1 Kimmali boh APU DIOS ke ha-on an kananay 2 “He-an tagu, nganney nun-ingngohan nan wakal di grape ya hapang di kaiw? Kon miusal di wakal di grapes umat hi kiusalan di hapang di kaiw? 3 Hanan wakal di grape ya maid moy kiusalana ten naalan am-in di bungana. Kon damanan kapyaon ni-moh kumpulna? Ya kon damanan kapyaon hi pangipattukan hi banga weno palhu? 4 Mabalin nin udot an itungu hin namag-anan mu adi maphod te kanginuppu ya maid di balana. 5 Athidiy wakal di grapes an itungu man weno adi ya maid di hilbina ten napida moy bungana.

6 Ta hidiye nan ha-oy an Nakattag-en AP-APU ya kanak di: Hanadan grapes ya winadak didan makiong-ongal nadah kakaiw hi muyung mu appilok dida ne tinolgak ta maghob da. Paddungnay athidiy atok nadah iJerusalem te maid di hilbi da. 7 Ihamad kun mangastigun dida ta takon di nihwang dah ohan kastigu da ya kastiguwok bo dida. Kediyen maat di panginilaan dan ha-oy di AP-APU. 8 Pumbalinok boy boble dah adi maboblayan te inwalongak ke dida. Ha-oy an Nakattag-en DIOS di nangalin tuwe.”