47
Mwe Fahkak Lun LEUM GOD Ke Acn Philistia
1 Meet liki tokosra lun Egypt el mweuni siti Gaza, LEUM GOD El kaskas nu sik ke acn Philistia.47:1–7; Isa 14:29–31; Ezk 25:15–17; Jol 3:4–8; Amo 1:6–8; Zep 2:4–7; Zec 9:5–7 2 El fahk:
“Liye! Kof ac fah lapak layen epang
Ac asrla oana soko infacl sronoti.
Ac fah afunla acn uh ac ma nukewa fac —
Siti uh ac elos su muta we.
Mwet uh ac fah wowoyak in sukok kasru;
Mwet nukewa fin faclu fah arulana tung.
3 Elos fah lohng kusen kihmkim lun falken horse uh,
Ac pusren kasrusr lun chariot,
Ac erarrar lun wheel uh.
Papa uh ac fah tia folokla in srukak tulik natulos,
Mweyen paolos munasla ac atla siskalos.
4 Pacl in kunausla acn Philistia summa,
Kain in kasru nukewa
Ac fah wotla liki acn Tyre ac Sidon.
Nga, LEUM GOD, fah kunausla mwet Philistia,
Elos nukewa su tuku liki weacn Crete.*Crete: pa inge ine sasu ke acn Caphtor.
5 Asor lulap sun tari mwet Gaza,
Ac mwet Ashkelon elos misla tia kas.
Mwet lula Philistia elos ac mwemelil nwe ngac?
6 Kowos wowoyak ac fahk, “Cutlass nutin LEUM GOD!
Kom ac uni mwet uh nwe ngac?
Isongkomyang nu in mwe nuk lom an
Ac mongla loac!’
7 Tusruktu el ac mongla fuka
Ke nga sang tari orekma se kunal?
Nga sapkin nu sel elan mweuni Ashkelon
Ac mwet su muta weacn uh.”
47:1 47:1–7; Isa 14:29–31; Ezk 25:15–17; Jol 3:4–8; Amo 1:6–8; Zep 2:4–7; Zec 9:5–7
*47:4 Crete: pa inge ine sasu ke acn Caphtor.