93
Anuture eri tatamac
1 Wofuŋ e guriŋ bapa; ʒai ʒonʒoŋzi ŋaqi‐ticne ekac.
Wofuŋ e ŋaqi heme huwec, erâ tâpiri jomawec.
E mâreŋ sâko mâreŋ keteŋkewec ŋekac;
qiriŋ moc mi qaocmu.
2 Eri ŋeŋegere hobeteŋ esecne râekicne;
go dameŋ tâmiricko juwaremeŋ.
3 O Wofuŋ, hâwec ʒâkâŋ jaŋe fânâŋkembiŋ,
hâwec ʒâkâŋ jaŋe fânâŋ sâko embiŋ,
hâwec ʒâkâŋ jaŋe fânâŋ hâhâwicne sâko eŋgopieŋ.
4 Opâ sârore tâpiri sirickekac,
hâwec sirire tâpiri sirickekac,
Wofuŋ faic jukac eki tâpiri wânʒâŋhec ekac.
5 Goki dâŋ musanaŋkemeŋ i fofo sanaŋ;
ficgere maqâreŋ i tirimoc;
o Wofuŋ, wiac i tofamâc foraʒihuc juocmu.