1  Ais 65:17; 2 Pit 3:13Numur a tama a matok na langit ma a matok na rakrakon bual, uni a mugano langit ma a mugano rakrakon bual der sa rorom, ma kalako tasi mo. 2  Ais 52:1; 61:10; Ibr 11:16; 12:22; Tam 3:12Ma a tama a matok na Jerusalem, a tamon anun o God, i wan pirso tagisapat una langit tan o God. Di sa waninar tari elar nami ra di sa mar wakak tar a toraro na ino sur anun a musano, sur der in nolin. 3  Wkp 26:11, 12; Ese 37:27; Sek 2:10; 2 Kor 6:16Ma a longoro in labino walngan ara tagisapat una kiskis na king i watungi lena, “Tama i, a tamon anun o God i sa kis torom a taro, ma i ut in kis tomo nam det. Ma det anun a taro, o God in kis tomo nam det, ma i ut a God anundet. 4  Ais 35:10; 65:19; Tam 7:17Ma in wus ru a lurlur na matandet rop. Katu minat melet mo, kalako tupunuk, kalako tinangis ma kalako ngunungut mo, uni a kum utna tagun numugu det sa rorom.”

5  2 Kor 5:17Ma o naro ra i kis una kiskis na king i watungi lena, “Tama i, uniri a umatok a kum utna rop!” Ma i watungi kai lena, “Un tumus ukai a kum wasiso ri, uni a kum wasiso ri det lingmulus ma i topasi sur din nurnur uni.” 6  Ais 55:1; Jer 2:13; Jn 7:37; Tam 1:8, 17; 22:17Ma i watungi tang lena, “I sa rop! Iau a Alpa ma a Omega, a turturkibino ma a ururopino. Osi ra i muruk an inumi nama danim tagun a matmatano danim, a danim na nilaun, ra ken kuli. 7  2 Sml 7:14; Sng 89:26-27Osi ra i winim pas a inaim, in rakon pas a kum utna rop ri, ma iau an God anunu, ma i o nutunglik.

8  Mt 25:41; Ibr 10:38-39; Tam 20:15; 22:15“A kum tene nginara, ma det ra ka det nurnur, ma det ra anundet a petutna i dur, ma a kum tene um doko a taro, ma det ra det pam a kum petutna na pamuk, a kum tene sangsagor, a kum tene lotu torom a kum torotoro na god, ma a kum tene torotoro rop, anundet a nubual, in labino tung na sungun ma a salfa. Iri a manru na minat.”

9 Ara tagun a wonom mawit na ensel, ra det pam a wonom mawit na dis ra i bukus nama wonom mawit na ururop na ukadik, i wanpat ma i watungi tang lena, “Wan urin, an ese tar ui una matok na nolin, a ino anun a Barman na Sipsip.” 10  Ese 40:2A bukus nama Tokodos na Nion, ma a ensel ra, i los tito pas iau usapat una labino tangai ra i tur sakit usapat netes. Ma i ese tar iau un o Jerusalem, a tamon anun o God, i wan pirso tagisapat una langit tan o God. 11  Ais 60:1-2, 19I talapor nama minamarin o God, a talaporino i pilpil elar nama wat ra matano i ka doko, di watungi nama jaspa, i talapor elar nama galas. 12  Ese 48:30-35In labino woro ino i tur sakit usapat netes, ma a noino ma aru matansako ino, ma a noino ma aru ensel det tur nisan a noino ma aru matansako. Ma una kum matansako ra, di sa tumus tar a kum risan a noino ma aru kabotaro Israel. 13 A tulu matansako detul tamtama sur a nubual ra in matanas i wanpat iai, a tul una matmatano lubur, a tul una matmatano tobar, ma a tul detul tamtama sur a nubual ra in matanas i sup iai. 14 In kibin noworo ina tamon ra, di pami nama noino ma aru wat. Ma una kum watat ra, di sa tumus tar a risan a noino ma aru aposel anun a Barman na Sipsip.

15  Ese 40:3; Tam 11:1Ma ara ensel ra mir wasiso, i pam pas in nanai ra di pami nama gol, ra di ser mak a kum utna nami, sur in mak a tamon Jerusalem nami, ma in maki kai a kum matansako ino, ma in noworo ino. 16 A tamon ra, a wat na paporino, det elar rop kut. A walosino ma a perere ino der elar kut. Ra i mak a tamon nama nun in nanai, i elar nam a noino ma aru arip na stadia* A noino ma aru stadia i elar nam aru arip ma aru mar na kilomita. a walosino, a perere ino ma a lekeleke ino, detul elar rop kut. 17 A ensel i mak a but ina in noworo, i elar nama ara mar ma a wat na noino ma wat na kubit† Ara mar ma a wat na noino ma wat na kubit i elar nama tulu noino ma a tulu sinanga.. I maki nama mak ra a taro det ser mak nami.

18  Ais 54:11-12In noworo di pami nama jaspa, a wat ra i bulu ma i grin, ma a tamon di pami nama gol rop kut, ra i talapor doko elar nama galas. 19 Ma a kum kibin a kum papor woro ina tamon ra, di mar det nama kum ngas na watat rop ra matandet i ka doko. A mugano di pami nama jaspa, a manru nami a sapaia, a bulu na wat, a mantul nami a aget, a grin na wat, ma a manwat nami a emeral, a grin na wat, 20 a manlimo nami a sadonik, a wat i kabang ma i merek, a wonom nami a konilian, a merek na wat, a wonom mawit a krisolit, a lupu na wat, a tiwal nami a beril, a grin na wat, a lisu nami a topas, a lupu na wat, a noino nami a krisopras, a grin na wat, a noino ma ara nami a jakin, a bulu na wat, ma a noino ma aru nami a ametis, a merek na wat. 21 A noino ma aru matansako, det ra, a noino ma aru wat tagitiro ubalan a kabokabol, ra a matandet i ka. Ara matansako ara wat. A kisapi ina tamon, di pami nama gol rop kut, i tamtama talapor elar nama galas.

22 Ka tama tu rumu na etabor una tamon ra, uni a Labino o God, i ra i dekdek sakit, ma a Barman na Sipsip, der ut ra a rumu na etabor una tamon ra. 23  Ais 60:19-20; Tam 22:5A tamon ra ke sibo sur in matanas ma a kalang sur der in utalapori, uni a minamarin o God ut i utalapori, ma a Barman na Sipsip i ut ra a lam taguni. 24  Ais 60:3, 5A taro tagun a kum gapman rop det in nanan una talaporino, ma a kum king anun a rakrakon bual det in los ruk anundet a kum minamar usapat uni. 25  Ais 60:11Katu bung melet mo ra a kum matansako det in tagar, uni ken mirum melet mo. 26 A taro tagun a kum gapman rop det in los ruk anundet a kum utna na ululeng, ma anundet a kum minamar usapat uni. 27  Ais 52:1; Ese 44:9; 1 Kor 6:9-10Katu dur na utna melet mo in ruk usapat uni, ma kataio ra i ser pam a kum utna na maimai, ma kataio kai ra i ser toro. Det ra di sa tumus tar a risandet una buk na nilaun anun a Barman na Sipsip, det kut det in ruk.