1  2 Kor 8:1-7Kan tumtumus melet mo torom mot una pinapam na warut torom a taro anun o God sapat o Jerusalem. 2 Uni a sa tasmani lena, mot gas sur mot in pam a pinapam ri. A warango mot, ra mot kis tiro una papor Akaia, torom a taro tong una papor Masedonia. Ra a inanos det lena, una kilalo ra i rop, mot sa waninar sur mot in pitar ru anumot a mani. Ma anumot a gasgas sur a etabor, i ukatutur a nuknukin a susut na taro Masedonia sur det kai, det in etabor. 3 A nemi sur mot in waninar, elar nami ra a sa watung tari tandet, sako det in tama i lena, anung a wasiso ra a warango tar mot nami ken lingmulus. Iri a kibino ra an tulu ru a tulu tistisi met ri torom mot. 4 Ra an nanpat torom mot tomo nam lako taro tagitiro o Masedonia, ra det in tama i lena, ka mot waninar, met in maimai una nung a kum wasiso, ra a sa watung tari, ma mot kai mot in maimai doko. 5 Iri a kibino ra an tulu mugu ru a tulu musano ri utiro, ma detul in warut mot sur mot in waninar a etabor ra mot sa liliman taru sur mot in pitari. Ra mot sa waninar mugu tar anumot a etabor, in elar ut nama etabor mulus, ma ken elar nama utna ra di ungongos pasi kut gusun mot.

6  Snd 11:24-25Mot in nuk pasi, osi ra i marut a lilik, in pasong pasi utkai a lilik. Ma osi ra i marut a susut, in pasong pasi utkai a susut. 7 Mot taktakai, mot in pitari kut a utna ra mot sa nuki lena, mot nem na pitari. Ma gong mot pitar a utna ra ka mot gas sur mot in pitari, ma gong mot etabor uni di ungongos tar mot kut. Uni o God i nem det ra det etabor nama gasgas. 8 O God i pet lar pasi sur in tabor mot nama kum utna rop ra mot sibo suri, ma in tabor mot nama utna ra i susut taun a utna ra mot sibo suri. Ma una kum bung rop, mot in utur ukai a kum utna kai, sur mot in pam a kum wakak na pinapam nami. 9 I elar nami ra di sa tumus tari una Buk Tabu lenri,

12 A pinapam na warut ri mot pami, ke waruti kut a taro anun o God nama utna ra det sibo suri, i pam pati utkai a watung wakak torom o God tan a susut na taro. 13 A pinapam ri mot pami, i upuaso a wakak na magiramot. Ma a susut na taro det in watung ulabo pas o God, uni anumot a nurnur una Wakak na Wasiso un o Karisito, i pam pati kai a petutna na mur wasiso. Ma det in watung ulabo pas o God, una numot a wakak na petutna ra mot tabor det, ma a taro gisen kai. 14 Det in wararing sur mot, ma det in nem doko mot, uni o God i ese anun a labino marmaris torom mot. 15 Dat in watung wakak sakit torom o God, una nun a labino etabor, ra kataio in watung palos lar pasi.