Sindaun
Jukuman täga mebäri mebäri
8
Sindaun 8:22-31
Imaka imaka nämo ahäŋirä nadäk-nadäk tägatä intäjukun ahäŋkuk
22 *Rev 3:14 Yäput peŋpäŋ Yawetä imaka kuduptagän nämo ahäŋirä näk jukun täŋpän nepmaŋkuk.
23 *Jon 17:24; Efe 1:10-11 Bianiinik, kome ba imaka kubä nämo peŋkaŋä näk jukun iwoyäŋpäŋ nepmaŋkuk.
24 Gwägu pähap ba ume dapuri kubä nämo ahäŋirä näk jukun täŋpäŋ nepmaŋkuk.
25-26 Pom taŋi ba täpuri bägupiken nämo irirä näk bäyaŋpäŋ nepmaŋkuk. Bureni, näk jukun nepmaŋkaŋ mädenaken kome ba äwan täŋpäŋ peŋkuk.
27 Ba kadäni kunum kenta kome yäpurärätpäŋ yepmaŋkuko u näk imaka irira täŋkuk.
28 Täŋpäkaŋ gubam komeniken punin yepmaŋpäŋ kome terak ume dapuri täwit-pewän umetä äbäŋpäŋ kome tokŋeŋ moreŋkuko uken imaka, näk uku itkut.
29 Näk ahäŋkuro irira kometä itta bagani peŋ imiŋkuk, ba gwägutä baga peŋ imani nämo irepmirekta yäŋtäreŋ imiŋkuk.
30 *Mat 17:5; Jon 1:1-3,18 Täŋpäkaŋ näk kadäni kadäni Anutu dubiniken epän täŋo watä äma ude oretoret terak itkaŋ bänep täga nadäŋ imiŋira täga nadäŋ namiŋkuk.
31 Bureni, kome päke u täŋpäŋ peŋkuko unita oretoret täŋkut, ba ämawebe täŋpäŋ yepmaŋkuko unita udegän gäripi nadäŋkut.