane ni' han mangaba'abatol ay ha"in ya ma'abakda ta mabainanda.‡Psa. 40:15.
4 Mu hana ni' nan umunud ay He"a ya ipadenolmu ta umamlongda,
ya an amin ni' nan mamhod hinan abaliwandan He"a ya gunda alyon di,
“Na'abbagbagtuh Apo Dios!”§Psa. 40:16.
5 Mu ha"in ay atog ya nawotwota' ya mid abalina',
at punnaudom ni', Apo Dios, an mamadang ay ha"in
ti He"a ya anggay di mangibaliw ay ha"in.*Psa. 40:17.