1 Apu Dios, homkon dakami, ulayan dakami ya bendisyonan dakami anhan 2 ta inilaon di katagutagu tuh lutay pangi-em ya ta inilaon dan he-ay mangihwang ke dida.

3 Apu Dios, hana ot ta dayawon dakan am-in hi tatagu. 4 Ya hana ot ta umamlong da ya ikanangkanta day amlong dan he-a te maandong di punhumalyam ya ituddum di maphod an aton di katagutaguh kabobboble. 5 Apu Dios, hana ot ta dayawon dakan am-in hi tatagu.

6 Hi Apu Dios an Dios taku ya binendisyonan ditaku ot pumhod di inliyak taku. 7 Makulug an binendisyonan ditakun Apu Dios. Ya hana ot ta hiyay dayawon am-in di tataguh kabobboble.