1  Tam 4:6; 5:1A tama i ra a Barman na Sipsip i papok ru a mugano bulit tagun a wonom mawit na bulit kura una buk. A longoro ara tagun a wat na utna ra det laun, i kakabo namin nalngano ra i elar nama pungpugur lena, “Wan urin!” 2  Sek 1:8; 6:1-6Ra a tamtama, a tama pas a kabang na os kusa numugu tang. Ma o naro ra i kis netes uni, i pam pas in bonara na inaim, ma di pitar a kukup na king tano. I wan elar nam o naro ra i sa winim pas a inaim, ma i wan sur in winim melet pas a inaim.

3 Ra a Barman na Sipsip i papok ru a manru na bulit, a longoro a manru na utna ra i laun, i watungi lena, “Wan urin!” 4 Ara os bulung i wanpat i merek doko. Ma o naro ra i kis netes uni, di pitar a dekdek tano sur in rakon ru a malmal tagun a rakrakon bual, ma sur a taro det in um doko etetalai det. Ma di pitar in labino totok na inaim tano.

5 Ra a Barman na Sipsip i papok ru a mantul na bulit, a longoro a mantul na utna ra i laun, i watungi lena, “Wan urin!” Ra a tamtama, a tama pas a mirum na os sa numugu tang. Ma o naro ra i kis netes uni, i pam pas a sikel una lamano. 6 A longoro ara utna i elar namin nalngan ara, epotor nisan a wat na utna ra det laun, i watungi lena, “A matan a utna in ka doko. Din kul ara kilogrem na wit nam ara denaria,* Ara denaria i elar nama ikul anun ara musano una ara bung na pinapam. ma din kul a tulu kilogrem na bali† A wit ma a bali der lubung elar namin nere. Di pam a palawa tagun a winder. A wit i wakak taun a bali. kai nam ara denaria. Ikut gong u ban laulau a kum duwai na oliw ma a wain, sako a matander kai in ka doko.”

7 Ra a Barman na Sipsip i papok ru a manwat na bulit, a longoro in nalngan a manwat na utna ra i laun, i watungi lena, “Wan urin!” 8  Jer 15:1-3; Ese 5:12, 17; 14:21Ra a tamtama, a tama pas a kubus na os sa numugu tang. Ma o naro ra i kis netes uni, a risano A Minat. O Edes, a tamon anundet ra det mat, i mur milau nanan tano. Di pitar tar a dekdek tander, sur der in um doko ara kukur tagun a wat na dino tagun a taro nin una rakrakon bual. Der in um doko det namin totok na inaim, ma una munurak, ma una kum laulau na misait, ma kum lomlom na wewegua kai tagun a rakrakon bual.

9 Ra a Barman na Sipsip i papok ru a manlimo na bulit, a tama a nion a taro ra di sa um doko tar det, uni det mur sot pas a wasiso anun o God ma det wasiso talapor nami. A tama det utuntudu ina kabulu na tuntun etabor. 10 Det kukukuk nama kum labino walngandet lena, “A Labino Tadaru, ui u tasur ma u lingmulus. Nangisin mo un warkurai det ra det kis una rakrakon bual, ma un balu det uni det um doko met?” 11  Tam 7:9, 13; 19:14Ra di pitar tar a kum kabang na malu tandet taktakai. Ma di inanos det lena, det in kis lilik melet pas, tuk ra din um doko det kai, ra det papam tomo nam det una Wakak na Wasiso, ma a kum tistisin det una nurnur. Din um doko det elar nami ra di sa um doko mugu tar det, tuk a nilulukin det in sot.

12  Mt 24:29; Ap 2:20; Tam 8:12; 11:13; 16:18A tama a Barman na Sipsip i papok ru a manwonom na bulit. A labino guri i gunugunu dekdek doko, in matanas i dumirum mukut elar namin mirum na malu na tobo ra di pami nama iwu na meme, ma a kalang i merek elar nama gap. 13  Ais 34:4Ma a kum nangnang sapat netes una maino det puku pirso una rakrakon bual, elar nama kum golono wino fig ra det puku pirso una dekdek na wuwu ra i wup ru det tagun in nanai ino. 14  Tam 16:20Ma a bakut kai i rorom kut elar nama bat ra di puli. Ma a kum tangai ma a kum ailan det karkarai gusun a kum kinandet.

15  Ais 2:10, 19, 21Ra a kum king tagun a rakrakon bual ma a kum lamlabino mugumugu, a kum mugumugu anun a kum tene inaim, a kum tene ululeng, a kum tene dekdek, a kum tene ititula ma det ra awu sur a kum tene ititula, det rop det parau una kum mato na wat, ma epotor tan a kum lamlabino watat una kum tangai. 16  Lk 23:30Ma det kukukuk torom a kum lamlabino watat ma a kum tangai lena, “Mot in puku sapat netes un met, ma mot in munu met gusun in masarin o naro ra i kis una kiskis na king, ma gusun a kankan anun a Barman na Sipsip! 17  Jol 2:11; Mal 3:2Uni anunder a labino bung na kankan i sa wanpat, ra osi mo in tur lar pas sa numugu tander?”