53
1 Kanan nadan tataguy “An dahdiy mangulug nadah ipainila mi? Ya dahdi da moy nangipatib-an APU DIOS hi ongal an kabaelana?*53:1 Juan 12:38, Romans 10:16 2 In-abulut APU DIOS hituwen maat ketuwen Muttatyunan mialig nah intanom an ka-tomol na nah mamagan luta. Hiya ya nababan tagu ya adi maphod di ang-ang na, ta hidiye nan maid di gumapuh e kaawisan di tatagun hiya. 3 Kahingngitan di tatagu ya maid di ohan nangabulut ke hiya. Maid pay di nangibilbilang ke hiya. Ya kanan da bo udot di ‘Dahdih naen tagu?’ Ya maid ni-moy naminhod an mangiang-ang ke hiya. Namahig di nunholholtapana ya u-umyung.
4 Muden inabulut nan holtapon nan lebbengnan holtapon taku. Yaden pangali taku on hidiyen hinolholtap na ya pangastigun Apu Dios ke hiya.†53:4 Mateo 8:17 5 Mu bokon. Te gapuh liwat taku ya liniputan da ya nunhoplat da. Ta gapun dadiyen hinoltap na ya damanan makihayyup takun Apu Dios ya mipaphod taku. 6 Am-in taku ya kay taku kalneron natalak an waday oha on nangeh pangayana. Kinali gulat na ya ditakuy makastigu an bokon hiya. Muden impaboklan APU DIOS ke hiyay liwat taku ot bokon ditakuy namokla.”
7 Namahig di inainat dan hiya, mu inippol na ya impamga nay op-opya.‡53:7a Mateo 27:12-14, Lucas 23:8-9 Hiya ya mialig nah impan di kalneron in-e da ot eda kolngon.§53:7b Tibon yuy Revelation 5:6 ya Juan 1:29 ya 1:35. Ya umat nah kalneron takon di pumpu-litan day dutdut na ya op-opya. 8 Eda dimpap ya kinali day makastigu ot ieda nah ena katayan yaden maid ni-moy nanangud hin nganney maat ke hiya. Man-uket athidi ya maid di ohan nun-awat an mate gapuh liwat am-in di tagu.*53:7-8 Acts 8:32-33 9 Nakikate nadah waday bahul na yaden maid di numbahulana ya maid di langkak hi kinalina.†53:9a Tibon yuy 1 Pedro 2:22. Ot ne eda ilubuk hi lubukan nan kadangyan.‡53:9b Mateo 27:57-60
10 Hidiyey pinhod APU DIOS an maat ke hiya an munholholtap ta ikate nay kakaanan di liwat di tagu. Ahina tibon di holag na§53:10a Datuwen kanan dan holag nan Muttatyun APU DIOS an hi Kristo ya bokon nan ustun imbabalena, mu hay kibalinana ya am-in nadan mangulug ke hiya. ya andukkey biyag na.*53:10b Hay kibalinan tuwen “andukkey biyag na” ya hay namahuwan Kristo ot munnanong an matagu. Gapun hiya ya mipaannung di planun APU DIOS. 11 Mala-u kayah diyen punholholtapana ya mun-am-amlong mo ten inilaonan waday niatan di nunholholtapana.
Athituy kanan APU DIOS mipanggep ke hiya “Hiya an makaphod an muttatyuk di mamoklah liwat di dakol an tatagu ta gapun hiya ya kaanok di liwat dat mibilang dan maphod.†53:11b Romans 5:19 12 Kinali ipadayaw kut mibilang nadah madayaw ya ongal di kabaelanan tatagu. Hiya ya inabulut nan mipipaten nilagat hi naat nadah gaga-ihon tatagu.‡53:12 Lucas 22:37 Hiyay namoklah liwat di tatagu ya nundasal ta makal-iwan di liwat da.”§53:1-12 Am-in datuwen verses ya mipanggep hi nunholholtapan Kristo an Muttatyun APU DIOS gapuh liwat di tatagut mihwang da.
*53:1 53:1 Juan 12:38, Romans 10:16
†53:4 53:4 Mateo 8:17
‡53:7 53:7a Mateo 27:12-14, Lucas 23:8-9
§53:7 53:7b Tibon yuy Revelation 5:6 ya Juan 1:29 ya 1:35.
*53:8 53:7-8 Acts 8:32-33
†53:9 53:9a Tibon yuy 1 Pedro 2:22.
‡53:9 53:9b Mateo 27:57-60
§53:10 53:10a Datuwen kanan dan holag nan Muttatyun APU DIOS an hi Kristo ya bokon nan ustun imbabalena, mu hay kibalinana ya am-in nadan mangulug ke hiya.
*53:10 53:10b Hay kibalinan tuwen “andukkey biyag na” ya hay namahuwan Kristo ot munnanong an matagu.
†53:11 53:11b Romans 5:19
‡53:12 53:12 Lucas 22:37
§53:12 53:1-12 Am-in datuwen verses ya mipanggep hi nunholholtapan Kristo an Muttatyun APU DIOS gapuh liwat di tatagut mihwang da.