12
O God i ser ukodos a kum nutnutunu
1 Kor 9:24-25A susut na tene nurnur tagun numugu det tur talilis pas dat ma det upuaso a petutna na nurnur. I mo ra, i wakak sur dat in lakro ru a kum sau rop ra i ser turbat dat una nundat a inawan, ma a kum sakino petutna kai ra i ser ker ukai dat. Ma dat in kalabor, ma gong a pinindat i ngoro una kalkalabor una nundat a kinalabor, ra o God i sa waninar tari sur dat. Dat in tamtama tokodos sur o Iesu, i ra a kibin anundat a nurnur, ma i ra in ulabo pas anundat a nurnur tuk in kudulano. O Iesu i mat netes unin nanai kutus, a utna na maimai mulus. Ikut ke nuk pas a maimai ra, i pitar tari ut sur in taramo a ngunungut ma in mat unin nanai kutus, uni i tasmani lena, numur in los a labino gasgas. Ra uniri i sa kis una papor sot na laman a kiskis na king anun o God.
Mot in nuk pas o Iesu, i ra i taramo a kum mamaut, ra a kum tene sakino det pami uni, sur gong a pinimot i ngoro ma gong mot tusako. Mot waim tomo nama kum sakino petutna, ikut ka di um doko mot utmakai. Jop 5:17; Tam 3:19Mot sa dumano ru a kum wasiso na ururagot ra o God i watung tari torom mot a kum nutnutunu lena,
“Nutunglik, ra a Labino i ukodos ui,
gong u nuki lena a utna oros kut,
ma gong u tusako, ra i watung puaso anum a kum sakino petutna torom ui.
Uni a Labino i ukodos det ra i maris det,
ma i takalo det ra i watung det a kum nutnutunu.” Snd 3:11-12
Lo 8:5Mot in tur dekdek una kum mamaut, uni i ra, a kisapi ra o God i ukodos mot uni. Anun a pinapam ra, i elar nama pinapam ra a musano i ser pami torom a kum nutnutunu. Uni, osi na nat ra o tamano ken ukodosi? O God i ser ukodos a kum nutnutunu rop. Ma ra ke ukodos mot, i talapor lena awu sur mot a kum nutnutunu mulus, di usus oros tar mot kut una kisapi. A kum tamtaman dat taginin upiso det ukodos dat, ma dat ru det una nundet a kum etowo torom dat. Ra dat pami lenra, i lingmulus sakit sur dat in mur a etowo ra a Taman a kum niondat i ukodos dat nami, ma dat in laun. 10 A kum tamtaman dat taginin upiso det ukodos dat a nat na du bung kut, elar nama kisapi ra det nuki lena i wakak. Ikut, o God i ukodos dat sur dat in wakak, sur dat in talapor elar nami. 11  Jem 3:17-18Una du bung ra o God i ser ukodos dat, ka dat gasgas, dat taramo a ngunungut kut. Ikut det ra o God i ukodos det ma det mur anun a etowo, numur det in wu a malmal ma a tokodosino una nundet a nilaun.
12  Ais 35:3I mo ra mot in udekdek a kum lamamot ra ke dekdek ma a kum kikimot kai. 13 Ma “mot in nanan una tokodos na kisapi,” Snd 4:26
sur a kikimot ra ke dekdek gong i tikiras, in wakak melet kut.
Gong dat rosumur gusun o God
14 Mot in dekdek sur mot in kis na malmal tomo nama taro rop, ma mot in madek o God sur in gos talapor anumot a nilaun. Ra o God ke gos talapor a nilaun anun taio, ken tama a Labino. 15 Mot in tumarong, sako taio ken los a marmaris anun o God. Ma mot in tumarong, sako taio in elar namin mapak na wakakor na duwai ra in lubung pat ma in pitar a mamaut torom mot, ma in ban udur pas lako susut. 16  Stat 25:29-34Mot in tumarong, sur gong taio i pam a pamuk na petutna, ma gong taio i rosumur gusun o God, elar nam o Iso. Ra i milau sur o Iso in los a susut na ululeng tan o tamano, uni i a mugano nutunu, o Iso i siuru ru a kum ululeng ra, sur ara pelet na utna kut. 17  Stat 27:30-40Mot sa tasmani lena, numur, ra i nemi sur in los melet pas a wasiso na udan tan o tamano, o tamano i ipul ru i mukut. A lingmulus, i tangis sur in los melet pas a wasiso na udan ra, ikut ke sio melet pas tu kisapi sur in pukus asau ra i sa pam tari.
