1 Ʒi Esau, Edom hâcne, ere ɋâricfâc jaŋere ʒâŋe biri. 2 Esau e Kanaaŋ naru jaŋeraonec ŋonâŋ jahec â moc rocjopawec, moc Ada, Hitiŋic Eloŋ ere otâ, â moc Hiwiŋic Zibeoŋ ŋokâ‐ticne Ana ere otâ, ʒâŋene Oholibama, 3 erâ moc ine Isimaere otâ, ʒâŋene Basemata, Nebajotire seŋ. 4 Eme Adazi Elifaʒi rowec, Basematazi Reguele rowec 5 â Oholibama eki ine Jeusi, Jalam â Kora rocjopawec. Esaure ŋokâfâc iŋuc hâcne Kanaaŋ mâreŋko fuambiŋ.

6 Eme Esau e ŋonâŋfâcne mecne, naru motecfâcne mecne â ŋic ŋokac gâcne ficticnao jumbiŋ jaŋe mecne, erâ mafa wiac â lama bulimakao sasawa â wâcwiac‐ticne Kanaaŋ mâreŋko juhuc hure‐fârewec i rocjopa‐fârerâ ɋaticne Jakobo beherâ Seiri mâreŋko rawec. 7 Mafa wiac‐jekic bocjahare mâmâc jaha ŋec juc enicte manapire quŋkewec, erâ bulimakaofâc‐jekic guru sâkore mâreŋ jaba jupic izi mi sâcjopawec. 8 Esau, Edom hâcne, e iŋuc ehuc Seiri tiki mâreŋko ŋec juc ewec.

9 Ʒi ine Edomŋic Seiri tiki mâreŋko jurambiŋ jaŋere apa Esau ere ɋâricfâc. 10 Esau ŋokâfâcne jaŋere ʒâŋe biri ʒine hâcne: Elifaʒi e Esaure ŋonâŋ Ada ere ŋokâ, Reguele e Esaure ŋonâŋ Basemata ere ŋokâ. 11 Elifaʒire ŋokâfâc ine ʒiŋuc: Temaŋ, Omare, Ʒefo, Gatam â Kenaʒi. 12 Eme Elifaʒi, Esaure ŋokâ hâcne, ere ŋonâŋoc Timina eki Amaleke rowec. Esau ŋonâŋ‐ticne Ada ere ɋâricfâc ine hâcne. 13 Reguele ere ŋokâfâc ine ʒiŋuc: Nahati, Sera, Sama â Misa. I jaŋe hâcne Esaure ŋonâŋ Basematare ɋâricfâc. 14 Eme Zibeoŋte ŋokâ Ana ere otâ Oholibama e Esaure ŋonâŋ juweczi ŋokâ‐fâcne ʒiŋuc rocjopawec: Jeusi, Jalam â Kora.

15 Ʒi ine Esau ŋokâfâcne jaŋere ŋicwofuŋ. Esau mârâc ŋokâ‐ticne Elifaʒi ere ŋokâfâc hâcne: Temaŋnec ŋicwofuŋ, Omarenec ŋicwofuŋ, Ʒefonec ŋicwofuŋ, Kenaʒinec ŋicwofuŋ, 16 Koranec ŋicwofuŋ, Gatamnec ŋicwofuŋ erâ Amalekenec ŋicwofuŋ. Elifaʒiraonec ŋic izi hâcne Edom mâreŋko ŋicwofuŋ jumbiŋ. Erâ ŋic izia Ada ere ɋâricfâc. 17 Ʒi ine Esaure ŋokâ Reguele ere ŋokâfâc: Nahati ŋicwofuŋ, Sera ŋicwofuŋ, Sama ŋicwofuŋ, Misa ŋicwofuŋ. Reguele eraonec ŋic izi hâcne Edom mâreŋko ŋicwofuŋ jumbiŋ, erâ ŋic izia wâc Basemata ere ɋâricfâc. 18 Ʒi Esaure ŋonâŋ Oholibama ere ŋokâfâc: Jeusi ŋicwofuŋ, Jalam ŋicwofuŋ, Kora ŋicwofuŋ. Ŋic izi hâcne Esaure ŋonâŋ Oholibama, Anare otâ, eraonec fuarâ ŋicwofuŋ jumbiŋ. 19 Ŋic izi Esau, Edom hâcne, ere ŋokâfâc erâ jaŋere ŋicwofuŋ.

