1 O God i maris met ra i pitar tar a pinapam ri tamet. Iri a kibino ra ka met tusako. 2  2 Kor 2:17; 1 Tes 2:5Met sa mana gusun a kum sakino petutna ra di ser pam eno i, ma di ser maimai nami. Ka met papam nama torotoro, ma ka met palos raro a wasiso anun o God, awu. Met palos talapor a lingmulus na wasiso torom a taro, sur det in tasman lele i ut una nuknukin det lena, met watung a lingmulusino umatan o God. 3 Ma a Wakak na Wasiso ri, ra met ser wasiso puaso uni, ra in parau, in parau kut torom det ra det wan sur a iniru. 4  Ep 2:2; Kol 1:15; Ibr 1:3O Satan, a god taginin una rakrakon bual, i sa upulu pas a nuknukin a taro ra ka det nurnur, sur ka det in tama a talapor ina Wakak na Wasiso ra i upuaso a minamar anun o Karisito, i ra a malalarin o God. 5 Ka met ser wasiso un met ut, met wasiso puaso kut un o Iesu Karisito lena, i a Labino. Ma met anumot a kum tultul kut, kibino una itula anun o Iesu. 6  Stat 1:3; Ais 9:2; 2 Kor 3:18Numugu utmakai, o God i watungi lena, “A talapor in sisio pat una dumirum.” Ra uniri, o God i sa ukis anun a talapor una nuknukin dat sur in sisio, sur dat in tasman a minamarin o God, ra di tama i umasarin o Karisito.

7  2 Kor 5:1A talapor ri, ra kuri un met, i a utna ra i wakak ma i labo doko. Ikut, met elar nama kum kuro oros kut ra di pami nama piso, sur in ese i lena, a labino dekdek ra kuri un met, tan o God ut, awu sur tagun met. 8  2 Kor 1:8; 7:5Met barato a kum mamaut una kum papori met rop, ikut ke ban laulau ru met. A susut na utna i utalara a nuknuki met, ikut ka met mana. 9 A taro det ukadik met, ikut o God i kis ut tomo nam met. Det um met, ikut ka det um doko ru met. 10-11  Rom 8:36; 1 Kor 15:31Ra met laun a minat i milau kut, uni met papam torom o Iesu. Una kum bung rop, met ese a minat anun o Iesu una pinimet, sur a taro det in tama i kai, a nilaun anun o Iesu un met. 12 I mo ra a minat i papam un met, ikut a nilaun i papam un mot.

13  1 Kor 6:14Di sa tumus tari una Buk Tabu lena, “A wasiso, uni a nurnur.” Sng 116:10

16  Ep 3:16Iri a kibino ra ka met tusako. I kis pirso nanan a pinimet, ikut di umatok a niomet una kum bung rop. 17  Rom 8:17-18A kum mamaut ra met taramo det, ka det labo ma ka det in kis suano i, ikut det warut met, sur met in rakon pas a wakak na kinkinis una minamar, ra ken rop. A minamar ra, i labo sakit taun a kum mamaut ra met taramo i. 18  Kol 1:16Ka met nuk a kum utna ra di tama i, met nuki kut a kum utna ra ka di tama i. Uni a kum utna ra di tama i, ka det in kis suano i, ikut a kum utna ra ka di tama i, det in kis tukum.