18  Kis 19:16-20; Lo 4:11-12Ka mot wanpat una tangai Sainai elar nama taro Israel. A tangai ra, di pet lari sur din tulani. Tiro iai a sungun i kunkunabor, ma det tama a dumirum ma a mirum na bakut ma a labino wuwu. 19  Kis 20:18-21; Lo 5:22-27Det longoro a tinangis nin tuwuru, ma in nalngan ara ra i wasiso. Ra det longoro i, det saringi sur gong mo i wasiso torom det, 20 uni det ngara doko una warkurai lena, “Ra tu musano in tulan tar a tangai ra, o tu wewegua in tulani, din duku doko i.” Kis 19:12-13
21 A kum utna ra, ra det tama i, i ungara doko det, ra o Moses i watungi lena, “A ngara, ma a neneder.” Lo 9:19
22 Ikut, mot sa wanpat una tangai Saion, i o Jerusalem kusapat una langit, a tamon anun o God, ra i laun. Mot sa wanpat torom a kum ariparip na ensel ra ka din luk lar pas det, ra det kis tomo nama gasgas. 23 Mot sa wanpat una kinkinis tomo anun a kum mugano nutnutun o God, det ra di sa tumus tar a kum risandet sapat netes una langit. Mot sa wanpat torom o God, i ra a Tene Warkurai anun a taro rop, ma torom a nion a kum tene tokodos, ra o God i sa utokodos sakit pas det, 24  Ibr 8:6; Stat 4:10ma torom o Iesu, i ra i tur epotor tan o God ma a taro, ra i pam tar a matok na kunubus, sur i dat tomo tar det. Mot sa wanpat torom a gapino, ra di sa lamlamir taru nami. A gap ri i wasiso puaso una kum utna ra i wakak sakit taun asau ra a gapin o Abel i wasiso uni.
25  Ibr 2:1-3; 10:26-29Mot in tumarong, sur gong mot rosumur gusun o God ra i wasiso. Det ra ka det mur anun a wasiso ra i utumarong det tong una tangai Sainai, ka det kalabor eno lar pas gusun a warkurai na minabalu. I lingmulus sakit, ka dat in kalabor eno lar pas, ra dat rosumur gusun o naro ra i utumarong dat tagisapat una langit. 26 Ra o God i wasiso tong una tangai Sainai in nalngano i tang a rakrakon bual. Ikut uniri, i sa liliman taru lena, “Ara dino melet an tang a rakrakon bual, ma awu sur a rakrakon bual kut, a langit utkai.” Hag 2:6
27 Ra o God i watungi lena, “Ara dino melet,” a kukuraino lena in los ru a kum utna ra i tugunu kut, a kum utna ra i sa ukis tar det. In los ru det sur a kum utna ra ka din gunu lar pas det, det in kis ut.
28 Dat in watung wakak torom o God, uni dat sa utur ukai a matanitu ra ken tugunu. Dat in lotu torom o God nama urur ma a nginara ra i elar nam anun a nemnem, 29  Lo 4:24; 9:3uni anundat a God i elar nama karangop na sungun, ra in tun rop ru a kum ututna rop.

12:1: 1 Kor 9:24-25

12:5: Jop 5:17; Tam 3:19

12:7: Lo 8:5

12:11: Jem 3:17-18

12:12: Ais 35:3

12:16: Stat 25:29-34

12:17: Stat 27:30-40

12:18: Kis 19:16-20; Lo 4:11-12

12:19: Kis 20:18-21; Lo 5:22-27

12:24: Ibr 8:6; Stat 4:10

12:25: Ibr 2:1-3; 10:26-29

12:29: Lo 4:24; 9:3