1 Una bung ra, ara taro det inanos o Iesu un ara taro Galili ra a kum tene inaim anun o Pailat det um doko det, ra kura ut det tun a etabor torom o God. 2  Jn 9:2O Iesu i balu det lena, “Pepetlai, mot nuki lena, det a kum tene sakino doko taun a taro Galili rop, uni det iru lenra? 3 Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.

4 “Ma asau mo mot nuki una noino ma tiwal na taro sapat o Jerusalem ra a rumu lekeleke tiro o Siloam i toropo ma i um doko rop ru det? Pepetlai, det a kum tene sakino doko taun det rop ra det kis sapat o Jerusalem? 5 Awu! Ikut an inanos mot, ra ka mot in nukpukus gusun anumot a kum sakino petutna, mot kai mot in iru rop.”

6 Numur o Iesu i watung a wasiso elelar ri torom det, “Ara musano anunu in nanai na fig i tur epotor una ana kinobot na wain. I wan ra i tamtama sur lako wino, ikut kalako wino. 7  Lk 3:9Numur i inanos a tene tamtamabat tagun a kinobot ra lena, ‘Una tulu kilalo ri a tamtama sur lako win in nanai na fig ri ma kalako. Un tau ru i! Uni i urop a inangon tagun a piso.’ 8  2 Pit 3:9, 15Ikut a tene tamtamabat ra i balu i lena, ‘Labino, un madek tari munung ara kilalo melet ri, sur an kil talilis in kibino, ma an ubek a wakak na piso uni. 9 Ra in wu una kilalo sapat, in wakak. Ra awu, un tau ru i mo.’ ”

10 Un ara Bung na Sabat o Iesu i ususer a taro un ara rumu na lotu. 11 Ara ino kura iai, a laulau na nion kura uni. In surunu i tulukun a noino ma tiwal na kilalo, ma ke tur tokodos lar pas. 12 O Iesu i tama i, ma i watungi toromi lena, “Le, u sa langolango gusun anum a misait.” 13 Ra o Iesu i ubek tar aru lamano sapat netes uni, uniutra i tur tokodos mut, ra i watung ulabo pas o God.

14  Kis 20:9-10; Lo 5:13-14A mugumugu tagun a rumu na lotu i kankan, uni o Iesu i ulangolango pas a ino ra una Bung na Sabat. Ra i watungi tan a taro lena, “A wonom na bung kura sur din papam. Mot in nan urin una kum bung ra, sur din ulangolango pas mot, ma una Bung na Sabat gong.” 15  Lk 14:5A Labino i balu i lena, “Mot a kum tene torotoro! Mot rop arara, mot ser palos ru anumot a kum bulumakau ma a kum dongki gusun anundet a kum rumu, ra mot ben pirso det una Bung na Sabat sur det in inum. 16 A ino ri, tagun a kabotaro anun o Abaram, o Satan i kerker tari a noino ma tiwal na kilalo. Ilai ra ka din palos a kineker ri gusuni una Bung na Sabat?” 17 Ra i sa watung tari lenri tandet, det rop ra det pukus a pinapam anun o Iesu, det maimai, ikut a kunur na taro det gas una kum wakak na utna ra o Iesu i pami.

18 O Iesu i iting lena, “A matanitu anun o God i elar nama sau? Asau an elaro i nami? 19 I elar namin pitino mastad, ra ara musano i los pasi, ma i marut tari una nun a kinobot. I lubung, ra in nanai ino i labo pat, ma a kum piko det ser pam pios una kum kanokano.”

20 O Iesu i iting melet lena, “Asau kai an elaro a matanitu anun o God nami? 21 I elar nama is ra ara ino i rakon pasi ma i pam tomo tari nama labino palawa, ra a palawa rop i mubus nami.”

22 Ra o Iesu i wan nanan usapat o Jerusalem, i ususer a taro una kum lamlabino tamon ma una kum natnat na tamon. 23 Ara i ting o Iesu lena, “Labino, pepetlai, a pak na taro kut din ulaun pas det?” Ra i watungi tandet lena, 24 “Mot in dekdek sur mot in ruk una nat na matansako lik, uni a susut na taro det in lari sur det in ruk uni, ikut ka det in pet lar pasi. 25  Mt 25:10-12A taman a rumu in tur ra in tagar bat a matansako, ma mot in tur nago upiso, mot in pinpidik ma mot in watungi lena, ‘Labino, un papos pas met.’ In watungi kut tamot lena, ‘Ka tasman mot ma tagai mot.’ 26 Numur mot in watungi tano lena, ‘Met ser wangon ma met ser inum tomo nam ui, ma u ser towo met una numet a kum nubual na inawan tomo.’ 27  Sng 6:8Ikut in balu mot lena, ‘Ka tasman mot ma tagai mot. Mot a kum tene sakino, mot in nan gisen gusun iau.’ 28  Mt 8:11-12Ra mot in tama o Abaram, o Aisak ma o Jekop ma a kum poropet rop una matanitu anun o God, mot in tangtangis, ma mot in ungingit lokomot iai. Ikut din lu pirso ru mot. 29  Sng 107:3Ma a taro tagun a wat na matmatano wuwu det in nanpat, ma det in kis una lukaro una matanitu anun o God. 30  Mt 19:30Tama i, ara taro ra det mur uniri, numur det in mugu, ma ara taro ra det mugu uniri, numur det in mur.”

31 Una du bung ra, a kum Parisi det wanpat, ma det watungi tan o Iesu lena, “Un nan taginin ma un nan sur tu tamon gisen, uni o Erod i nem na um doko ui.” 32 O Iesu i balu det lena, “Mot in nan ma mot in inanos a lomlom na pap ra lenri, uniri ma markan an lakro ru a kum laulau na nion ma an ulangolango a taro, ma a tulu bung nami an urop anung a pinapam. 33 An nan uniri ma markan ma a bung palu kai, uni katu poropet in iru un tu tamon gisen, sapat ut o Jerusalem.

34 “Jerusalem, Jerusalem, ui ra u ser um doko a kum poropet, ma det ra di tulu ru det torom ui, u duku doko ru det kut nama watat. A susut na dino a nem na ben tomo a kum nutnutum, elar nama kereke ra i rakup bat tomo a kum nutnutunu utuntudu ina ru mebene, ikut ka mot nemi. 35 Tama i! O God i sa wan gusun anumot a tamon. A inanos mot, ka mot in tama melet iau mo, tuk una bung ra mot in watungi lena, ‘O naro ra i wanpat nama risan a Labino i dan.’ ” Sng 118:26