1  Lo 32:43; Tam 6:10Numur tan a kum utna ri, a longoro a labino ugaia elar nama walngan ara labino kunur na taro sapat netes una langit, det kukukuk lena,

3 Ma det kukukuk melet lena,

4 A ru noino ma a wat na mugumugu ma a wat na utna ra det laun det puku pirso nama urur, ma det lotu torom o God, i ra i kis una nun a kiskis na king ma det watungi lena,

5 Ra in nalngan ara i wanpat tagun a kiskis na king, i watungi lenri,

6  Tam 14:2Ma a longoro a ugaia ra i elar nama walngan ara labino kunur na taro, a wungu ina danim, ra i noro, ma a pungpugur, i kukukuk lena,

9  Mt 22:2-3Numur a ensel i watungi tang lena, “Un tumusi lenri: Det ra di sa inanos tar det sur a lukaro na unolin anun a Barman na Sipsip, det dan!” Ma i watungi kai lena, “A kum wasiso ri a kum lingmulus na wasiso ut anun o God.”

10  Ap 10:25, 26; Tam 22:8-9Numur, a puku pirso nama urur nisan a ru kikino sur an lotu toromi. Ikut i watungi tang lena, “Gong! Iau kai, a tultul kut elar nam ui ma a kum tistisim ra det pam ukai a wasiso puaso anun o Iesu. Un lotu torom o God! Uni a wasiso puaso anun o Iesu, i ut ra i ukatutur a taro sur det in wasiso na poropet.”

11  Tam 1:5; 6:2; Sng 96:13; Ais 11:4A tama a langit i sa papos ma a tama a kabang na os i tur sa numugu tang. Ma i ra i kis netes uni di watungi lena, “I ser pam sot anun a pinapam” ma “I lingmulus.” Ma una nun a warkurai ma anun a inaim i mur a tokodos na petutna. 12  Dan 10:6; Tam 1:14; 2:17Arin nikiok na matano i elar namin kunabor ina sungun, ma a susut na kukup na king i kis unin lorino. Ma di tumus tar a rising uni, ra kataio i tasmani, i sot kut i tasmani. 13  Ais 63:1-3; Jn 1:1, 14I emar namin namalu ra di umurungi una gap. Ma a risano, “A Wasiso anun o God.” 14 A kunur na taro na inaim tagisapat una langit det kas una kum kabang na os ma det muri. Det emar nama kum wakak na malu ra i matok ma i kabang. 15  Sng 2:9; Tam 1:16; 14:20Ma in totok na inaim ra i wangon doko, kura uwano i gom pasi, sur in ban laulau a taro tagun a kum gapman rop nami, ma in warkurai dekdek det namin nubuku na aen. I pas ginogino a kum wino wain unin nutung na wat ra i tur ukinalong a karangop ina kankan anun o God, i ra i dekdek sakit. 16  Tam 17:14Ma una nun in namalu ma una balangot na kikino di sa tumus tar a risano lenri,

17  Ese 39:17-20Numur a tama ara ensel i tur taru unin matanas, ma i kakabo namin labino walngano torom a kum piko rop ra det ro una maino lena, “Mot ro urin, mot in nan tomo una labino lukaro anun o God. 18 Ma mot in nan a komonong ina kum king, a kum mugumugu anun a taro na inaim, a kum taro na inaim, a kum os ma det kai ra det kas un det, ma a komonong ina taro rop, a kum tene ititula ma det ra awu sur a kum tene ititula, a kum lamlabino ma det ra ka di ulabo pas det.”

19 Numur a tama a kuabor na wewegua ma a kum king tagun a rakrakon bual, ma anundet a kum kunur na taro na inaim ra det wan tomo, sur det in waim nam o naro ra i kas una os tomo nama nun a kunur na taro na inaim. 20  Tam 13:12-17; 20:10Ikut di pam sikot pas a kuabor na wewegua tomo nama torotoro na poropet, i ra i pam a kum utna na ukisin una risan a kuabor na wewegua. Ra i pam a kum utna na ukisin ra, i toro pas det ra a ukinalong anun a kuabor na wewegua kura un det, ma det lotu torom a malalar ina kuabor na wewegua. Di woro lalaun tar a torotoro na poropet ma a kuabor na wewegua unin labino tung na sungun, ra i wangon nama salfa. 21 Di um doko ru anunder a kunur na taro na inaim namin totok na inaim, ra o naro ra i kas una os i gom pasi. Ma a kum piko rop det wan a komonongin det ma det masur doko nami.