13
No Kadalos Yapo do Gatos
1 Batahen pa ni ĀPO a Manakabalin do Tābo a kāna, “Do dāwrinchi a araw, maywangan anchiw akbod a nāw na moyog a para dyirad kapotōtan saya ni Dabid kan tawotawo saya a omyan do Jerosalem. Iyaw nya akbod, ki mangdalos sira do gatos da kan kalapos da.
2 “Do dāwrinchi a araw, abohen konchiw ngaran dan didyosen saw a yapo do dawri a tana a Joda tan apabanchiw makanakem so ngaran da. Paksyaten ko sanchiw sinan propīta saw kan ispirito no malapos. 3 An myan sanchiw magparang a propīta, batahen danchi no mismwaw a āmang kan ānang na a kon da, ‘Machita madiman ka, ta nangibahey kas bayataw do ngaran ni ĀPO.’ On, an mangipadto, ki siranchiw mismwaw a inyapwan naw, mangbagkong sya.*13:3 Deot. 13:6-10; 18:20
4 “Do dāwrinchi a araw, kāda propīta, ki iyasnek nanchiw parmata na a ipadto. Apabanchiw maylaylay so makersang a boboh†13:4 No “makersang a boboh a laylay,” ki yapo do lālat no animal. 2 Ār. 1:8; Mat. 3:4 a laylay no propīta tan makaallīlaw. 5 Basbāli a ilibak nanchi a kāna, ‘Propīta kwaba. Asa kwaw a homakahakaw, ta yapo pad kadēkey ko a nawriw paybibyayan ko.’ 6 As an myan anchiw mangyahes a kāna, ‘Na, āngo saw bigar‡13:6 Siraw propīta dan kadwan saya nasnasyon, ki tagatagahen daw mismo a inawan da. Leb. 19:28; Deot. 14:1; 1 Ār. 18:28 sayan barōkong mo?’ batahen nanchi a kāna, ‘Nahap kwaw do bahayaw no sīt ko saw.’ ”
No Nakadiman Magpaspastor kan Nakapaychawpit Dan Karniro
7 Nyaw batahen ni ĀPO a Manakabalin do Tābo a kāna,
“Mayokay ka, imo a ispāda, as kadarop mos magpaspastor kwaya
iyaw masingedaya dyaken!
Dimanen mo tan maychawpit saw karnirwaya.
Daropen ko sanchiw orbon a karniro.Ӥ13:7 Mat. 26:31; Mk. 14:27
8 Batahen pa ni ĀPO a kāna, “Do intīrwaw a tana,
dadwa anchi a apagkatlo a tawotawo madiman,
as asa dananchi a apagkatlo matokos.
9 Parahanen ko sanchi do apoy apagkatlwaw
tan madalosan sa a akmas kapanyīpowaw so pirak kan balitok.
Tawagan danchiw ngaran ko,
as kan atbayen ko sanchi.
Ibahey konchi a kon ko, ‘Sira, ki tawotawo ko,’
kan ibahey danchi a kon da, ‘Si ĀPO, ki Dyos namen.’ ”