20 Ʒi ine Horiŋic, ʒâŋene Seiri ere ŋokâfâc â mâreŋ irec rune jâmbâŋ jaŋere ʒâŋe: Lotaŋ, Sobali, Zibeoŋ, Ana, 21 Disoŋ, Eʒere â Disaŋ. Ŋic izi hâcne Horiŋic jaŋere ŋicwofuŋ â Seiri ere ŋokâfâc Edom mâreŋko jumbiŋ. 22 Lotaŋ ŋokâ jahec‐ticne Hori â Hemaŋ, Lotaŋ seŋticne ine Timina. 23 Sobali ere ŋokâfâc ine ʒiŋuc: Aliwaŋ, Manahati, Ebali, Sefo â Onam. 24 Zibeoŋte ŋokâ jahec ine kecʒiŋuc: Aja â Ana. Ana ere fuŋne ine ʒiŋuc: E mamac‐ticne Zibeoŋ ere doŋgi soŋaŋ‐jopahuc mâreŋ tuhuo opâ ʒâŋe fârone moc bâfuawec. 25 Anare naru motec ine ʒiŋuc: Disoŋ â otâ‐ticne ʒâŋene Oholibama. 26 Disoŋte ŋokâfâc ine ʒiŋuc jumbiŋ: Hemidaŋ, Esibaŋ, Itiraŋ â Keraŋ. 27 Eʒere ere ŋokâfâc jumbiŋ ine kecʒiŋuc: Bilihaŋ, Sawaŋ â Akaŋ. 28 Disaŋ ŋokâ jahec‐ticne ʒiŋuc jupic: Uzi â Araŋ. 29 Horiŋic jaŋere ŋicwofuŋ ʒiŋuc hâcne jumbiŋ: Lotaŋnec ŋicwofuŋ, Sobalinec ŋicwofuŋ, Zibeoŋnec ŋicwofuŋ, Ananec ŋicwofuŋ. 30 Disaŋnec ŋicwofuŋ. Ŋic izi hâcne Horiŋic jaŋere ŋicwofuŋ mâreŋ ruckembiŋ sâc Seiri mâreŋko jumbiŋ.

31 Israe ŋic jaŋere ŋicwofuŋ moc mi fuarâ juha Edom mâreŋko ŋic kecʒiŋuc jaŋe ŋicwofuŋ gie bahuc jumbiŋ: 32 Beoro ere ŋokâ ʒâŋene Bela e Edomko ŋicwofuŋ juwec, hae qizec‐ticne ʒâŋene Diŋhaba. 33 Bela hâmome Sera, Bozera haeonec, ere ŋokâ Jobabezi tucticne qawec. 34 Jobabezi hâmome Husam, Temaŋ mâreŋkonec eki tucticne qawec. 35 Husamzi hâmome Hadadi, Bedadi ŋokâ‐ticne, eki tucticne qawec. Eki ine Midiaŋ ŋic Moabi mâreŋko jopawec. Hadadi hae qizec‐ticne ine Awiti. 36 Hadadizi hâmome Samala, Masarekaonec, eki tucticne qawec. 37 Samalazi hâmome Saulu, Rehoboti hae Eufrata opâo ŋewec, e irec runezi tucticne qawec. 38 Sauluzi hâmome Baali‐Hanaŋ, Akaboro ere ŋokâzi tucticne qawec. 39 Baali‐Hanaŋ, Akaboro ere ŋokâzi hâmome Hadarizi tucticne qawec. E hae qizec‐ticne ʒâŋene Pahu â ŋonâŋ‐ticne ʒâŋene Mehetabe. Mehetabe e ine Matirede ere otâ â Meʒahabare ŋosa.

40 Esaure ɋâricfâc ŋicwofuŋ jumbiŋ jaŋere ʒâŋe biri ine fufua â hae â ʒâŋe‐jeŋicte sâcko kecʒiŋuc fokac: Timina irec ŋicwofuŋ, Aliwanec ŋicwofuŋ, Jeteti irec ŋicwofuŋ, 41 Oholibamanec ŋicwofuŋ, Elanec ŋicwofuŋ, Pinoŋ irec ŋicwofuŋ, 42 Kenaʒi irec ŋicwofuŋ, Temaŋnec ŋicwofuŋ, Mibezare irec ŋicwofuŋ, 43 Magadeilenec ŋicwofuŋ erâ Iramnec ŋicwofuŋ. Ŋic i jaŋe hâcne mâreŋ rauckembiŋko jurambiŋ sâc Edom ŋicwofuŋ erâ jumbiŋ. Edomŋic jaŋere apa Esau, ere ɋâricfâc hâcne.