11
Aru tene wasiso puaso
1 Ese 40:3; Sek 2:1-2Di pitar tar in kakaul tang, elar namin nanai ra di ser mak nami, ma di inanos iau lena, “Un nan ma un mak a rumu na etabor anun o God, ma a kabulu na tuntun etabor, ma un luk det ra det ser lotu tiro iai. 2 Lk 21:24; Tam 13:5Ikut un madek ru a dino nago upiso nisan a rumu na etabor, gong u maki. Uni di sa pitar tari torom a taro ra awu sur a taro anun o God, ra det in pas tataun a tamon anun o God elar nama wat na noino ma aru kalang. 3 Ma an pitar tar a dekdek tan anung aru tene wasiso puaso un iau. Der in emar namin namalu na tobo, ma der in wasiso na poropet pas ara arip ma aru mar ma wonom na noino bung.”
4 Sek 4:3, 11-14Aru tene wasiso puaso ri, der arin nanai na oliw ma aru turtur na lam, ra der tur umatan a Labino anun a rakrakon bual. 5 2 Sml 22:9; Sng 97:3Ra taio i nemi sur in ban laulau der, a sungun in nanpat tagun a wander ma in tun ru anunder a kum ebar. Ra taio i nem na ban laulau der in iru lenra. 6 1 Kin 17:1; Kis 7:17-20; 1 Sml 4:8Aru musano ri der utur ukai a dekdek, sur der in turbat a bakut, sur gong a bato i puku una du bung ra der wasiso na poropet. Der utur ukai a dekdek, sur der in keles a kum danim sur a gap, ma der in rapus a rakrakon bual nama wur ngas na ukadik rop, una iso du bung ra der nemi.
7 Dan 7:21; Tam 12:17; 13:7; 17:8Ra der sa urop ru anunder a wasiso puaso, a kuabor na wewegua ra in nan toto gusun in labino tung ra katu tuktukino, in waim tomo nam der. In winim pas der ma in um doko ru der. 8 Lk 13:34Ma a minatinder in inep kut una kisapi ina labino tamon di watung larlari nam o Sodom ma o Ijip, a tamon ra di sak wati kai anunder a Labino iai. 9 Ma a taro tagun a kum tamon rop, tagun a kum kamkabo taro rop, tagun a wur ngas na wasiso rop, ma tagun a kum gapman rop, det in tama a minatin der a tulu bung ma a kukur, ma ka det in mulaot sur din por der. 10 Ma a taro tagun a rakrakon bual det in gas kut un asau ra di pami un der, det in ese anundet a gasgas nama etabor etetalai torom det, uni aru poropet ri der ukadik a taro una rakrakon bual.
11 Ese 37:5, 10Ikut numur tan a tulu bung ma a kukur, o God i wup tar a wuwu na nilaun un der. Ra der laun ma der tur, ma a labino nginara i los det ra det tama der. 12 2 Kin 2:11Ra der longoro in labino walngan ara tagisapat una langit i watungi lena, “Mur in nan toto urin.” Ma der wan toto una bakut usapat una langit, ma anunder a kum ebar det tama der.
13 Tam 6:12; 16:18Una du bung ut ra, a labino guri i wanpat. Ma ara kukur tagun ara noino dino tagun a labino tamon ra i terege. A wonom mawit na arip na taro det mat, ma det ra det laun sikot det ngara doko, ma det watung ulabo pas o God ra i kis sapat una langit.
14 Tam 9:12A manru na ukadik i sa rop. A mantul na ukadik milau in nanpat.
A ururop nin tuwuru
15 Kis 15:18; Sng 10:16; Dan 2:44; 7:14A ururop tagun a wonom mawit na ensel i wup anun in tuwuru, ra a susut na labino walngan a taro sapat una langit det watungi lena,
“A gapman tagun a rakrakon bual i sa tupukus sur a matanitu mo anun anundat a Labino ma anun o Karisito. O Karisito anun a Labino.
Ma anundat a Labino in kis na king tukum, ken rop ma ken rop.”
16 Aru noino ma wat na mugumugu ra det kis una anundet a kum kiskis na king sa numugu tan o God, det puku nama urur, a masarindet unago upiso, ma det lotu torom o God. 17 Det watungi lena,
“Labino o God u dekdek sakit,
u laun numugu ma u laun uniri.
Met watung wakak torom ui,
uni, una labino dekdekim,
u sa turpasi sur un kis una num a kinkinis na king.
18 Sng 110:5; Rom 2:5; Tam 20:11-13; Sng 115:13A kum gapman gisen det kankan,
ma anum a kankan kai i sa wanpat.
A du bung i sa wanpat sur un warkurai det ra det sa mat,
ma sur un pitar a ikul torom anum a kum tultul a kum poropet,
ma anum a taro, det ra det urur una risam,
a kum lamlabino ma det ra ka di ulabo pas det,
ma un kamar ru det ra det ban laulau a rakrakon bual.”
19 Ibr 9:4; Tam 8:5; 15:5; 16:21Ra a rumu na etabor anun o God sapat una langit i papos, ma ubalan anun a rumu na etabor di tama anun a boks na kunubus. Ma in nememe, a rurung, a pungpugur, a guri, ma a labino bato na ais det wanpat.
11:1: Ese 40:3; Sek 2:1-2
11:4: Sek 4:3, 11-14
11:5: 2 Sml 22:9; Sng 97:3
11:6: 1 Kin 17:1; Kis 7:17-20; 1 Sml 4:8
11:7: Dan 7:21; Tam 12:17; 13:7; 17:8
11:11: Ese 37:5, 10
11:12: 2 Kin 2:11
11:15: Kis 15:18; Sng 10:16; Dan 2:44; 7:14
11:18: Sng 110:5; Rom 2:5; Tam 20:11-13; Sng 115:13
11:19: Ibr 9:4; Tam 8:5; 15:5; 16:21