7
Di ukinalong ara mar ma wat na noino ma wat na arip na taro
1 Jer 49:36; Dan 7:2Numur tan a kum utna ri, a tama pas a wat na ensel det tur una wat na matmatano wuwu una rakrakon bual. Det pam bat pas a wat na matmatano wuwu sur gong det wup a bual, a tasi, ma a kum duwai. 2 A tama pas ara ensel bulung i wanpat tagun a matmatano tobar, i pam pas a ukinalong anun o God, ra i laun. I kakabo namin labino walngano torom a wat na ensel ra di sa pitar tar a dekdek tandet sur det in ban laulau a bual ma a tasi. 3 Ese 9:4, 6; Tam 9:4I watungi lena, “Gong mot ban laulau a bual, a tasi ma a kum duwai, tuk ra met sa ubek tar a ukinalong una kum masarin a kum tultul anun anundat a God.” 4 Tam 14:1, 3A longoro a nilulukin det ra di sa ukinalong tar det. Det ara mar ma wat na noino ma wat na arip tagun a kum kamkabo taro Israel rop.
5 Di sa ukinalong tar a noino ma aru arip tagun a kabotaro anun o Juda,
a noino ma aru arip tagun a kabotaro anun o Ruben,
a noino ma aru arip tagun a kabotaro anun o Gat,
6 a noino ma aru arip tagun a kabotaro anun o Aser,
a noino ma aru arip tagun a kabotaro anun o Naptali,
a noino ma aru arip tagun a kabotaro anun o Manase,
7 a noino ma aru arip tagun a kabotaro anun o Simion,
a noino ma aru arip tagun a kabotaro anun o Liwai,
a noino ma aru arip tagun a kabotaro anun o Isakar,
8 a noino ma aru arip tagun a kabotaro anun o Sebulon,
a noino ma aru arip tagun a kabotaro anun o Josep,
a noino ma aru arip tagun a kabotaro anun o Benjamin.
A kunur na taro det lotu torom o God
9 Numur tan a kum utna ri, a tamtama, ma a tama pas a labino kunur na taro, ra kataio in luk lar pas det. A taro tagun a kum gapman rop, tagun a kum kamkabo taro rop, tagun a kum tamon rop ma tagun a wur ngas na wasiso rop, det tur sa numugu tan a kiskis na king ma a Barman na Sipsip. Det emar nama kum kabang na malu, ma det pam a kum dono baibai. 10 Tam 4:10Det kukukuk nama kum labino walngandet lena,
“Anundat a God,
ra i kis una kiskis na king,
ma a Barman na Sipsip,
der pam ukai a dekdek sur der in ulaun a taro.”
11 A kum ensel rop det tur talilis pas a kiskis na king ma a kum mugumugu ma a wat na utna ra det laun. Det puku na urur nama matandet unago upiso numugu tan a kiskis na king, ma det lotu torom o God, 12 Tam 5:12det watungi lena,
“Amen!
Din watung ulabo pas anundat a God, din watung wakak toromi, ma din ru i.
I utur ukai a minamar, a mananos, ma a dekdek,
ken rop, ma ken rop.
Amen!”
13 Ra ara tagun a kum mugumugu i ting iau lena, “Osi det ri det emar nama kum kabang na malu, ma det wan tagai?” 14 Dan 12:1; Mt 24:21A balu i lena, “Labino, ui ut u tasmani.” Ra i watungi tang lena, “Det ri, a taro ra det sa laun sikot tagun a labino ngunungut ra i monong det, ma det sa gos kamkabang pas anundet a kum malu nama gapin a Barman na Sipsip. 15 I mo ra,
det ser tur sa numugu tan a kiskis na king anun o God,
det papam toromi una nun a rumu na etabor
una kum mirum ma a waspi.
Ma o naro ra i kis una kiskis na king in pulus bat det nam anun a rumu na sel sur det in kis tomo nami.
16 Ais 49:10Ka det in murak,
ma ka det in muruk melet mo.
In matanas ken sa det,
ma katu utna ra i mararong doko kai in tun det.
17 Sng 23:2; Ais 25:8; Tam 21:4Uni a Barman na Sipsip ra i kis epotor una kiskis na king, i anundet a tene tamtamabat.
In mugu det sur a kum matmatano danim na nilaun.
Ma o God in wus ru a kum lurlur na matandet rop.”