Nébo bẹ fuwaru kpokongu.

Mbụ lẹ ntẹkpe ẹphe ono

bụwa anụ, evu-iphe

yẹle eswi evuje iya.

Mbụ l'iphe o vu anyị
iya ntụmatu;

ẹge ono b'ọ bụru nwanụ,

ike gvụru, evu iya ivu era.

mbụ chịko futsuaru gọo.

Ọphu ẹphe 'adụdu ike

dzọ onwẹphe.

Ọ bụ ẹge ono; bẹ ẹphe nọ;

e vuru ẹphe laa alị ọdo.

mu phụ nchị;

unubẹ ọnu-ụlo Jékọpu;

mbụ l'ẹge unu ha phọdu

l'ọnu-ụlo Ízurẹlu;

mbụ unubẹ ndu ono,

mu shi keshinu a tsụtaru

ime unu hata ono;

mbụ mu ehekpelephu

unu keshinu a mụru unu.

mbụ jeye ẹwo efua unu l'ishi;

bẹ mu bụkpelekwaphu onye mu bụ;

mu bụkpelephu onye gude unu.

Ọ bụ mbẹdua meru unu;

bụru mu a-nọdu apa unu mini ishi-ọba.

Mu e-duta unu gude; dzọo unu ndzụ.

?Bụ onye bẹ unu a-sụ lẹ mu l'iya ha?

?Bụ onye bẹ unu a-sụ

l'ọ kwa onye dụ ẹge-a

b'ọ dụ t'a tụru yeru mu?

mkpọla-ododo l'ẹkpa ẹphe.

Ẹphe achịkoo mkpọla-ọcha

tụa l'iphe aatụje iphe.

Ẹphe eje ebuta onye ụzu

mkpọla-ododo t'ọ bya

egude iya kpụtaru ẹphe ntẹkpe.

A -kpụebetsua ya;

ẹphe awata ọbaru iya ẹja.

Ẹphe eje eworu iya gvube l'ọru iya.

Yọ bụru ẹke ono, e gvuberu

iya ono bẹ oo-gvuru.

Ọphu ọ bụdu l'oo-gbe

gbeshighe l'ẹke ono;

a -kpọ-ku iya; b'ẹ tọ zadụ.

To nwe iphe adzọ iya

l'iphe-ẹhuka iya.

emeje iphe Nchileke

sụru t'e b'e meshi ono;

unu nyatakwa iphe-a.

T'ọ nọdukwa unu l'obu!

T'ọ nọdukwa unu l'ọkpoma!

mehawaru nụ l'oge ọhazu.

Ọ kwa mbẹdua bụ Nchileke;

ẹ tọ dụhekwa onye ọdo.

Ọ kwa mbẹdua bụ Nchileke;

ẹ tọ dụhekwa onye ọdo,

dụ l'ọ bụ mu nọnu.

iphe a-bụru ikperazụ iphe.

Mu shi l'ede-nwede mee

t'a maru iphe e-mekochaa mee.

Iphe mu tuburu e-me;

Yọ bụru iphe mu vu l'obu e-me.

je ekua nwẹnu, erije anụ;

bya ejemihu ẹke teru ẹnya

je ekua onye e-me iphe mu tụberu.

Iphe mu kfuru bẹ mu e-me!

Iphe mu rịru arịri;

bẹ mu e-mekwa.

unubẹ ndu ọkpoma ono!

Mbụ unubẹ ndu ono,

nọru odobe-ẹka-ndoo
ote-ẹnya ono.

adụakwa ntse.

Ẹ to tehekwa ẹnya nshinu

teke mu a-dzọ unu.

Ẹ ta anọhedu anọno; yo rua.

Mbụ lẹ mu a-dzọ ndu bu
lẹ Ugvu Záyọnu;

woru akpabiri mu nụ ndu Ízurẹlu.”